INFORME AÑAL D’ACTIVIDAES DE LA LLIGA CELTA D’ASTURIES 2017

Comu tolos años, vamos facer un pequenu resumen de toles actividaes que ficimos a lo llargu’l 2017, desti xeitu queremos dar a conocer a toles persones que mos lléan la variedá d’estayes nes que tamos trabayando y abrimos la posibilidá a toda persona que-y apetezca formar parte nuesu equipu y desencolcar les actividaes y proyeutos que-y peten dientru del marcu d’aición de los oxetivos de la Lliga Celta d’Asturies.

Eiquí va:

Actividaes:

El 12 xineru entamamos una conferencia titulada » El ganau de tueru célticu n’Asturies ya otres naciones celtes: un enfoque xenéticu y morfolóxicu», nel Ateneu Obreru de Xixón na qu’el biólogu y profesor de secundaria César González Herrerías falonos abondu de les característiques y venceyos ente les races autóctones asturianes (pony asturcón, oveya xalda, gochu asturcelta, pita pinta, cabra bermeya) ya otres d’otres naciones celtes.

El 25 marzu entamamos una concentración pola defensa’l Padremoñu Hestóricu-cultural d’Asturies a les 11:00h delantre l’ilesia Santuyanu, ayalga del Arte Asturianu y catalogada comu Padremoñu de l’Humanidá; ya’l mesmu tiempu, edificiu aquexáu dellos males, sobro too venceyaos a les humedaes y la contaminación ensín que t’agora haya munchu enfotu’n solucionalu, tuvimos ellí reivindicando que l’Almenestración d’Asturies faiga lo propiu p’asegurar el so correutu caltenimientu pa les xeneraciones futures. Hai que reseñar que tuvimos el gustu de cuntar nel actu cola presencia de miembros de la Lliga Celta Llionesa, una delegación del partíu políticu Andecha Astur (convidamoslos a toos los partidos políticos y esceutu Andecha Astur nun vino nengún), y dalgún escocés afincáu n’Asturies con más procuru pol nuesu padremoñu que munchos/es de nos.

Esi mesmu día, depués de la concentración entamamos una conferencia a les 12:00h nuna sala la nueso sede titulada: «Monumentos altomedievales d’Uviéu: nuevos enfoques y perspectives», qu’impartió l’economista y profesor de secundaria Francisco José Borge Cordovilla.

Los díes 15 y 16 d’abril taba entamau facer les Xornaes del Asturcón na Puela de Maliayu; un ciclu de 3 charres ya una visita a una granja de cría d’Asturcón; peru llamentáblemente, por razones ayenes a l’organización de nuesu, nun pudu executase. N’esta actividá taba collaborando l’Asociación de Criadores d’Asturcón d’Asturies, l’Asociación de Criadores d’Oveya Xalda, Bertu Peña de la Fundación Belenos y la Ca’l Conceyu Villaviciosa. Llamentamos nun haber podido l.levalo a cabu, esperamos facelo nun futuru más prósimu que lloñe.

El 14 de mayu, xuntu a l’asociación cultural El Curbiru de Bañugues (Gozón), entamamos una concentración nel castru de Podes pa solicitar a l’Almenestración que faiga lo necesariu pa evitar que tea esfarrapando parte’l castru al mar cola consiguiente perda de material importantísimu ya irrecuperable que sedría fundamental pa l’obtención d’información útil sobro’l castru ya los habitantes de so, per una llau, y pa l.lamar l’atención de pa población asturiana sobre esti tema.

El 15 de xunu entamamos una conferencia nel Museu Arqueolóxicu d’Asturies a les 19:00h titulada: «Reinu d’Asturies: orixe y espardimientu»; que foi impartida pel hestoriador y’autor de numberosos llibros y trabayos sobro’l tema Javier Rodríguez Muñoz.

