DEIDAES ASTURES: EVEDUTONIU BARCIAECO

Ara votiva al dios Evedutoniu Barciaeco, atopada nel paraxe nomáu Fidalgu na zona de Naraval nel conceyu de Tinéu – Asturies. Actualmente alcuéntrase nel Muséu Arqueolóxicu d’Asturies.

N’ella pué leese la silguiente inscripción:

L SER SECVN
EVEDVTONIV
BARCIAECO
V S L M

Que cuerrespondería col silguiente testu:

L (ucius) Ser (vius) Secun (dus) /
Evedutoniu (sic) /
Barciaeco /
V (otum S (olvit) L (ibens) M (erito).

Que traducíu a l’asturianu sedría:

“Lucio Servio Segundu cumplió dol so votu sagráu al dios Evedutoniu Barciaeco.”

12019845_882322615221506_7333703374604604970_n

LES GUERRES ASTUR-CÁNTABRES: EL “BELLUM ASTURICUM” (V)

LA CONQUISTA D’ASTURIES.

Nel añu 26 a.C dalguna de los trés columnes enantes nomáes o bien enfusaron n’Asturies pelos Picos d’Europa hasta la mariña, o bien avanzaron pol Nansa fasta la zona de Ribesella. Los afayos de cerámica romana más antiguos de los que disponemos pertenecíen a la Campa Torres de Xixón (posible villa venceyada a contautos costeros de calter comercial). Ente que les monedes d’Augusto o Agripa o la terra sigillata aretina indiquen una ocupación dende mediaos o finales del sieglu I a. C. Por eso, nun ye escabarriáu pensar que les mariñes xixoneses ya del oriente pudieren sirvir de llugar de desembarcu de tropes y provisiones.

BELLUM ASTURICUM-CANTABRICUM

Sía que non, puede datase d’una cimera ocupación romana de l’área centru-oriental asturiana nel añu 26 a.C.

La zona centro-occidental pudu haber quedáu apoderada tres el Bellum Asturicum ya l’episodiu del Mons Medullius.

Lo que ta nidiu ye que foi definitivamente sometida a Roma ente’l 24 y el 19 a.C, anque nun quedó pacificada dafechu. P’asegurar la paz, los romanos instalaron 3 lexones na dómina de Tiberio: la VI Vitrix en Braga, la X Gemina en Rosinos de Vidriales y la VI Macedonica n’Herrera de Pisuerga que fueron reemplazadad darréu pola Legio VII Gemina asitiada en Llión (68 d.C) y alae (caballeria) y cohortes (decima parte de la lexón).

gcantabras

Tres la so conquista incorporar a la provincia Ulterior Lusitana. Inda en vida d’Augusto esta camudóse ya pasó a formar parte de la Tarraconense. Na dómina altoimperial perteneció a 3 circunscripciones xurídiques: A Lucus Augusti (Llugo) capital del Conventus Lucensis, que  pertenecía’l territoriu ástur ente los rios Caneiru y Eo. Al Conventus Asturum con capital en Asturica Augusta (Astorga), dependía’l territoriu ente los rigos Caneiru ya Sella. Del Conventus Cluniensis con capital en Clunia (Peñalba de Castro) que dependía la zona ente los rios Sella y Deva.

Caracalla creó la Provincia Nova Hispaniae Asturiae et Gallaecia, pero nun sobrevivió al so reináu.

conventus_gallaecia

Na dómina baxu imperial, embaxu’l gobiernu de Diocleciano la provincia Citerior estremó’n 3 : Tarraconensis, Carthaginensis y Gallaecia (a la que pertenecia Asturies). Con Consatantino creáronse les Praefecturae ya Hispania pasu a defender de la prefectura de la Galia.

Fonte: Hestoria d’Asturies I Prehistoria-Historia Antigua. Ed. La Nueva España.

CASTROS ASTURES: CASTRU PENDÍA.

