SOLSTICIU D’HIBIERNU

Dende la Lliga Celta d’Asturies queremos deseyavos a toes ya toos un felíz Solsticiu d’Hibernu.

8110412742_48af0f0301

 

Semeya:

Alborecer nel Cabu Peñes, conceyu de Gozón – Asturies. Autor: Víctor Fernández.

 

Anuncios

CASTROS ASTURES: CASTRU’L CASTIELLU.

Pobláu de grandes dimensiones (150×50 metros aproximau), allugáu sobro’n cabu marítimu ya empobináu’n direición norte-sur.

P1050136

Descritu por J. Camín (1995, 118) y’Alberto Alvarez Peña (2002), el castru dispón d’un sistema defensivu complexu o multivalláu, que la so principal característica fórmenla dos antecastros protexíos por dos talos fosos, que marquen l’estrechura del camín d’accesu al pobláu. Previa entrada a ésti, atopamos con un bastión defensivu o muria de la que güei queden namái esbarrumbes, nun altor o terraza cimera al conxuntu defensivu de la entrada.

_MG_5221

La cercanía del xacimientu a vetes de mineral de fierro, ensegún diverses escories recoyíes por Alvarez Peña (2002), amuesen una segura relación col tresformamientu d’esti mineral per parte de los antiguus pobladores del Castiellu, a lo qu’hebría que suma-y la so cercanía a amplies enllanaes de gran calidá agrícola en tou la so redolada.

La superfície d’hábitat atoparíase tantu detrás del bastión que protexe l’accesu al pobláu, na cabecera sur, como na superfície llana de l’interior del castru.

P1050154

Les costanes esti, oeste y norte, tán protexíes de forma natural pola cayida vertical de los cantiles sobro los que s’alluga’l castru.

P1050151

Los afayos cerámicos producíos pola erosión ñatural dellos sectores del xacimientu, asina comu l’esistencia d’escories de cobre, podríen indicanos una ocupación prerromana del llugar, que perduraría ta siquier los primeros sieglos d’ocupación romana, tal comu demuestra dalgún fragmentu de “sigillata” ya de fíbula “auccisa”.

Fonte:

“Los castros de Asturias, una revisión territorial y funcional”; Alfonso Fanjul Peraza; Ayuntamientu de Teberga, 2004.

Semeyes:

1ª.- Castru’l Castiellu (muria defensiva). Autor: Fernán Morán.

2ª.- Castru’l Castiellu (fosu’l castru). Autor: Manuel Intriago.

3ª.- Cantiles dende’l Castru’l Castiellu. Autor: Fernán Morán.

4.- Sector argayáu pola erosión ñatural del castru’l Castiellu. Autor: Fernán Morán.

 

VISITA’L CASTRU PUNTA’L CASTIELLO

Como ya sabréis, el pasaú 13 d’avientu, dientru del programa d’actividáes de la Lliga Celta d’Asturies ficimos una visita guiada ya comentada pol etnógrafu de la Fundación Belenos Alberto Alvarez Peña.

El castru Punta’l Castiello o castru de Podes, ye un castru marítimu qu’entovía nun ta escaváu y qu’ubícase nes prosimidáes de Molín del Puertu na parroquia de Samartín de Podes nel conceyu de Gozón.

P1050136

Ensin afondar enforma nes característiques técniques del castru, comentavos que : “consta d’una cortil principal, qu’engloba l’estremu septentrional d’una península, ya de dos recintos menores que conformen dos talos antecastros que s’asitien nos lladrales de la base d’aquél. Toles defenses atópanse nel llau sur” (Los castros marítimos en Asturias; Jorge Camino Mayor; Ed.: Real Instituto de Estudios Asturianos – 1995).

_MG_5221

Too’l grupu (unes 30 persones) aconceyámonos alrodiu de les 11 la mañana nel aparcamientu del Cabu Peñes ya dende ellí fuimos tal castru.