Durante los meses de Xunetu y setiembre tuvimos creyando’l Fondo Documental de la Lliga Celta d’Asturies, ya entovía siguimos con ello. Una xera complicao ya que tuvimos que guetar un llugar pa tener tolos volúmenes adecuadamente y baxu llave, creyar una base datos, amalgar llibros y trabayos que configurares esi fondu documental, y llueú meter tola información nes bases de datos. Facer too esto ensín perres nun foi fácil, tenemos qu’agradecer mui, mui fondéramente la collaboración desinteresao de: La Conseyería Cultura del Principau d’Asturies, l’Academia de la Llingua Asturiana, El Real Institutu d’Estudios Asturiano y la Real Academia de l’Hestoria, ensín el sofitu de so, enxamás hebiera sido posible creyalu. Esti fondu, nun entamu, sedrá pa usu los/es socios/es de la Lliga Celta d’Asturies nes sos investigaciones, más alantre, a midía que vaya aumentando, intentaremos incluyir un serviciu consulta o préstamu a otres asociaciones y, quiciabes, a particulares.

                           

   

El 13 d’ochobre entamamos la conferencia titulao «El llobu na cultura asturiana» nel Ateneu Obreru de Xixón na qu’el gran Bertu Peña, etnógrafu, escritor, dibuxante y miembru la Fundación Belenos, ufrecionos un percorríu perprestosu la presencia d’esti magníficu animal na cultura  y mitoloxía asturiana.

El 11 payares, Fernán Morán de la Lliga Celta d’Asturies, impartió una charra titulada: «Asturia y los ástures», nel I Alcuentru Cultural entamáu pola organización Ágóra n’Areñes, conceyu Piloña. una esperiencia perprestosa ya enriquecedora con una xente maravillosa, esperamos facer más collaboraciones.

El 18 d’avientu entámase contautu cola Alba Branche of the Celtic League col envís de promover l’hermanamientu ente la Lliga Celta d’Asturies y la rama escocesa de la Celtic League y la posibilidá de facer conceyos y visites ente nueses dos ñaciones celtes. Angüañu sigue’n procesu esti proyeutu.

         

 

El 26 d’avientu farase l’Asamblea Xeneral Ordinaria de la Lliga Celta d’Asturies na que tolos/es socios/es podrán averase y na que decidirase, en bona midía, lo que faremos durante’l 2018, amás de venos y pasar un bon ratu’n xuntanza.

Redes sociales:

Nuesu blog: durante l’añu espublizamos 53 artículos, tuvimos 45.611 entraes y 31.908 visitantes de tol mundiu; lo cual préstanos abondu porque l’añu pasáu n’estes feches tuvimos alrodiu de 18.000 visitantes, ye dicir que casi doblamos, esu sinifica que tamos faciendo bien les coses.

Twitter: tenemos 253 seguidores/as, casi 100 más que l’añu pasáu.

Facebook: eiquí los datos tamién son munchu meyores, a fecha güei tenemos 1873 seguidores/as, alrodiu d’ochocientos más que n’avientu l’añu pasáu, lo cual préstanos abondu. El alcance mediu de nueses espublizaciones ye de 8.258 persones de media, lo cual nun ta mal.

Amás d’esto, creyamos varios grupos de Facebook col envís de favorecer l’intercambiu cultural ente Asturies ya otres naciones celtes ya’l nuesu hermanamientu. T’agora tan creyaos los grupos d’hermandá ente Asturies y: Alba, Eire, Cymru, Breizh y País Llionés.

Espublizaciones:

El 16 de marzu, Fernán Morán, presidente de la Lliga Celta d’Asturies espublizó nel diariu Asturies.com l’artículu: «¿Ye Asturies una ñación celta?»

El 25 mayu, Fernán Morán, presidente de la Lliga Celta d’Asturies espublizó nel diariu Asturies.com l’artículu: «25 Mayu vs 8 setiembre».