El Castru de Pendia ye un recintu amuralláu asitiáu nel conceyu de Bual. Foi escaváu nos años cuarenta del sieglu XX por Antonio García y Bellido y Juan Uría Ríu, responsables tamién de les escavaciones arqueolóxiques que se ficieron nel castru de Coaña, y foi declaráu Monumentu’l 26 de xineru de 1981. El castru ye d’aniciu indíxena y tuvo ocupáu ente los sieglos IV y I enantes de la nuestra era, na Edá del Fierru.

poblado-fortificado-1

No tocante a la so fundación, varies pieces de gran antigüedá dan idega d’un primer establecimientu prerromanu que, más sero, en dómina romana (sieglos I y II d.C.), sería integráu nun recintu fortificáu mayor. Ye probable tamién qu’hubiese asentamientos tardorromanos y altomedievales.

Les ruines del pobláu asítiense sobre un pequeñu promontoriu rocosu al llau d’unu de los meandros formaos pol ríu Pendia, y pue llegase a elles dende’l pueblu de Pendia, per un estrenchu senderu que dexa a al izquierda’l fosu defensivu qu’aislaba l’asentamientu del restu del cordal.

12036585_879574478829653_4419443777318169134_n

A la ubicación topográfica d’esti pobláu hai qu’amestar la desproporción ente les sos potentes fortificaciones y el menguáu recintu que protexíen, nel que, arriendes d’ello, apaecen xunto a un pequeñu grupu de cabanes (una docena), dos saunes castreñes asemeyaes a les descubiertes nel castru de Coaña. Supónse qu’un complexu defensivu de tal envergadura respondía a la necesidá de facer seguru pa los sos habitantes un emplazamientu vulnerable.

Ellementos del castru:

Fosu ya elementos defensivos: A la manzorga del camín de xubida escontra l’interior del castru, ye visible’l fondu fosu qu’aislla l’espaciu de vivienda de la fastera de los montes de Villanueva ya evita un pasu cómodu sobre l’accesu más vulnerable. La zanxa foi rellenada colos derrumbes d’un gran torrexón que protexe ya corona’l fosu, y colos esbarrumbamientos de la muria que percorría tol perímetru’l pobláu.

Sauna prerromana: Alzase al Norte, sobre la entrada’l pobláu, al abellugu de la muria. Respuende a un tipu constructivu que xeneralizáu nel valle del Navia ente los sieglos IV-II a. C., enantes de la conquista romana, ya cuntaba con un fornu semicircular, una cámara rectangular, ya un antepar, magar nesti casu nun se caltuvo. Un pequenu depósitu d’agua ente’l fornu ya la cámara principal, dexaba crear el vapor necesariu pa tomar los baños. Dende esti puntu aprecia la esistencia de dos zones estremaes dientro del pobláu: el sector norte, protexíu por dellos elementos defensivos qu’aisllen l’espaciu nel que foi emplazada una cabana de grandes dimensiones, ya la zona meridional, onde se disponen el restu de les construcciones.

12011192_879574405496327_9095424922327707810_n

Sauna romana: Na dómina romana, el tipu de bañu tradicional camudó, faciéndose más complexu, y xustificando les fondes reformes sobre los vieyos recintos termales o la construcción de termes “ex novo”, como asocedió’n Pendia. L’edificiu consta d’una cabecera, una cámara principal y un antepar d’entrada, y los sos gruesos murios soportaron el pesu d’una cubierta a dos enagües realizada sobre falsa bóveda por aprosimamientu de filaes. La construcción de la terma supunxo la destrucción d’un vieyu pavimentu de cayueles clavaes na roca de base (a la izquierda del edificiu), asina cómo l’apertura d’una canal a la derecha de la sauna, afayáu en 1999, qu’evita’l anegamiento de les superficies interiores.

12036701_879574748829626_9029422090273080616_n

Gran cabana: Ye una construcción de grandes dimensiones, bien protexía por dellos elementos defensivos, ya correspuéndese con un tipu de construcción que solía ocupar allugamientos relevantes nel urbanismu de les cortiles castreños y fueron interpretaes tradicionalmente como edificios d’usu comunal.

Fonte: Wikipedia.

Semeyes: la cimera semeya ye del castru Pendía ya la fonte yé LNE;  toles semeyes restantes tamién son del castru Pendía ya l’autor ye José Fernández Villanueva.

ARBORES SAGRADOS DE LOS ASTURES: LA PUMAR.

Ye un árbore sagráu ya representa l’inmortalidá, pos s’atopaben mazanes tantu na isla céltica d’Avalón, como nel xardín de les Hespérides de la mitoloxía griega.