_MG_5223

Una vegada ellí, Alberto Alvarez Peña impartionos sobro’l tarrén una cantidá de conocimientos tantu del castru’n sí comu de etnografía venceyá al mesmu rialmente ablucante, emperu d’un xeitu mui amenu y afayaízu pa tolos participantes del eventu fora cual fora la so formación académica.

_MG_5248

Ente los asistentes a l’eventu, alcontrábase tamién l’arqueólogu Alfonso Fanjul, que tamién tuvu oportunidá d’apurrimos dellos conocimientos sobro’l castru ya’l so estáu de caltenimientu angüañu.

_MG_5232

Dempués d’un agradable paséu pola Mariña Centras asturiano, visitar ún de los castros marítimos más significativos de la costa central asturiano metantu Peña apurríanos los sos conocimientos tá les 13:00 hores aprosimáu; finamos la visita nel restaurante Casa Oliva, ú pudimos xintar guapamente ya caltener amenes y prestoses conversaciones (hai rumores que dempués entovía hebo daquién fué a visitar nun se qué torrión, emperu esu ya nun yé de la vista hahaha).

12366286_1094677147212083_2208753907098259554_n

Esperamos que vos haya prestáu tantu comu a nosotros/es ya esperamos cuntar con toos/es vosotros/es pa la prósima!!!

_MG_5252

Salú!!!!

 

Nota: hai un carráu más de semeyes, emperu yera imposible poneles toes asina que ficimos una escoyeta ente les que paeciéronnos les más representatives.

Semeyes (n’orden d’apaición nel reportaxe):

1ª autor: Fernán Morán.

2ª, 3ª, 4ª, 5ª  autor: Manuel Intriago.

6ª autora: Sonia D. Suárez.

7ª autor: Manuel Intriago.

 

ACTIVIDAES DE LA LLIGA CELTA D’ASTURIES: VISITA GUIADA’L CASTRU PUNTA’L CASTIELLO.

Dientru’l programa d’actividaes de la Lliga Celta d’Asturies, tenemos el gustu de convidamos a esti eventu, la visita guiada por Bertu Peña al castru Punta’l Castiello nel conceyu de Gozón. Toos ya toes sedréis bienllegaos, animaivos que nun tien desperciciu… y yé de baldre!!!!

Apurrímosvos equí unes notes sobre’l castru:

“Ente los cuatro xacimientos castreños que tien el conceyu Gozón: Los Garabatales, El Cuernu, El Cantu la Figal (tamién llamáu el Castru) y la Punta´l Castiello, quiciabes seya ésti postreru´l que más llama l´atención. Ésti ye, igual que los otros mentaos enantes, un castru típicu mariñán, asitiáu n´un cantil allegáu a El Molín del Puirtu, na parroquia de Podes, a unos 40 metros penriba´l ras de la mar, ta formáu por un cogollu central y dellos antecastros. Aínda se ve bien una de les cárcoves o fuexos con 100 metros de llargor y unos 10 metros d´anchor y un parapetu orientáu al suroeste. La so exa mayor SN, tien unos 148 metros, y la exa menor EO unos 45 metros. Pel frente la entrada atópense güelgues d´una construcción redonda d´unos 11 metros de diámetru esfondigayada, formando una poza d´unos 3 metros. L´arqueólogu Jorge Camino camienta que quiciabes seyan los restos d´un turrexón.

Una de les mayores amenaces que tien esti xacimientu ye que ta siendu escomíu pola mar y l´agua del llover tando argayando pela parte oeste. Ye ende onde apaecieron un bon númberu de materiales que dan preba del gran llabor metalúrxicu que se fexo en vida del castru. Tamien s´afayaron  bayura de güesos, una hebilla anular n´omega con cronoloxía nel sieglo I enantes de la nuesa Era, una fíbula de charnela o de tipu Aucissa en bronce col arcu decoráu y d´ellos cácabos de terra sigilata hispánica de dómina romana.”

Extraíu del artículu escritu por Albertu Álvarez Peña nel númberu 13 de la revista Asturies Memoria encesa d´un país, asoleyau en xunetu de 2002.

