PRESENTACIÓN DE LA LLIGA CELTA LLIONESA.

Ayeri, sábadu 7 d’abril de 2018 ye un día del qu’hebrá que facer alcordanza. Ye’l día nel que ñació oficialmente la Lliga Celta Llionesa, ye dicir, l’intre nel que nuesos hermanos ya nueses hermanes cismontanos/es entámense pa trabayar pola so cultura, la so identidá, el pueblu celta de los ástures.

 

Yo tuvi l’arguyu de ser invitáu comu representante de la Lliga Celta d’Asturies al eventu y pude facer una charra sobro Asturia y los ástures. A la xente presto-y, atendía, entrugaben ya inclusu apurríen cosuques. Siguieron les interesantes ya maxistrales charres d’Antonio Barreñada sobro les lluches celtes llioneses; la de Ramón Gutierrez sobro la tribu de los vadinienses en Llión; y la de Juan Carlos Campo sobro l’arte rupestre llionés; comu colofón, l’actuación d’algunos gaiteros ya un tamborileru de l’Agrupación de Gaitas Leonesas.

L’ésitu del eventu foi ablucante, tamos falando d’alrodiu de 123 persones qu’averáronse asistir a esti eventu ónde lo más predominantes qu’hubo foi cariñu ya xermandá. Sentime comu na mio cá, la xente foi cariñosa, respetuosa, amable, interesada, xenerosa… en fín sólo sentí falar d’igualdá ente los ástures del norte ya del sur y de toles coses en comuña qu’angüañu hai ente Asturies ya Llión. Comu nun podía ser d’otru xeitu, la Lliga Celta d’Asturies entregó nel eventu un certificáu de xermandá a la Lliga Celta Llionesa ensín fecha nenguna porque entendemos, ambes organizaciones, que la xermandá ente ástures cismontanos y tresmontanos nel so día, ya ente Asturianos ya Llioneses angüañu ye eterna y’atemporal. Los ponentes n’esti eventu tamién tuvimos un presente de la Lliga Celta Llionesa consistente nun fermosu marcapáxines engalanáu con símbolos celtes ya una reprodución del cartelu l’eventu pa guardalu comu alcordanza d’esti día.

Nun pue dicir más qu’agradezco fondamente la calidez del pueblu lleonés, l’interés qu’amuesó polo que tinía que contayos y esa sensación que m’apurrieron de pensar ya sentir lo mesmu que yo al respeutu… pero sobremanera pola cecina, l’embutíu, el xamón y el quesu col que nos agasayaron al mediu día na xinta d’hermandá qu’entamaron nel mesmu centru ú tábemos faciendo l’eventu, taba too coyonudu, pero coyonudu de verdá!

Creyo sinceramente que van haber munches actividaes conxuntes nel futuru ente les dos asociaciones y que trabayaremos en xuntanza en dellos oxetivos que tenemos en comuña ya esu siempres ye bono y positivu.

  

Dichu estu, norabona pel eventu que foi un ÉSITU absolutu, y gracies per tar ellí, salú!

Fernán Morán, presidente de la Lliga Celta d’Asturies

 

 

Anuncios

COMUNICAU DE LA LLIGA CELTA D’ASTURIES

Bonos díes a toos ya toes, como toos sabéis, ta pindiu d’execución un proyectu d’obra civil qu’estrozaría dos xacimientos bien importantes nel castru Chao Samartín.

Desque tuvimos conocencia de too esto na Lliga Celta d’Asturies, empezamos acciones para evitalo: contactu con fuerces polítiques, unviada de comunicaos de prensa informando de la situación, realización d’entrevistes, espardimientu poles redes sociales, etc.

Agora queremos faer una recoyida de robles al envís de presentales na Alministración asturiana acompañaes d’un documentu nel que se manifiesta la nuesa esmolición sobro esti tema y encamiéntese al Gobiernu d’Asturies a tomar les midíes oportunes y pertinentes pa evitar esti despropósitu.

De la mesma, por razones loxístiques yá que nun podemos tar presentes en toles localidaes nin conceyos d’Asturies, rogámosvos que nos ayudar a consiguir firmes. Ye senciellu, namá tenéis qu’imprimir la fueya de firmes, rellenala a mano, y unviala per corréu postal ordinariu enantes del 15 mayu a la silguiente direición:

Lliga Celta d’Asturies

Hotel d’Asociaciones Santuyanu

c/ Xoaquín Costa 48, planta sótanu

33011 – Uviéu

Asturies

Munches gracies a toos y toes pola collaboración de vuesu n’esto… tamos trabayando toos pa caltener nuesu patrimoñu pa les xeneraciones futures.

Fernán Morán, presidente de la Lliga Celta d’Asturies.

NOTA: podéis siguir el desenvolvimientu de too esto al traviés de la nuesa páxina de facebook o cuenta de twitter.