Les mazanes, si cortense n’horizontal pola so metá, formen la estrella de cinco puntes nel so centru, símbolu del poder talismánico.

12039736_880189548768146_8198451977709931777_n

Si cortense na vertical pola so metá, formen el muérganu reproductor femenín nel so centru, símbolu del poder xenerador.

N’Asturies esiste un costume ancestral, consistente en poner bien xuntes, pero ensin llegar a tocase, tres manzanes coloraes nel estragal de la puerta, pa neutralizar la negatividad nel llar.

Al traviés de les mazanes pueden llegar los maleficios de les bruxes y asina, el día de San Bartolomé celebrar n’Asturies Oriental la quema de les bruxes, que nun ye más qu’una quema de mazanes.

12032017_880190058768095_7832434762798863196_n

Los diablecos viven nes agües, nos manantiales, y dende ellí introdúcense en frutos de too tipu por cualesquier furu por pequeñu que sía…depués, los homes xíntenles ya éntren-yos enfermedaes.

TRIBUS ASTURES: LOS PENIOS.

Allugada na marxe esquierda del Rio Sella, la tribu ástur de los Penios, poques vegaes citada polos hestoriadores y de la qu’apenes s’atoparon afayos epigráficos, foi una de les tribus más tardíamente romanizaes y la que nos sos poblaos más recónditos caltuvo mientres sieglos elementos de cultura céltica más universales.

De les 22 “populi” ástures referíes por Plinio; A. Schulten, consultando otres fontes clásiques cita namái a 11 tribus, siendo una d’elles los Poeni.

Paez ser que los Penios ocuparon un ámplio territoriu qu’empecipiándose na rivera occidental del rio Sella, nel conceyu de Parres, internase escontra l’interior en direición a los puertos del Pontón y Tarna, que son los llugares de nacencia de los rígus Sella y Nalón.

Conventus_Asturum

La llende territorial al respective de les tribus cántabres de Orgenomescos y Vadinienses, ye’l cursu del rio Sella. Les llendes coles tribus ástures más occidentales son inciertos, magar un moyón fronterizu (“ ASTURV.ET.LUGGONV”) atopáu en Piloña, marca la divisoria ente Luggones y Penios.

Tiense certidume de que la tribu de los Pennios taba conformada polos clanes de los Caelionicaecos y los Quetianos. Quiciabes tamién otros clanes pertenecientes a los Penios seríen: los Pembelos en Parres, los Arcadeunos en Corao ya los Arnumínos en Cangues d’Onís.

Al respeutu de los Caelionicae, el Boletín de l’Academia de la Hestoria, 61,480 CIL.II recueye la cita epigráfica d’un cercu funerariu atopada nel puertu de Sueve:

“ ….CAELIONICAE .EX .XENTE .PENIORUM….”.

Tamién a veres del Danubio atopóse una lapida que yera recordatoriu de trés ástures integraos nes tropes ausiliares romanes, unu d’ellos yera citáu como peniius”.

Amás d’estes evidencies epigráficas, dellos topónimos ya’l nome de dos llocalidaes actuales son una referencia nidia’l nome de la tribu.

Bien prósimu a Les Arriondes y na confluencia’l Sella ya’l Piloña ta allugáu’l pobláu de Pendás.

Na carretera N-625 que xune Sajambre con Cangues d’Onís topa’l pueblu de Pen.

Tolos pueblos costeros del mar Cantábricu al pie de los sos vecinos Atlánticos ya los de les Islles Britániques ya Irlanda, integraos nel llamáu “Arcu Atlánticu”, tienen un abanicu de semeyances llingüístiques, culturales y relixoses.

12003246_879826915471076_6456799861507620516_n

Lo mesmo qu’hai una sinonímia ente la tribu ástur de los Albionos col Reinu Uníu ( isla que’l navegante griegu Piteas llamó Albión), esiste una relación ente los Penios y los habitantes d’Irlanda (la ancestral Eire).

Puédese elucubrar sobre un orixe común por cuenta de les migraciones marítimes comerciales que los fenicios y los focceos realizaron bordiando la mariña de la península Ibérica en busca de les riqueces estañíferas de les septentrionales isles Casitérides.

Dacuandu, el nome d’una localidá alude a la etnia que la había fundáu. Ptolomeo cita la ciudá levantina de Bastuli-Poeni, como referencia a los colonizadores fenicios (phoenii).

