MITOLOXÍA ASTUR: GRUMANTES, PATARICOS Y CARPURIAS.

El Patarico apruz nomau por primer vez por Bernardo Acevedo y Huelves y Marcelino nel so “Vocabulario del bable occidental” (1931), diciendo que los peixotos del Navia y del Eo creyíen qu’había un país por frente de onde vivíen que taba habitau polos Pataricos, xigantes caníbales que teníen un güeyu na frente y andaben golifando poles sos playes a ver si naufragaba dalgún cristianu que papar.

002

Nengún otru autor vuelve a nomalos polo que la creyencia n’ellos desaniciose hacia 1880 porque estos autores y’alvierten qu’esti mitu ya taba esborrinándose deba unos cincuenta años.

Los trabayos d’angüañu na recoyida de tradición oral tampoco fueren mui granibles, anque si atopamos frases feches n’Anlleo (Navia) ónde decíase: “Yas más malu qu’el Patarico”.

pataricu

Otru ogro descomanau con un sólo güeyu atopámoslu nel oriente d’Asturies, en sotres (Cabrales), fálase del Grumante, un xigante mui fuerte  con un güeyu namás, que vivía nes torques y si dalguién s’allegaba a una, espurría un brazu fuera, mui llargu, garrábalu y comíalu. Decíase que na torca ónde nun había un Cuélebre, había un Grumante. Tamién había frases feches cuandu dalquién yera mui gafu: “Calla, que pareces un Grumante”. Anque’n Tielve (Cabrales) el Grumante fae les veces de Nuberu, trayendo la Torna (hai que remembrar que’l Nuberu en dalgunes hestories ye tuertu). El folclorista Sordo Sotres tamién recueye hestories del Grumante, un home mui feu, vestiu de prietu, que llée llibros de “Maxica Negra” pa facer tormentes y saca los cuélebres  de les torques amarraos a los sos zapatos. En Cavandi Toh.es (Valle altu de Peñamellera) los Nuberos sacáben-yos el sangre a los cuélebres pa llevala “ellí ónde h.iciera falta”. Ye afayaízu n’esti casu qu’esti Grumante seya una adulteración de la pallabra “nigromante”, ye dicir, bruxu o magu.

Na Bañeza llionesa, el vendabal traelu’l xigante Carpurias que tien un güeyu solu na frente.

Nun cuentu tradicional asturianu conocíu comu “L’aniellu de per equí”, una neña piédese na biesca y llega a la casa l’ogru qu’oblígala a trabayar pa él y curiar de la reciella. Un día, la neña, ciega-y l’únicu güeyu que tien con un fierru ingrientu. Escápase escondía ente les oveyes del ogru nuna estratexa asemeyada a la d’Ulises na Odisea col cíclope Polifemo. Pero’l xigante engáñala diciendo-y que nun-y guarda rocea denguna y regala-y un aniellu qu’al ponelu indica-y ónde ta la neña diciendo “per equí, per equí”. Dempués d’una escorribanda la neña, al ver que nun ye quién a quitalu, curtia’l didu y tíralu col aniellu y too a un rigu, ónde cae l’ogru afogándose.

carnavales_tartalo

N’Euskadi, tamién hai dellos cíclopes engalazaos por tragar cristianos. Trátase del Tártalo o Torto (Nafarroa) y el Becut del Valle del Bastán (nel Altu Garona). Esti caberu tien un rabañu de carneros colos cuernos d’oru y una parexa de campesinos quieren robailos. Cegáronlu con un tizón y escaparen con una pelleya carneru ente’l rebañu mientres l’ogru apalpuña por riba d’ellos, otra vuelta la mesma idega que na Odisea, anque nun hai qu’escaecer que dalgu asemeyau tamién pasa nel tercer viaxe de Simbad el Marín.

Ojancano

Na vecina Cantabria tamién hai un cíclope, trátase del Ojáncanu, otru xigante que provoca argayos cueme too lo qu’atropa y ye Xeniu de biesques y montañes.

Fonte:

“Guía de la mitoloxía asturiana”; Alberto Alvarez Peña; Editorial CH.

Illustraciones:

1ª.- Patarico. Autor/a: desconocíu/a. Fonte: google.

2ª.- Patarico. Autor/a: desconocíu/a. Fonte: google.

3.- Tártalo. Autor/a: desconocíu/a. Fonte: zizurardoi.com

4.- Ojáncanu. Autor/a: desconocíu/a. Fonte: mitologiaiberica.wikia.com

 

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s