RESPUESTA DE LA LLIGA CELTA D’ASTURIES A LES DECLARACIONES DEL CONSEYERU D’EDUCACIÓN Y CULTURA SOBRO LES ACTUACIONES DEL CASTRU CHAO SAMARTIN A LA JGPA

Ayeri, vienres 23 de febreru, tuvimos la desagradable oportunidá de lleer nos medios de comunicación que’l Conseyeru d’Educación y Cultura, el señor Genaro Alonso, fixera unes declaraciones en plenu de la Xunta Xeneral del Principáu nes que, según lléese nos medios, desmentía que’l proxectáu Centru de Visitantes fora faese nel llugar ónde tán allugaos los xacimientos, yá denunciaos anteriormente por esta asociación, del Bronce final y l’Edá del Fierro.

Si tou esto ye ciertu, el señor Alonso tien de DIMITIR del so cargu a la mayor celeridad yá que, o desconoz dafechu de qué fala, o nun diz la verdá, en dambos casos, causa más que xustificada por qu’abandone darréu’l cargu qu’ocupa.

Nós nun dicimos esto por caprichu, según la información qu’obra nel nuesu poder relativa al proyectu, SÍ ta proxectáu allugar el Centru de Visitantes nel llugar del xacimientu y SÍ tiense proxectáu usar formigón para la realización de la obra, tal que puede vese nes fiches y semeyes qu’amosemos de siguío:

               

Dicho too esto… ¿Ú ta’l papel tuitivo que tien de tener el Gobiernu del Principáu d’Asturies pa col patrimoniu históricu-cultural de tolos asturianos? ¿Cómo ye posible que los técnicos de l’Alministración asturiana dieren de pasu’n proyectu asemeyáu qu’estrozaría dos xacimientos de vital importancia pa la conocencia la Hestoria d’Asturies?; Estes y otres esmolecedores entrugues son les que mos faemos agora mesmu na Lliga Celta d’Asturies porque nun podemos entender la falta d’interés absoluta que s’amuesa, yá en repitíes ocasiones, pol caltenimientu del patrimoniu cultural d’Asturies per parte de la entidá que mayor interés y predisposición tendría de tener nesti sentíu, percima inclusive qu’el de toles asociaciones y colectivos que denunciamos acciones como estes… pero paez que nun ye asina… ¿Por qué? Nun tenemos la respuesta.

Namá quédanos una cosa que dicir: nós, el pueblu asturianu, tenemos derechu a caltener el nuesu patrimoniu, el nuesu heriedu histórico y cultural, para nós y para les xeneraciones futures y ESIXIMOS al Gobiernu del Principáu d’Asturies que cumpla col so cometíu al respeutu y reconsidere tou esti despropósitu y tómense les midíes oportunes para evitar qu’Asturies y el so pueblu pierdan para siempres la oportunidá d’estudiar dos xacimientos arqueolóxicos de suma importancia para toos nós, para tola Humanidá.

Fernán Morán, presidente de la Lliga Celta d’Asturies.

Enllán d’interés p’afondar na conocencia l’importancia los xacimientos que tamos defendiendo: http://www.castrosdeasturias.es/descargas/224-villa-menendez–gil-2006.-fortificaciones-militares-chao-samartin.-congreso-arqueologia-militar-romana-en-hispania.pdf

 

DENUNCIAMOS LES ACTUACIONES PROYECTAES SOBRO’L CASTRU CHAO SAMARTÍN YA SOLICITAMOS LA SO SUSPENSIÓN.

Güei conocimos al traviés del Grupu Parlamentariu d’IX Asturies que lo que se prometía como una esperanzadora intervención n’unu de los nuesos xacimientos arqueolóxicos más singulares, el castru de Chao Samartín en Grandas de Salime, podría significar, en realidá, una fonda alteración del conxuntu, tantu de los restos escavaos como de superficies inda inédites pero con enorme potencial arqueolóxicu.

Tolos medios faen ecu de los defectos técnicos del documentu qu’agora se denuncia: nun s’atienen a les convenciones internacionales ya ignórense los valores que faen d’estes ruines un documentu escepcional para la conocencia de la hestoria d’Asturies.

L’ausencia nel espediente d’informes ellaboraos por espertos en técniques de restauración y caltenimientu arqueolóxicu, la falta de consultes a los investigadores especializaos que fueron responsables de la escavación ya interpretación histórica del xacimientu y l’aplicación de materiales y procedimientos irreversibles, incluyíu l’usu del formigón armáu, resines epoxídicas o la reconstrucción indiscriminada de muries, contravienen tolos encamientos y convenios internacionales qu’emponen les intervenciones en llugares arqueolóxicos. La calidá paisaxística del conxuntu y l’integridá de depósitos arqueolóxicos ricos y entá inexplorados van vese fatalmente comprometíes cola proxectada construcción, sobro la fachada principal del xacimientu y en terrén arqueolóxicamente fértil, d’un edificiu d’acoyida, llevantáu apenes a unos centenares de metros del centru d’interpretación yá esistente.