El 17 d’ochobre espublizose’l reportaxe que mos fizo la revista internacional d’orixe canadiense Celtic Life.

Bono, comu podéis güeyar nun paramos facer coses, y seguiremos faciéndolo l’añu prósimu ya l’otru ya l’otru porque tamos comprometíos/es cola nación celta d’Asturies. Si quiés facete sociu de la Lliga Celta d’Asturies nun ties más que ser mayor d’edá, cumplimentar la fueya d’inscripción y pagar la cuota única d’entrada de 10 euros… tamos esperándote que vengas con ganes de facer coses!!!

Fernán Morán, presidente de la Lliga Celta d’Asturies.

NOTA: les persones interesaes en facese sociu/a de la Lliga Celta d’Asturies pues pidir información unviando un correu a: lligaceltadasturies@gmail.com

PRESTOSU SOLSTICIU D’IVIERNU, PRESTOSU YULE!!!

Güei ye’l Solsticiu d’Iviernu. Esti ye un momentu de reflexón, de fonrrar la memoria los nuesos ancestros, d’allegrase pol renacimientu de Lug, ya con él la renovación de la vida.

Ente nos, los celtes, ye’l momentu d’ofrendar a nuesos árbores sagraos, de quemar el Tueru Nadaliegu, ya esparder les sos povises pola güerta o la biesca ; d’aconceyar cola familia faciendo alcordanza de los que ya nun tan con nos n’esti mundiu emperu espérennos en Letavia; de xintar y brindar a la salú de toos, los vivos ya los muertos.

Dende la Lliga Celta d’Asturies, ya personalmente de mio, deséyovos a toos ya toes un felíz Solsticiu d’Iviernu y un prestosu Yule, que la llume de Lug vos guíe…

Fernán Morán, Presidente de la Lliga Celta d’Asturies.

Semeyes ya illustraciones:

1ª.- Sotres, nel conceyu Cabrales. Autor/a: desconocíu/a. Fonte: Google.

2ª.- Green Santa. Autor/a: desconocíu/a. Fonte: Google.

FOLKLORE ASTURIANU YA CELTISMU.

Asturies foi siempres consustancial cola música. Nun vamos referinos equí a les teoríes clásiques sobro l’orixe de la música, basándola como Darwin nel amor sexual, o na palabra como quier Herbert Spencer; o nel trabayu físicu ordenáu como pretende Carlos Buecher, por ser irrelevantes al nuesu estudiu. Probablemente tolos pueblos en tolos estadíos de civilización que pudieren topase utilizaron la música, pero Asturies tuvo de ser dende siempres especialmente sensible al arte de los soníos, y ello pol definíu calter llíricu y sonoru del so contestu xeográficu. Tou n’Asturies canta: l’oral, el vientu, el monte, el ríu o’l regueru; toos espunten la so melodía presidíos pol bordón del mar y l’home, igualmente, de manera instintiva y natural, tuvo d’acompasar la so larinxe al contestu sonoru en que se desenvolvía la so vida.

Cuanto antecede nun ye puru desafuego llíricu sentimental. Caltenemos delles pruebes d’esta afección música-home nos primitivos asturianos. L’asturianu prehistóricu xiblaba y soplaba preseos rudimentarios. Na cueva del Cueto de la Mina atopáronse cuernos con ornamentación estilizada que pudieron ser utilizaos pa llamaes sonores dempués de furaos, o usaos como xuna especie de castañueles cutiéndolos con otros güesos o palos. Tamién tenemos l’exemplu más específicu de la supuesta flauta descubierta nos nuesos xacimientos prehistóricos por Hernández-Pacheco. Y queda, a lo último la representación de danzantes, figures humanes, nel llamáu ídolu de Peña Tu, en Puertes de Vidiago.

Averándonos a tiempos históricos o protohistóricos, toos los investigadores qu’estudiaron l’orixe y ñaturaleza de la música tradicional asturiana atopáronse con un dilema básicu: la tesis orientalista y l’europeísta.