PUNTA´L CASTIELLU

ÁSTURES NES FONTES CLÁSIQUES.

N’esti artículu vamos facer un pequenu asoleyamientu de fragmentos d’obres de les fontes clásiques nes que descríbese la nación o’l pueblu ástur. Los fragmentos escoyíos nun tan puestos n’orden cronolóxicu, tan asoleyáos por autor y obra. Esperamos que vos preste tantu comu prestonos a nosotros/es.

Pueblos del Norte

“Toos los montañeses son sobrios, beben augua, durmen na tierra y dexen los sos pelos llargos y sueltos según la costume de les muyeres, anque cuando lluchen cinxen la so frente con una banda. Comen principalmente carne de cabrón; a Ares sacrifiquen cabronos, y tamién cautivos y caballos; suelen facer hecatombes de ca especie de víctima, a l’usu griegu… Realicen competiciones de tipu ximnásticu, militares y de carreres de caballos, con puxilatos, carreres y combates tantu de guerrilles comu’n formación . Los montañeses alimentanse con bellotes dos partes del añu, dexándoles ensugar ya esmagayándoles; depués mólense y faen pan con elles pa caltenelo enforma tiempu. Tamién beben cerveza “zythos”. El vinu, sicasí, ye escasu, y cuando lu amalguen, peracabanlu al momentu’n folixes coles sos families. En llugar d’aceite usen mantequilla. Comen sentaos en bancos construyíos alredor de les parés y guardándose el sitiu acordiu cola fonra y la posición social. La comida sirvese’n círculu, de mane’n mane y metantu beben bailen al son de la flauta y trompeta’n corru y tamién saltando y poniéndose en cuclilles. En Bastetania, les muyeres dancien entemecíes colos homes coyíes de les manes. Toos visten polo xeneral de prietu con túniques nes que tamién échense enriba cames de paya. Usen vasos de maera como los keltoi. Les muyeres lleven enagües y vistíos bordaos de flores. En llugar de moneda, los que viven nos requexos más estremaos valense del trueque de mercancíes o dan llámines de plata cortáu. Espeñen a los condergaos a la pena capital ya los parricíes los lapidan fora de les fronteres o ciudaes. Cásense como los griegos. A los enfermos, tal como facíen los exipcios n’antigüedá, sáquenlos a los caminos pa que soliciten conseyu sobre la so enfermedá a daquién que la sufriera. Utilizaben barcos de cueru ta la dómina de Brutu, güei les embarcaciones talláes d’un tueru d’árbol son rares. Les sos piedres de sal son acolorataes, empero blanca ye’l sal una vegada molíu. Asina ye la vida de los montañeses, como dixi; refiérome a los que tán asitiaos nel llau septentrional de la Iberia, los galaicos, astoures y cántabros ta los vasconos ya’l Pirinéu, yá que ye asemeyáu’l xéneru de vida de toos ellos.”

Estrabón, Geographica III,3,7,8.

”Hacia la fastera d’oriente los kallaikoi llimiten colos Ástoures y colos íberos y los demás [carpetanos, vetones y vacceos] con los keltíbres”

Estrabón, Geographica III, 4,12.

“De siguío d’ellos (los cántabros) tópense los ventidós pueblos de los ástures, estremaos n’ástures augustanos y ástures transmontanos, con Asturica, una ciudá magnífica: ente ellos tán los gigurri, los pésicos, los lancienses y los zoelas”.

Plinio el Viejo, Hestoria Ñatural III,28.

ASTURES (1)

“N’occidente, casi toa Hispania taba pacificada esceutu la que baña l’Océanu Citerior y toca a los montes de l’estremidá’l Pirinéu. Equí ximelgábense dos pueblos mui fuertes entá non sometíos, los cántabros y los ástures.”

Lucius Annaeus Florus,  Epitomae, II, 33, 46.