Pero hai un aspeutu apenes comentáu mientres la rueda de prensa que resulta especialmente esmolecedora. Y ye que, según súpose, cola execución d’estes obres pretende despintase, soterrar o destruyir les principales evidencies de la ocupación prehistórica del asentamientu: les ruines del primitivu asentamientu fortificáu de finales de la Edá del Bronce, escontra’l 800 a.C. (el más antiguu conocíu n’Asturies), van ser, asina consta lliteralmente nel proyectu, soterraes porque “el so interés nun ye bien eleváu”. La mesma suerte van correr los elementos defensivos que prueben la intensa y socesiva fortificación del castru mientres la Edá del Fierro (fosos y fases antigües de les muralles) que van ser tamién soterraes pa, dizse, evitar la degradación estructural.

A última hora, la execución de les intervenciones conteníes nos proyectos d’obres urxentes y d’afitamientu de les ruines del Chao Samartín implica’l ocultamiento, destrucción o falsificación d’elementos claves na interpretación del xacimientu, de la so hestoria y, poro, tamién de la Hestoria d’Asturies.

Ye paradóxicu que mientres se nos brinda al traviés de les xornaes del RIDEA alcordances de les bondaes qu’apurrió y apurre l’arqueoloxía, en concretu l’arqueoloxía castreña, a la sociedá nel so conxuntu, tantu l’asturiana nesti casu, como la d’otres poblaciones y rexones del noroeste de la península Ibérica, coles mesmes, somos testigos, una vegada más de la más bochornosa incompetencia y desinterés absolutu per parte del actual Gobiernu d’Asturies pol nuesu patrimoniu históricu-cultural.

¿Cómo puede xustificase que sabiendo qu’esisten xacimientos por escavar, dalgunos de la Edá del Bronce y otros de la Edá del Fierro autorice un tipu d’obra civil que lliteralmente estrozaría estos xacimientos ensin posibilidá de recuperación? Cenciellamente nun pue xustificase… nun tien igua.

Ye por esto que dende la Lliga Celta d’Asturies esiximos al Gobiernu de Asturies que ponga frenu a esta xirigonza y cumpla cola so obligación que, nesti casu, ye la de protexer, caltener y garantizar la pervivencia d’esti patrimoniu, que ye de tolos asturianos y dedique más recursos a la investigación de la hestoria y cultura asturianes y menos a la so desapaición, como sería nesti casu concretu. No hacer casu a esta petición sedría atentar escontra nuesu patrimoniu ensín xustificación nenguna.

¿Por qué dicimos too esto? Vamos intentar amuesar evidencies lo más gráficamente posible:

Semeyes 1, 2 y 3.  Gran plaza pavimentada del Chao Samartín. Malinterpretaes como esbarrumbes producíos tres l’escavación, les evidencies qu’amuesen la violencia del sismo que causó la ruina del pobláu van ser destruyíes para, en picando y rebaxar la base xeolóxica, construyir, sobro un encofráu de formigón armáu, un muriu de nueva factura contrachapáu con piedra caliar local” (sic).

  

 

 

 

Semeyes 4 y 5 .  Les trincheres qu’amuesen el vaciáu de los murios castreños en dómina de la Monarquía Asturiana, primer testimoniu d’usu medieval del Chao Samartín van ser utilizaes pa construyir murios de nueva factura que “faciliten la llectura” del xacimientu en dómina romana.

   

Semeyes 6 y 7. Tolos restos correspondientes a les fases más antigües del pobláu, munchos d’ellos escepcionales n’Asturies, van ser soterraos y escluyíos del discursu xeneral de la visita pos “el so interés nun ye bien eleváu” (sic). Ente otros l’edificiu más antiguu topáu na nuesa rexón (800 a.C.).

Semeyes 8 y 9. Pa facilitar l’accesu a los fosos, en que la so secuencia estratigráfica se documentan episodios escepcionales de la refortificación del castru pol exércitu romanu, van ser estensamente alteriaos pola construcción d’una rampla. El movimientu de tierra, bien cimera al que riquió dellos años d’escavación a un equipu especializáu, va ser  realizáu con medios mecánicos y controláu como cualquier obra de carretera con un meru “siguimientu arqueolóxicu”.

  

Semeyes 10 ya 11. Sobro estos mesmos elementos, les fortificaciones esteriores entá non escavaes, y ocupando un llugar clave pa la observación del xacimientu per parte del visitante dende’l Muséu y nel so aproximamientu a les ruines, va construyise un edificiu “d’acoyida”. La obra va implicar la destrucción d’horizontes arqueolóxicos fértiles, el cambéu de la so morfoloxía y la degradación definitiva de la principal vista del xacimientu.