Los Penios al respeutu de los habitantes d’Eire comparten equivalencies llingüístiques. Nos relatos mitolóxicos de la segunda xenealoxía d’Irlanda citar a Phenius-Farsa, como’l famosu príncipe eruditu y anterior a Gallan.

En Phenius-Farsa hai equivalencies etimolóxiques cola tribu astur Pennios. Phenius, semánticamente ye l’orixe del héroe irlandés Finn y de los famosos guerreros Fennians. Tamién Phenius ye fonéticamente similar a Penios.

12002842_879826868804414_4109195004465037925_n

Farsa, como topónimu deriva del arábigu Paras, que tien gran paecencia fonética con Parres, actual nome del conceyu onde s’asitia una gran parte del territoriu de los Penios.

La considerancia semántica ya fonética que fixo L. Hervás en 1803 reafitase per otres semeyances culturales como l’afayu nes llendes del territoriu Penio, na localidá Lois, d’unu de los famosos calderos irlandeses de bronce. Otru apaeció en Cueves y un terceru en Cabárceno. Interesada coincidencia’l que la capital del conceyu de Cabárceno sía Penagos.

El consumu ritual de carne per parte d’élites guerreres y relixoses tien el so orixe na cultura mediterránea oriental ya ellaborábase nos referíos calderos de bronce.

Otru elementu qu’identifica a Penios ya Irlandeses, tien que ver cola relixosidá. Amás d’un xenéricu celta común a tolos pueblos del Arcu Atlánticu”, en territoriu de Penios confírmense ancestrales advocaciones a dioses como Bel y Taranis.

Pa los irlandeses, la gran folixa primaveral de Beltane yera un momentu primordial del calendariu festivu. De xuru na tribu de los Penios tamién se celebrara de manera bien especial esa fiesta de mayu, porque nesti territoriu un regatu y un pueblu denominar Beleños, como reliquia del ancestral cultu a Bel.

Estrabón dixo que los pueblos del norte adoraben a un dios inomináu ya que na so estructura social nun había druíes. Sicasí, nel territoriu de Penios , más concretamente na reserva dolménica y tumular de Cangues d’Onís, ta documentado qu’esistió un sacerdociu, similar al druidismo irlandés.

12003288_879826808804420_4052253570259222606_n

Nel Dolmen de Santa Cruz, dende tiempos ignotos celebráronse los enterramientos de los xefes tribales. Esti ritu pervivió siquier fasta’l sieglu VIII, porque los funerales del rei Favila celebraronse nesti llugar ya fueron oficiaos por un “Vate” llamáu Asterio.

Ente irlandeses y Penios amás del mesmu sustrato étnicu colonizador, de los comerciantes fenicios, l’estuariu del Sella favoreció qu’en sieglos posteriores les travesíes marítimes de cabotaxe ente Irlanda y los pueblos de la mariña Cantábrica atoparen nesti puertu unes posibilidaes d’asentamientu, venceyamientu cultural ya reintegración étnica.

Además, las invasiones medievales que los Sajones y Anglos efectuaron sobre las Islas Británicas obligaron a emigraciones permanentes de tribus de Eire ya Britania hacia llugares favoratibles de la costa Cantábrica, refuerciando les ancestrales raíces célticas de los pueblos hispanos que-yos acoyieron.

Fonte: Asociación de Astures y Romanos de Astorga.

Illustraciones:

1ª.- Mapa de los Astures, fonte: Wikipedia.

2ª, 3ª y 4ª.- Astures, fonte: Educastur.

 

LES GUERRES ASTUR-CÁNTABRES: EL “BELLUM ASTURICUM” (IV)

EL CERCU DEL MONS MEDULLIUS:

Créese qu’esti monte situase nel Bierzo ente los rigos Sil y Cabrera. Los romanos arrodiaron el monte con un fosu d’unes 15 milles ya establecieron un duru asediu. Los sitiaos prefirieron morrer ya quitáronse la vida coles sos propies armes y el venenu sacáu de la flora de la zona.

descarga

De peracabar campañes militares a la paz del 19 a.C:

Tres tomar de Lancia nel añu 25 a.C, Carisio llicenció a dellos soldaos de les lexones V y X colos que fundó esi añu Emerita Augusta (Mérida) y acuñó moneda cola efixe d’Augusto, el nome de Carisio, los trofeos de guerra y el nome de les lexones. Esto ye un claru exemplu de deductio (fundación d’una ciudá por colonizaciónde veteranos). Tambien de fundaron con esti metodo Caesaraugusta (Zaragoza) y quiciabes Lucus Augusti (Llugo) y Asturica Augusta (Estorga).
A finales del 25 a. C Augusto tornó a Roma ya mandó pesllar les puertes del templu de Jano.