La primera interpreta la nuesa música como la consecuencia d’unes influencies decisives orientales adveníes al traviés del Sur del Mediterráneu y Norte d’Africa, que’l so momentu culminante sedría la música Arabe establecida n’España firmemente mientres el llargu periodu d’ocupación por fuerces arábigues. El principal defensor d’esta teoría foi’l notable arabista Julián Ribera.

La segunda tesis, la europeísta, sofítase primeramente na hipótesis celta pa siguir coles influencies de la música llitúrxica bizantina y dempués coles aportaciones provenzales. Más que defender una posición propia, refuguen con mayor o menor vehemencia –Pedrell, por casu, rotundamente-, la tesis árabe.

Convien señalar de mano que’l dilema plantegáu nun sinifica xuna contradicción tan radical como dalgunos pretendieron. Toes los enclinos musicales qu’apuerten a la nuesa patria, tantu les qu’enfusen pel Norte, como les recibíes pel Sur, tienen de dalguna manera, un orixe común: toes remotamente rellaciónense col Oriente Mediu, más dellos raigaños finales quiciabes indostániques.

Los árabes, recordemos, nun teníen música propia –inclusive la proscribió primeramente la relixón musulmana- y adopten y tren a la península Ibérica solamente la música qu’oyeren y asimilaren nel Oriente Mediu, música fundamentalmente de tradición griega y sustanza bizantino.

Pela so parte, los pueblos celtes y xermanos qu’invaden Europa pasaron, procedentes de la India por Oriente Mediu o la so redoma, y la so música, cualesquier que fora, tuvo que ser afectada por esti crisol común.

Independientemente de la fonte troncal. Cabo inda suponer un más remotu orixe xerminal de ciertos aspeutos del folclor musical español, y más concretamente del asturianu, nes tradiciones de ciertos grupos étnicos de raza aria qu’ocupaben Asia occidental nel terceru y cuartu mileniu antes de Cristu ya invaden la India ente’l 1500 y el 1000 antes de Cristu. El Rigveda y sobremanera el Samaveda, que les sos cantares caltienen notaciones musicales, ufierta interesaes connotaciones con delles característiques que definen los nuesos cantares asturianos: la preponderancia de la música sobre la lletra, l’usu de escatos cromáticos que nun tienen paralelu nin na música griega nin na clásica hindú de tiempos posteriores y que pela cueta presenten evidentes relaciones con ciertos cantares hebreos, especialmente sefardites. Esiste inclusive una unidá de tiempu llamada “urddhi” = aumentada = qu’enllarga deliberadamente el final de la frase y paez una contrapartida de traces asemeyaes qu’apaecen nel cantar llano cristianu. De la mesma los trémolos qu’asoceden nos cantares Védicos asemeyen la “tremula voce” de los “quilismas” medievales, probablemente emparentaos, como vamos ver más palantre, col folclor musical asturianu. Peter Crossley Holland, nel so estudiu sobro los Cantares Vedes incluyíu na Pelican History of Music señala tamién (pág. 26) qu’esti tipu de cantares caltiense especialmente en determinaos valles del Himalaya, onde delles dances primitives recuerden, al mio xuiciu, ciertes dances rituales asturianes. Resulta asina interesada l’afinidá xeofísica de los cordales Cantábrica ya Himalaya enllargándose extrañamente en tradiciones humanes similares xuníes quiciabes na nueche de los tiempos a lejanísimos entronques comunes.