             

En función de tola información contenida nesti artículu, dende la Lliga Celta d’Asturies, esiximos al Gobiernu d’Asturies que tome les midíes oportunes para parar esti despropósitu y actúe como debiera, esto ye, actuando de forma que les consecuencies de les sos acciones traigan la preservación y caltenimientu nes meyores condiciones posibles del nuesu patrimoniu y non a la inversa, una y bones esti proyectu” amás d’erróneu, na nuesa opinión, significaría estrozar dos xacimientos de suma importancia para conocer la hestoria d’Asturies, y amás de forma irrecupaerable.

De la mesma, hemos de dicir, bien al nuesu pesar, qu’esta mesma información s’unvio’l 8 de febreru del añu en cursu, vía correo ellectrónicu a dellos medios de comunicación: Asturnews, La Nueva España, Asturies.com, AsturiasHoy, El Comercio, La Voz de Asturias, RTPA, RTVE Informativos, Infoasturies, Oviedo Agencia EFE ya Asturies Europapress, ensín que nengún d’ellos lu espublizara ta la fecha. Suponemos que los sos motivos van tener, anque nun seyamos entendelos ya que pa nos, esto ye un posible atentáu escontra nuesu patrimoñu, el de tolos asturianos.

Fernán Morán, Presidente de la Lliga Celta d’Asturies, artículu ellaboráu cola información sobro’l proyeutu que proporcionó la Xunta Xeneral del Principáu d’Asturies.

CHARRA – COLOQUIU: LA TOPONIMIA CELTA D’ASTURIES.

Güei tuvimos el placer de contar col gran Xulio Concepción Suárez, un sabiu que lleva décades investigando y afondando na conocencia de l’identidá ya hestoria d’Asturies al traviés de los sos nomes, les sos pallabres.

Amuesonos el so diccionariu etimolóxicu, centrándonos nel campu de los raigones célticos asoleyaos n’estremaos campos d’estudiu: augüa, lluz, relieve, etc. Notose abondu los años de docencia, asina como la pasión polo que fae porque fizo d’una materia siempres complexa como ye la llingüística, daqué afayaízu y prestosu pa tol mundiu, al mesmu tiempu que nun dexaba d’enseñanos coses nueves.

Comu’l formatu yera de coloquiu, la xente al pocu, debío al bon ambiente qu’hebía na sala enseguida confiose, y foi apurriendo idegues, entrugues, conocencia personal, a Xulio yo creyo que-y presto, ya dió-y xueu pa retrucar toles entrugues que se-y plantegaron, aclaranos conceutos, ya enseñanos munchos otros.  Inclusu aldericamos sobre les falacies construyíes sobro la braera hestoriografía ya identidá d’Asturies y la necesidá d’apurrir más medios pa investigación porque Asturies ya’l pueblu asturianu merézlo.

En síntesis, foi una charra-coloquiu mui prestosa, na que aprucieron munches coses desconocíes pa muncha xente ya estableciéronse contautos con otres asociaciones comu la de Vendonius, de la qu’un miembru averose a la charra; xente del partíu políticu Andecha Astur; xente venceyao al mundiu de la llingüística, y persones interesaes pel tema.

Dende la Lliga Celta d’Asturies, agradecemos l’asistencia a tola xente que tuvu na charra; nuesu más fonderu agradecimientu a Xulio pol so saber, como tresmitiolo a toos, ya’l so enfotu desinteresau por Asturies; a los medios de comunicación qu’espardieron esti eventu (Infoasturies y Asturies.com); y como non, al Hotel d’Asociaciones Santuyanu por cedenos la sala con tol equipamientu necesariu pa facer esti eventu… GRACIES!

Fernán Morán, Presidente de la Lliga Celta d’Asturies.

CHARRA – COLOQUIO: LA TOPONIMIA CELTA D’ASTURIES.

Dientru’l Programa Añal d’Actividaes de la Lliga Celta d’Asturies, tenemos el gustu d’ufrecevos una charra-coloquiu impartíu pel doctor en filoloxía Xulio Concepción Suárez, que ye tamién autor dellos llibros, artículos y trabayos venceyaos a la llingüísitca asturiano; amás d’esu tamién ye miembru numberariu’l RIDEA y dedícase a la docencia.

N’esi actu, que tará presentáu y moderáu por Fernán Morán, presidente de la Lliga Celta d’Asturies, el doctor Xulio Concepción Suárez falará sobro l’etioloxía céltica de varies pallabres asturianes, amuesaranos el so trabayu nel dicionariu etimolóxicu asturianu nel que lleva trabayando munchos años y retrucará toles dubies y comentarios que xurdan ya que pretendemos qu’esta seya una xorada más asemeyao a una coloquiu qu’a un monólogu.