Moneda_de_Publio_Carisio_de_ceca_Emerita_Augusta wiki

Nel 24 foi nomáu gobernador L.A Lamia. Los ástures ufiertáron-y trigu pa les tropes y mataron a los soldaos convidaos a recoyer el trigu. Lamia reprimió duramente esta aición afarando campos, ocupando poblaos ya tarazando les manes a los prisioneros. Nel 22 llego Gayo Furnio, el nuéu gobernador ya los ástures ya cántabros protagonizaron una revuelta porque taben cafiantes pol tratu de Carisio. Furnio reprimió la sublevación y’aidó a Carisio que lluchaba escontra los ástures augustanos.

Romanos y astures se retiraban en invierno, porque las ocupaciones en alta montaña se destinaban únicamente al verano, y volvían cada temporada estival a verse las caras. Cortos descansos para un duro enfrentamiento.

Los cantabros que habian sío vendíos como esclavos na Galia tornaron a Hispania en matando a los sos amos y atacaron campamentos romanos. Publio Silio Nerva intentó apangar la revolución nel 19 a.C, pero nun lu consiguió. Augusto unvió, entós, a Agripa qu’alicó la moral de les tropes ya emplegó metodos d’axusticiamiento drásticos.

Angüañu ye’l que se toma comu referencia pa esponer la pacificación d’Asturies, empero nel añu 16 a.C hebo revolvueltes nos castros de Galicia y Asturies, empero foron sofocaes por Lucio Sestu Quirinalis, propretor de la Tarraconense.

Fonte:

Fonte: Historia de Asturias I Prehistoria-Historia Antigua. Ed. La Nueva España.

Semeyes / Illustraciones.

1ª .-  Las Médulas, presumíblemente la zona’l Mons Medullium. Autor: Mario Gonçalves.

2ª .- Moneda cuñada n’Asturica Augusta por Carisio nel frente escontra los Astures. Fonte de la semeya: Wikipedia.

3ª Illustración d’una batalla d’astures escontra romanos d’autor/a desconocíu.

 

 

CASTROS ASTURES: CASTRU BERGIDUM O CASTRU VENTOSA.

Castro Bergidum (Bergdunum) o Castru Ventosa ye un xacimientu arqueolóxicu asitiáu nel centru de la Hoya berciana na contorna d’El Bierzo, País Llionés, al noroeste de la península Ibérica.

castro_ventosa

Bergdunum ye’l nome orixinal pol que el fundadores ástures conocíen a esta ciudá-fortaleza, el raigañu “berg-” significa “altu” y “-dunum” fai referencia a una fortificación o ciudá fuerte. Asina pos Bergdunum significaría lliteralmente “Ciudá fortificada a lo altu”. Dende’n finxu de vista xeográficu entiéndese perféutamente pos dende l’altor de les sos muralles ye posible dominar tola la contorna, per ellu ye un llugar fácil de difender ya la so cercanía a tarrenes de llabor, montes y’augüa, fáen-y un llugar favoratible pal asentamientu humanu n’esta dómina tan temprana.

Muralla_Castro_Bergidum

La ocupación prerromana del Castru Ventosa foi comprobada al traviés de los afayos arqueolóxicos, atopándose estructures circulares de piedra y’abondos de restos.

Nel Muséu Arqueolóxicu de Cacabelos (M.A.R.C.A) atópense depositaes, ente otres munches pieces procedentes de Bergdunum, puntes de llanza, molinos abarquillados y circulares, fíbules ya diversos restos d’adornos ya pieces de cerámica.

Mientres esti períodu podemos dicir que Bergdunum ye un pobláu de grandes dimensiones, teniendo’n cunta’l tamañu d’otros castros prósimos ya contemporaneos como “El Castrelín” de San Juan de Paluezas, “El Castru” de Borrenes, Villabuena, Quilós, o San Miguel, podría asegurase que Bergdunum constituyía’l centru del poder de la contorna.