La reconocencia d’esta premisa xeneral de la fonte común de tola música advenío a Asturies ye importante y constitúi la clave pa entender munchos fenómenos posteriores que los musicólogos nun llograron desentrañar al estudiar la nuesa música.
Partiendo d’esti plantegamientu hemos d’establecer de mano que’l Norte de la península Ibérica, sía que non, pertenez de xuru a Uropa, na que ta somorguiáu pol contestu climáticu, xeográficu, humanu y hestóricu. Nada se produz na hestoria por puru azar. Hai un mundu –una cosmovisión, que podemos llamar, pa entendenos, “occidental”- frente a Oriente, que’l so llende, variable según los tiempos, vien marcáu latamente per Austria nel Este y traviesa el corazón de la península Ibérica pol Suroeste. La marea árabe detiense n’Asturies y la turca n’Austria por razones más fondes que l’azar d’un fechu d’armes. Les Termópilas y la so redoma, son entá la frontera de la llibertá.

Asturies pos, -y la península Ibérica de la mesma, anque Asturies más claramente-, pertenez al contestu cultural uropéu y, nesti contestu hemos d’interpretar la so hestoria y, arriendes d’ello, la so música.

Prescindiendo del periodu históricu, demasiáu llonxanu pa poder tener trescendencia nes vivencies musicales actuales –anque ye precisu faer mención del importante núcleu de cultura sinificáu pola civilización de los covarones del Oriente d’Asturies y Occidente de Cantabria-, nel periodu protohistóricu, alredor del primer mileniu antes de Cristu, Asturies conoz la enllargada invasión de pueblos procedentes d’Europa, en folaes socesives, cada unu con fisonomía propia anque toos ellos suelen englobar na denominación xeneral de “celtes”. Enantes, la nuesa nación taba habitada por una población indeterminada que produció la cultura megalítica, que s’estendía por toes les nueses llendes. Los nuevos invasores asimilaron, incorporaron o bien entamaron la convivencia cola población anterior produciéndose lo que dase’n nomar la Cultura Castreña. Sicasí, la zona onde tuvo’l so asientu más enraigonáu la cultura prehistórica de los covarones –estríctamente de Llanes a Torrelavega y más latamente de Candamo a Peña Castillo- permaneció un pocu al marxe de la Cultura Castreña, qu’enraigonó con más fuerza nel centru d’Asturies y el so occidente.

Ensin entrar agora a discernir el calter del establecimientu y desenvolvimientu históricu d’estos pueblos, interésanos solamente, a efeutos d’investigar les connotaciones musicales, señalar los estratos culturales de la nuesa población primitiva. Tenemos en primer llugar l’oriente d’Asturies, con una perimportante civilización prehistórica, con que’l so contestu cultural y hábitat xeográficu tán rellacionaos –como vamos ver más tarde- el Corri Corri y El Pericote. El centru y occidente d’Asturies, per otru llau, constitúin l’asientu d’una cultura céltica específica que produz la civilización de los castros y en que’l so contestu musical ta centrada la Danza Prima.

Esti esquema inicial, realizáu con observaciones musicales sofitaes en datos históricos, déxanos discernir claramente una identidá histórica munches vegaes mal entendida: el mundu cántabru-ástur. Amuésanos en primer llugar la induldable afinidá d’estos dos pueblos que la so música folklórica presenta analoxíes y semeyances pergrandes.

Nel Norte de la península Ibérica atopamos, al mio xuiciu, perfectamente definíes trés families musicales: la vasca, el cántabru-ástur y la gallega. Anque toes elles rellacionaes ente sí, la nuesa música ta más estrechamente emparentada cola gallega y más alloñada de la vasca. Toes vienen de un fondu celta común, anque estremáu ente sí dientro de les evidentes semeyances que los xunen, y según el celtismu galaicu paez rellacionáu col de Gales o Irlandés, el vascu col escocés, y l’asturianu col escandinavu. La tesis celta aplicada a la música tradicional asturiana tuvo polo xeneral favorable acoyida ente los escasos pero entusiastes investigadores que trabayaron sobro’l nuesu folclor musical.