Pa meyorar l’interacción ente la xente que s’avere a esti eventu, dende la Lliga Celta d’Asturies recomendamos visitar la páxina ueb de Xulio Concepción Suárez ónde podrase ver gran cantidá’l trabayu fechu per esti home, l’enlláz ye:

http://www.xuliocs.com

Comu ye vezu, esti actu sedrá d’entrada llibre y de baldre ta completar aforu.

Llugar del eventu:

Sede de la Lliga Celta d’Asturies, ubicáu nel Hotel d’Asociaciones Santuyanu, cai Xoaquín Costa 48, planta sótanu, sala 5

Hora y fecha:

sábadu 10 de febreru a les 12:00h.

Tais toos/es convidaos/es!!!

Fernán Morán, Presidente de la Lliga Celta d’Asturies.

Semeyes:

1ª.- Dr. en filoloxía Xulio Concepción Suárez. Fonte la semeya: El Comercio. Autor/a: J. M. Pardo.

2ª.- Cartelu oficial del eventu.

 

ASTURIAN FOLK MUSIC AND CELTICISM.

Asturies has always been consubstantial with music. We are not alluding here to the classical theories on the origin of music, basing it on the sexual love as Darwin, or on the word as Herbert Spencer intends, or on the ordered physical work as Carlos Buecher pretends, for being irrelevant to our study. Probably all peoples in all stages of civilisation have utilised music, but Asturies must have always been particularly sensitive to the art of sounds, and that due to the defined lyrical and sonorous character of its geographical context. Everything in Asturies sings: the breeze, the wind, the forest, the river or the stream; all of them bring their melody forth conducted by the deep pitch of the sea, and the man, in likewise manner, must have matched his larynx to the sonorous context wherein his life developed.

What precedes is not mere sentimental lyrical solace. Evidence of this man-music affection in the primitive Asturians exists. The prehistoric Asturian whistled and blew on rudimentary instruments. Horns with stylised ornamentation have been found in the cave of Cueto de la Mina, which could have been utilised for sonorous calls after being perforated, or as a type of castanets beating them with other bones or sticks. We also have the more specific example of the alleged flute discovered in our prehistoric sites by Hernández-Pacheco. And there is, lastly, the representation of dancing human figures on the so-called Peña Tú idol, in Puertas de Vidiago.

As we approach historic or protohistoric times, all investigators who have studied the origin and nature of traditional Asturian music have encountered one basic dilemma: the Orientalist and the Europeanist theses.

The former interprets our music as a consequence of Oriental decisive influences arrived through the Southern Mediterranean and North Africa, whose crucial moment would be the Arabic music firmly established in Spain during the long period of occupation by Arabic forces. The principal advocate of this theory was the notable Arabist Julián Ribera.

The second thesis, the Europeanist, hinges initially on the Celtic hypothesis to continue with the influences of Byzantine liturgical music and thereafter with Provençal contributions. Rather than defending an own position, they reject the Arabic thesis with more or less vehemence –Pedrell, for instance, resolutely–.

It is worth noting beforehand that the posed dilemma does not suppose such a radical contradiction as some have pretended. All musical tendencies which arrive in our fatherland, whether they come from the North or the South, have, in a certain manner, a common origin: They all relate remotely to the Middle East, plus perhaps some final Hindustani roots.

The Arabs, let us remember, did not have their own music –it was even initially prohibited by Muslim religion– and they adopt and bring to the Iberian Peninsula only the music which they had heard and assimilated in the Middle East, music fundamentally of Greek tradition and Byzantine substance.

On the other hand, the Celtic and Germanic people who invade Europe passed, coming from India, through the area of the Middle East and their music, whatsoever it was, must have been affected by this common melting pot.

Irrespective of the core source, we can even assume a more remote germinal origin of certain aspects of Spanish folk music, and more precisely the Asturian one, in the tradition of certain ethnic groups of Aryan race which occupied West Asia in the third and fourth millennium b.C. and invaded India between 1500 and 1000 b.C. The Rigveda and especially the Samaveda, whose songs preserve musical notations, offer curious connotations with some characteristics which define our Asturian songs: the preponderance of music over lyrics, the utilisation of chromatic scales unparalleled in classical Greek or Hindu music from posterior times and which on the other hand have evident relations with certain Hebrew chants, especially Sephardic. There is even a unit of time called “urddhi” (augmented) which deliberately prolongs the end of the phrase and seems like a counterbalance of similar characteristics to Christian plainchant. Likewise, the tremolos occurring on Vedic songs resemble the “tremula voce” of mediæval “quilismas”, and probably related, as we will see further on, to Asturian folk music. Peter Crossley Holland points out as well in his study on the Vedic Chants included in the Pelican History of Music (p. 26) that these types of chants remain particularly in certain valleys of the Himalaya, where some primitive dances reminisce, in my opinion, certain Asturian ritual dances. In light of that, it is remarkable the geophysical similarity between the Cantabrian mountain range and the Himalaya, prolonging oddly in similar human traditions joined, mayhap in the mists of time, to distant common links.