220px-Cabeza_de_bronce

Bergidum sedría conquistáu escontra l’añu 25-23 a. C. polos romanos, datu que s’apunta poles fontes clásiques y pola apaición d’una moneda, un As d’Augusto nel Castru. Otres referencies a Bergidum atopar nes Guerres Ástur-Cántabres, asina Floro y Orosio cunten como la ciudá de Bergida foi sometida pol fame y los sos habitante fuxeron al monte Vindicus (probablemente los montes de Ancares y Fornela). Bergidum mientres la dómina romana foi una importante población, non solo pola so importancia comercial o alministrativa, sinón pol so allugamientu como ciudá crucie de víes o calzaes romanes. Nel denomináu Itinerariu de Antonino (una escoyeta de rutes de dómina del emperador Caracalla), Bergido apaez como’l puntu nel que confluyíen les calzaes que llevaben a les ciudaes de Brácara (Braga), Asturica Augusta (Astorga) y Lucus Augusti (Llugo).

CV

Fonte: Wikipedia.

Semeyes:

1ª , 2ª ya 4ª .- Castru Bergidum, fonte: Wikipedia.

3ª .- Cabeza de bronce atopá nel Castru Bergidum. Fonte: Wikipedia.

LES GUERRES ASTUR-CÁNTABRES: EL “BELLUM ASTURICUM” (III)

LA GUERRA DEL AÑU 25 A.C. O “BELLUM ASTURICUM”

Na primavera del añu 25 a. C habia trés capa (campamentos de lexonarios) instalaos xuntu al rigu Astura (Esla) con tropes posiblemente de la Tarraconense.

jinetes_celtiberos

Los ástures descendieron de los montes ya estableciéronse xuntu a l’Astura p’atacar a los campamentos d’iviernu romanos.

Los brigaecini de la rexón de Benavente cuntaron a Carisio los planes de los ástures.

02

El legáu allegó n’ayuda de los campamentos afayando a los ástures llanzaos al ataque pel costazu.

Los ástures derrotaos abellugaronse’n Lancia (Villasabariego) la ciudá más poderosa de los ástures. Carisio sitió la ciudá ya ésta rindióse por capitulación.

Tres esto, Carisio sometió otres places fuertes de los ástures augustanos. A Antistio se-y supón realizando incursiones pola mariña asturiana ya’l norte de Llugo, pero nenguna fonte fala d’él.

BATALLA

Fonte: Historia de Asturias I Prehistoria-Historia Antigua. Ed. La Nueva España.

 

AYALGUES DE L’ORFEBRERÍA DE LOS ASTURES: EL TESORU D’ARRABALDE.

Nel Castru de Las Llabradas atopáronse dos importantes tesoros, unu n’agostu de 1980 ya otru en 1988.

12006269_879605702159864_625812279801007835_n

Ta integráu por más de cincuenta pieces d’oru y plata que se caltienen nel Muséu de Zamora. Acovecíos nun gran vasu cerámicu apaecieron una bona cantidá de fíbulas, torques, brazaletes, colgantes, pindios, aníos, diademes o ceñidores. tou ello d’oru y plata y con un pesu total d’unos 12 quilos. Ente estos oxetos destaca un brazalete espiraliforme de plata y una fíbula d’oru del tipu anular hispánicu, amás de diversos oxetos de cultura celtibérica, anterior a la prerrománica.

11988662_879605465493221_5021801768757292043_n

Fonte: Wikipedia.

Semeyes: Wikipedia, arrabalde.com

CASTROS ASTURES: CASTRU D’AS MURADELLAS

El castru de “As Muradellas” ye un pobláu de l’Edá de Fierro asitiáu nel términu municipal de Lubián, na provincia de Zamora nel País Llïonés.