Magar la so alloñanza nel tiempu, la influencia céltica pue ser lexítimamente reconocida na nuesa música por dos razones: de primeres, según apuntóse al empiezu d’esti estudiu, pola idoneidad d’home-música que permanez afincáu na personalidá de los seres humanos y los pueblos al traviés de los sieglos; de segundes, y reforzando lo dichu enantes, porque los celtes vinieron a Asturies “pa quedase”. La sucesión d’invasiones y conquistes que reflexa la nuesa hestoria y toles hestories- provoca la tentación de valorar igualmente toes elles y les sos consecuencies. La organización política, tribal o nacional, la llingua, el costumes, esto ye, tou aquello que constitúi’l fenómenu denomináu “aculturación”, puede camudase, pero el sangre permanez, con tolo qu’ello implica. Por ello, los sustratos de pobladores primitivos d’Asturies constitúin la esencia de la nuesa personalidá. Aquella serie de pueblos indoeuropeos que nos milenios anteriores a Cristu algamaron la cornisa costera asturiana, especialmente los celtes, asitiáronse para siempres na nuesa tierra. La xigantesca galopiada, la indescribible “völkerwanderung” céltica consumió’l so llargu percorríu n’Asturies, que los celtes convirtieron nel so llar definitivu y de quien somos los sos herederos. Traxo depués Roma les sos ordenances, los sos funcionarios y el so policía, la so llingua y la so organización, pero namás. Los visigodos, que fueron apenes un regatucu nel ríu hispanorromano, pocu pudieron camudar la estructura básica racial d’Asturies. La ocupación árabe escareció d’importancia ente nós y esto yá ye un tópicu retóricu. Ciertu que se caltienen ente les nueses tradiciones referencies frecuentes a matances de moros, cueves, palacios y ayalgues escondíes pola morisma, pero tollo suena más a conseyes medievales qu’a realidaes históriques dignes de considerancia. L’entamu de la mal llamada Reconquista, tampoco tuvo de significar un trestornu decisivu del contestu humanu de la nuesa nación. Ciertu qu’elementos esvalixaos del exércitu y l’alministración visigótica buscaron l’abelugu nos nuesos montes pero la guerra de guerrilles característica del empiezu del Reinu d’Asturies namá puedo ser fecha por nativos, bonos conocedores del terrén. Los ideales, la organización, la xefatura pudieron ser visigodos, per el sangre que punxo en marcha esi fenómenu llamáu Reconquista foi asturiana.

Y asina hasta los nuesos díes. Non puede negase l’amiestu de pueblos na nuesa nación, que l’Antropoloxía demuestra sobradamente, pero ello nun desmiente la permanencia d’un sustrato básicu indoeuropéu primitivu, célticu, que preside la nuesa naturaleza y determina la nuesa idiosincrasia.

Esti celtismu manifiéstase claramente en delles parceles de la nuesa música. De primeres, na Danza Prima, que la so estructura fundamental –en música y baille- tien, al mio xuiciu, evidentes reminiscencies céltiques. De segundes, l’acentuáu llirismu de la nuesa música tradicional procede igualmente de la sensibilidá emocional céltica. Los celtes se advienen a Asturies tres interminable pelegrinaxe, nun se queden equí por casualidá. Veníen a cencielles buscando la so alma, y equí atopar, porque’l monte, el monte, el valle escondíu d’Asturies, conformar en consensu perfectu cola so sensibilidá, la nuesa sensibilidá.

Fonte:

“La canción asturiana”; José Benito A. Buylla; Ayalga Ediciones, 1977

Torna l’asturianu:

Fernán Morán.

Redaición ya composición:

Fernán Morán.

Semeyes ya illustraciones:

1ª.- Esquema de la representación de «los danzantes» nel Idolo de Peña Tu. Fonte: Asturnatura. Autor/a: desconocíu/a.

2ª.- Mapa de la península Ibérica nel sieglu VIII. Fonte: Wikimedia.commons.

3ª.- Asturianos y asturianes danzando. Fonte: Google. Autor/a. desconocíu/a.