Acknowledgment of this general premise of the common source of all music arrived in Asturies is important and constitutes the key to comprehend many posterior phenomena which musicologists have not been able to unravel when studying our music.

Following on from this premise we have to establish beforehand that the North of the Iberian Peninsula, in any case, belongs indubitably in Europe, wherein it is immersed by the climatic, geographic, human and historic context. Nothing is purely haphazard in History. There is a world –a Weltanschauung, which we could call, for clarity, “Occidental”– opposing the Orient, whose limits, variable with time, are defined broadly by Austria in the East and pierces through the core of the Iberian Peninsula from the South West. The Arab tide comes to a halt in Asturies, and the Turkish in Austria, for reasons profounder than the fortuity of a battle. Thermopylæ and its surroundings still mark the boundary of freedom.

Thus, Asturies –and likewise the Iberian Peninsula although Asturies more clearly so– belongs in the European cultural context and in this context are we to interpret its History and, consequently, its music.

Dispensing with the historical period, too distant to have any transcendence in current musical endeavours –although it behoves us to mention the important nucleus of culture signified by the civilisation from the caverns in the East of Asturias and West of Cantabria–, in the protohistoric period, circa the first millennium before Christ, Asturies meets a prolonged invasion of people hailing from Europe, in successive waves, each of them with their own physiognomy although all of them are normally encompassed in the general denomination of “Celts”. Anteriorly, our nation was inhabited by an undetermined population which yielded the megalithic culture, spreading across all our confines. The new invaders assimilated, incorporated or perhaps organised the cohabitation with the previous culture, producing what has been called the Castro Culture. Nevertheless, the area where the prehistoric cave culture was more settled –strictly from Llanes to Torrelavega and more broadly from Candamo to Peña Castillo– remained somewhat separated from Castro Culture, which rooted more firmly in central and western Asturies.

Without trying to discern the character of the establishment and development of these peoples, we will focus solely, with the purpose of investigating the musical connotations, on defining the cultural strata of our primitive population. We have firstly the East of Asturias, with a crucially important prehistoric civilisation, with whose cultural context and geographical habitat are –as we will see hereafter– the Corri Corri and Pericote related.

Central and western Asturias, on the other hand, constitute the seat of a specific Celtic culture which yields the Castro civilisation and around whose musical context revolves the Danza Prima.

This initial draft, carried out with musical observations backed by historical data, permits us to discern clearly a historical identity often miscomprehended: The Astur-Cantabrian world. It shows us firstly the unquestionable affinity between these two peoples whose folk music presents formidable analogies and similarities.

In the North of the Iberian Peninsula we find, in my opinion, three perfectly defined musical families: the Basque, the Astur-Cantabrian and the Galician. Although all of them are related, our music is more closely linked to the Galician and more distant from the Basque. They all stem from a common Celtic core, although differing amongst themselves within the evident similarities that bring them together, and as Galician Celticism appears to be related to the Welsh or Irish, Basque seems to be with the Scottish and Asturian with the Scandinavian.

The Celtic thesis applied to traditional Asturian music has been generally positively welcome by the scarce, albeit enthusiastic, scholars who have investigated our folk music.

Notwithstanding its distance in time, Celtic influence can be legitimately acknowledged in our music for two reasons: Firstly, as we pointed out at the beginning of this study, for the suitability of man-music which remains anchored in the personality of human beings and peoples throughout the centuries; secondly, and further strengthening the aforementioned, because the Celts arrived in Asturies “to stay”. The succession of invasions and conquests reflected on our History –all histories– provokes the temptation of valuing all of them and their consequences equally. Political, tribal or national organisation, language, customs… that is, everything that constitutes the phenomenon known as “acculturation”, can be changed, but blood remains, with everything it entails. Thus, the substrata of the primitive inhabitants of Asturies constitute the essence of our personality. That array of Indo-European peoples which reached the Asturian shores in the millennia prior to Christ, especially the Celts, settled down forever in our land. The gigantic cavalcade, the indescribable Celtic “völkerwanderung” consumed its long trajectory in Asturies, where the Celts established their definitive home and to whom we are the heirs. Thereafter brought Rome their ordinances, officers and police, their language and organisation, but nothing more. The Visigoths, which were but a stream in the Hispano-Roman river, could not have changed much the basic racial structure of Asturies. The Arab occupation lacked any importance amongst us, and this is already a rhetoric cliché. True that amongst our traditions abound references to Moor slaughters, caves, palaces and treasures hidden by the Moors, but they all sound rather like mediæval fables than historical realities worth of consideration. The commencement of the ill-named Reconquista did not suppose a decisive disruption in the human context of our nation either. True that some disperse elements from the Visigothic army and administration sought refuge in our mountains, but the guerrilla campaign characteristic of the beginning of the Kingdom of Asturies could only have been carried out by natives, knowledgeable of the terrain. The organisation, the ideals, the leadership could have been Visigothic, but the blood which kicked off that phenomenon known as Reconquista was Asturian.