Alcontrase a unos 3 km al suroeste de Lubián (N42 01.661 W6 55.359). P’aportar al xacimientu dende l’A-52, hai de tomar la salida 106 escontra Lubián ya coyer la carretera que va pa Hermisende. Una vegada degolada N-525, haber de percorrer unos 1800 m en direición a Castrelos. El castru asitiase a l’oeste de la carretera, no fondero del valle. L’últimu tramu realizase por aciu el descensu d’una empinada fastera que lo dixebra de la carretera

12004838_878882358898865_5319157373388772192_n

Atópase asitiáu sobre un puexu aniciáu a xeitu de meandro pel rígu Tuela. La so singularidá finca nel so notable sistema defensivu, más si se tien en cunta’l pequenu recintu al que-y daba abellugu. Dende payares de 1994 el xacimientu cunta cola proteición propia de los bienes d’interés cultural, cola categoría de zona arqueolóxica.

En virtú de les prospeiciones realizaes ya de los materiales recuperaos, suelse señalar que tratase d’un asentamientu que tuvo ocupáu ente’l sieglu IV ya II a. C.

Los sos pobladores foron ástures, siendo la ganadería’l so principal mediu de vida. Considérase que’l mediu físico y climático en qu’el que vivieron, pudo ser bien similar al actual, anque con temperatures daqué más baxes y un réxime pluviométricu más abondosu.

Son delles les prospecciones realizaes nesti xacimientu, ensin qu’hasta la fecha fuera detectáu nengún restu óseu perteneciente a los sos moradores.

12027554_878882398898861_5999360689781043361_n

El castru de “As Muradellas”, asemeyáu a otros na II Edá del Fierro, construyose con un notable sistema defensivu. Los habitantes d’esti asentamientu escoyeron esti paraxe pola so fácil defensa natural, apurríu pol meandro aniciáu pel ríu Tuela y la xeografía serrapatosa d’esta zona. El lladral esti, únicu que dexaba un fácil accesu, foi reforzáu con una serie d’estructures defensives consistentes en piedres fincaes, fosos y muralles

Pel llau esti, el primer sistema defensivu ye un campu de piedres fincaes. Tratase d’una franxa de grandes roques con arestes, asitiaes de forma desordenada ya sobresaliendo ente 60 y 90 cm percima’l suelu. La so finalidá ye la de ralentizar el movimientu d’entrada de la caballería o d’animales xabaces, faciéndolos d’esti xeitu más vulnerables.

12009606_878882498898851_1756962597918733492_n

Pocos metros más palantre atópesse dos fosos paralelos de pequenu anchor, d’aprosimao 2 y 3 metros. Con posterioridá, ya’l pie d’ellos, álzase la muria esterior de grandes bloques graníticos, que los sos panales inda caltiénense parcialmente, ya que da-y pasu al cimeru de les cortiles.

Travesada la muria esterior, amuésase la primer cortil. Dientru del mesmu, ya una llargor de 60 m, torna repitise’l sistema defensivu, anque esta vegada detéctense delles diferencies. Una d’elles, consiste’n que nesti cortil asítiense antes los fosos que’l campu de piedres fincaes. Otra diferencia consiste en que los fosos d’esta cortil son d’un mayor anchor, de 14 y 13 metros respeutivamenti.

Finalmente, otra muria protexe un segundu recintu internu. Esti amuesa una forma más o menos circular ya d’unos 25 m de diámetru. Nél atopase la zona destinada a vivienda.

La prospección d’esti xacimientu dio a lluz a delles estructures de vivienda. Caracterizanse por ser de planta rectangular con esquines arrondaes ya ensin interrupción pa la puerta. Una d’elles amuesa unes dimensiones de 6 m de llongura por 4,5 d’anchu.

Tamién foron atopaos unos pocos fragmentos de cerámica bien rodada, escases amueses de material metálicu (un par de chapines de fierru forxáu ya un finxu de bronce), delles pieces de material lítico (“piedres de fonda”, pizarritas furaes y dellos molinos barquiformes de granitu) y delles cuentes de collar, realizaes en pasta de color mariellu.

Respeutu’l material cerámicu, atopáronse amueses d’una gran variedá de recipientes: concos, fontes, platos, tapadories ya olles. La mayoría de los fragmentos cerámicos escarecen de decoración ya los que los que la presenten, amuesen estampillas de círculos concéntricos, n’ocasiones combinaes con llínees incises.

Fontes consultáes: Wkipedia; Güeb del Conceyu de Lubián; güeb de Turismu de Castiella ya Llión.

Semeyes e illustraciones: Castru de As Muradellas; fonte: turismu de Castiella ya Llión