Los ástures por esti tiempu, baxaron con un gran exércitu de los sos ñevaos montes. Y nun yera a palpu qu’aquellos bárbaros entamaben l’ataque sinón que, poniendo’l so campamentu xuntu al rígu Astura, dividiendo l’exércitu’n tres columnes, preparabense p’atacar a un mesmu tiempu los trés campamentos romanos. Ya hebiera una llucha cruenta y dudosa (…) de nun ser pola traición de los brigecinos qu’avisaron a Carisio y ésti actuó col so exércitu (…) La poderosa ciudá de Lancia acoyó’l res de l’exércitu’n derrota y lluchóse nella tan encarnizádamente que, cuando tomada la ciudá, los soldaos reclamaben que se-y pegara fuéu, a dures penes pudu consiguir el xeneral que se perdonase pa que, quedando’n pie, fuera meyor monumentu pa la victoria romana que fogarada.

Floro, Epitome, bellorum omnium annorum DCC, II, 33, 54-59.

“Equí hai un pueblu de gran fuercia, d’ánimu llevantáu, d’eficáz habilidá, apoderando a toos la pasión pol comerciu; con barques de pieles cosíes derruempen valerosamente el turbiu mar y l’abilsu de l’Océanu llenu de monstruos; pos ellos nun supieron construyir les sos naves con maera de pinu nin de xardón, nin tampoco col abetu curvaben les barques como ye costume sinón que, cosa digna d’almiración, siempres construyíen les sos naves con pieles xuníes, percorriendo con frecuencia sobre’l cueru’l vastu mar.”

Avieno, Ora Marítima.

“Nel añu 726 de la fundación de Roma, siendo cónsules l’emperador Augusto per sesta vegada y Marco Agripo per segunda vegada, entendiendo qu’a poca cosa amenorgábase lo fecho n’Hispania mientres doscientos años si dexábase que los cántabros y los ástures, los dos pueblos más fuertes de Hispania, portáranse al so albedríu, abrió les puertes del templu de Jano y salió en persona con un exércitu escontra Hispania.”

Orosio.

Batalla entre romanos, cantabras y Astures

“Los ástures, puestu’l so campamentu xuntu al ríu Ástura, hebieran vencíu a los romanos con grandes proyeutos y fuercies de nun ser éstos preveníos y puestos sobre avisu. Intentando destruyir por sorpresa a los trés legados, coles sos trés lexones ya divididos en tres campamentos, con trés frentes d’exércitu, foron afayaos per una traición. Dempués, Carisio, atacándolos, venciolos nuna batalla, produciéndose bastantes muertes nel llau romanu. Parte d’ellos (los ástures), refugándose na llucha, foron abellugase a Lancia y, como los soldaos prepararen incendiar la ciudá yá abarganada cimeramente, el xeneral Carisio pidió a los suyos qu’arrenunciaren d’incendiala ya esixó a los bárbaros una entrega voluntaria. Con gran interés intentaba dexar la ciudá íntegra y incólume como testigu de la victoria.”

Orosio, Hist., VI, 21, 9-10

“Conduzlu (l’ástur) Cydno, endurecíu pola caza nel cordal pirenaicu, aumentando’l combate cola so xabalina gala o’l so dardu moru”

Punica, III, 338-339.

“Callaecia sonrió coles sos flores, y’el fermosu Duria coles sos veres llenes de roses. Los vellones de les oveyes totalmente tiñíos de púrpura. L’océanu cántabru refundió a la sablera les sos perlles; nin el maciu ástur déxase perder poles galeríes de les mines, que devuelven a esgaya l’oru ufiertáu pal sagráu natalicio; y nos covarones de los Pyrineos les ninfes fluviales lleeron presaxos nes piedres de fueu.”

Caludius Claudianus, Larus Serenae, 72-82.

Fontes: citáes al final de ca fragmentu.

Illustraciones:

1ª.- Mapa de los galaicos, ástures y cántabros na dómina romana. Autor/a: desconocíu/a.

2ª.- Guerreros ástures; Autor: Albert N.

3ª.- Batalla ente ástures y romanos. Autor/a: Angus McBride.