And likewise until our days. The mixture of peoples in our nation, amply demonstrated by anthropology, cannot be refuted, but that does not deny the permanence of a basic Indo-European primitive Celtic substratum, which presides our nature and determine our idiosyncrasy.

This Celticism is clearly manifested in some parcels of our music. Firstly, in the Danza Prima, whose fundamental structure –in music and dance– shows, in my opinion, evident Celtic reminiscences. Secondly, the accentuated lyricism of our traditional music stems equally from the Celtic emotional sensitivity. The Celts arrive in Asturies after interminable pilgrimage, they do not settle down by chance. They simply came seeking for their soul, and here they found it, because the forest, the mountain, the secluded valley of Asturies, were shaped in perfect consensus with their sensitivity, our sensitivity.

Source:

“La canción asturiana”; José Benito A. Buylla; Ayalga Ediciones, 1977

Translation to English:

Sergio Fernández Redondo.

 

ASTURIAN LEGENDS: THE JUDGMENT OF THE DOLPHINS IN CANDÁS.

This is the story of a trial done to dolphins in Asturies in the seventeenth century. The story goes like this:

Towards 1616, the sailors of Candás, represented by the parish priest Andrés García de Valdés, sued Bishop Martín Alonso, in Uviéu, for the dolphins that were destroying their fishing gear.  They argued that they followed the fishing boats and that, once the nets were full, they broke them to eat the fish.

Surprising as it may seem, the bishop ordered that the dolphins were notified and appointed lawyers for them, charges were awarded to Dr. Martin Vazquez, professor of Bonuses and Canons of the University of Uviéu and Dr. Juan Garcia Arias de Velasco.

This trial was made on the high seas and the lawsuit was lost by the dolphins, so Fray Jacinto de Tinéu, of the order of Saint Domingo, was in charge of informing the dolphins of the trial decision, ordering them to leave there to other seas, something that, apparently, they fulfilled and did not return to cause destruction in the nets of the sailors of Candás.

Although it may seem incredible, and many have it as a legend, this story was collected in a document, the one written by the aforementioned notary, which was found in the Provincial Historic Archive of Uviéu in 1980 by the cronista of the council of Carreño, of which Candás is the capital.

Source:

“Mitos y leyendas asturianas”; Alvarez Peña, Alberto; Ed. Picu Urriellu, 2004

Translation to English:

Fernán Morán.

Photographs:

1st.- Group of photographs of the statue that remembers the Judgment of the Dolphins made by the sculptor Santarúa in 1982. The statue is in the Maestro Antuña park in Candás.

2nd.- Seafaring village of Candás at the beginning of the 20th century.

3rd.- Photo of dolphins.

LLEENDES ASTURIANES: EL PLEITU LES TOLIÑES EN CANDÁS.

Esta ye l’hestoria d’un xuiciu a les toliñes por facer estrozos nes redes los marineros candasinos. Esta hestoria diz asina:

Escontra 1616, los marineros de Candás, representaos pol cura párroco Andrés García de Valdés, demandaron al obispu Martín Alonso, n’Uviéu, a les toliñes qu’estrozaben los sos apareyos de pesca. Argumentaben que siguíen a les llanches de pesca y que, una vegada taben llenes les redes, esparrapábenles toes para pa xintar los pexe.

Por sorprendente que pueda paecenos, l’obispu mandó que “se dieren censures” a les toliñes y nomárense abogaos d’oficiu para elles, cargos que recayeron nel doctor Martín Vázquez, catedráticu de Primes y Cánones de l’Universidá d’Uviéu ya’l doctor Juan García Arias de Velasco.

Tales “censures” foron feches n’alta mar y el pleitu foi perdíu polos delfines, asina que Frai Jacintu de Tinéu, de la orde de Santu Domingu, foi l’encargáu de dar a conocer a les toliñes el fallu del xuiciu,  ya ordenayos que colaren d’ellí a otros mares, cosa que, al paecer, cumplieron y nun volvieron provocar estroces nes redes los marineros de Candás.

Anque pueda paecer increíble, y munchos tiénenlo por lleenda, esta hestoria foi recoyía nun documentu, l’escritu pol notariu enantes mentáu, que foi atopáu nel Arquivu Históricu Provincial d’Uviéu en 1980 pol cronista del conceyu de Carreño, del que ye capital Candás.

Fonte:

“Mitos y leyendas asturianas”; Alberto Alvarez Peña; Ed. Picu Urriellu, 2004.

Torna l’asturianu:

Fernán Morán.

Dibuxos y semeyes:

1ª.- Grupu semeyes de l’estatua que tien Candás nel parque Maestru Antuña referío al Pleitu les Toliñes. Estatua fecha pel escultor Santarúa nel añu 1982.

2ª.- Villa de Candás a primero del sieglu XX.

3ª.- Semeya de tolfiñes.

 

 

INFORME AÑAL D’ACTIVIDAES DE LA LLIGA CELTA D’ASTURIES 2017

Comu tolos años, vamos facer un pequenu resumen de toles actividaes que ficimos a lo llargu’l 2017, desti xeitu queremos dar a conocer a toles persones que mos lléan la variedá d’estayes nes que tamos trabayando y abrimos la posibilidá a toda persona que-y apetezca formar parte nuesu equipu y desencolcar les actividaes y proyeutos que-y peten dientru del marcu d’aición de los oxetivos de la Lliga Celta d’Asturies.

Eiquí va:

Actividaes:

El 12 xineru entamamos una conferencia titulada ” El ganau de tueru célticu n’Asturies ya otres naciones celtes: un enfoque xenéticu y morfolóxicu”, nel Ateneu Obreru de Xixón na qu’el biólogu y profesor de secundaria César González Herrerías falonos abondu de les característiques y venceyos ente les races autóctones asturianes (pony asturcón, oveya xalda, gochu asturcelta, pita pinta, cabra bermeya) ya otres d’otres naciones celtes.

El 25 marzu entamamos una concentración pola defensa’l Padremoñu Hestóricu-cultural d’Asturies a les 11:00h delantre l’ilesia Santuyanu, ayalga del Arte Asturianu y catalogada comu Padremoñu de l’Humanidá; ya’l mesmu tiempu, edificiu aquexáu dellos males, sobro too venceyaos a les humedaes y la contaminación ensín que t’agora haya munchu enfotu’n solucionalu, tuvimos ellí reivindicando que l’Almenestración d’Asturies faiga lo propiu p’asegurar el so correutu caltenimientu pa les xeneraciones futures. Hai que reseñar que tuvimos el gustu de cuntar nel actu cola presencia de miembros de la Lliga Celta Llionesa, una delegación del partíu políticu Andecha Astur (convidamoslos a toos los partidos políticos y esceutu Andecha Astur nun vino nengún), y dalgún escocés afincáu n’Asturies con más procuru pol nuesu padremoñu que munchos/es de nos.

Esi mesmu día, depués de la concentración entamamos una conferencia a les 12:00h nuna sala la nueso sede titulada: “Monumentos altomedievales d’Uviéu: nuevos enfoques y perspectives”, qu’impartió l’economista y profesor de secundaria Francisco José Borge Cordovilla.

Los díes 15 y 16 d’abril taba entamau facer les Xornaes del Asturcón na Puela de Maliayu; un ciclu de 3 charres ya una visita a una granja de cría d’Asturcón; peru llamentáblemente, por razones ayenes a l’organización de nuesu, nun pudu executase. N’esta actividá taba collaborando l’Asociación de Criadores d’Asturcón d’Asturies, l’Asociación de Criadores d’Oveya Xalda, Bertu Peña de la Fundación Belenos y la Ca’l Conceyu Villaviciosa. Llamentamos nun haber podido l.levalo a cabu, esperamos facelo nun futuru más prósimu que lloñe.

El 14 de mayu, xuntu a l’asociación cultural El Curbiru de Bañugues (Gozón), entamamos una concentración nel castru de Podes pa solicitar a l’Almenestración que faiga lo necesariu pa evitar que tea esfarrapando parte’l castru al mar cola consiguiente perda de material importantísimu ya irrecuperable que sedría fundamental pa l’obtención d’información útil sobro’l castru ya los habitantes de so, per una llau, y pa l.lamar l’atención de pa población asturiana sobre esti tema.

El 15 de xunu entamamos una conferencia nel Museu Arqueolóxicu d’Asturies a les 19:00h titulada: “Reinu d’Asturies: orixe y espardimientu”; que foi impartida pel hestoriador y’autor de numberosos llibros y trabayos sobro’l tema Javier Rodríguez Muñoz.

Durante los meses de Xunetu y setiembre tuvimos creyando’l Fondo Documental de la Lliga Celta d’Asturies, ya entovía siguimos con ello. Una xera complicao ya que tuvimos que guetar un llugar pa tener tolos volúmenes adecuadamente y baxu llave, creyar una base datos, amalgar llibros y trabayos que configurares esi fondu documental, y llueú meter tola información nes bases de datos. Facer too esto ensín perres nun foi fácil, tenemos qu’agradecer mui, mui fondéramente la collaboración desinteresao de: La Conseyería Cultura del Principau d’Asturies, l’Academia de la Llingua Asturiana, El Real Institutu d’Estudios Asturiano y la Real Academia de l’Hestoria, ensín el sofitu de so, enxamás hebiera sido posible creyalu. Esti fondu, nun entamu, sedrá pa usu los/es socios/es de la Lliga Celta d’Asturies nes sos investigaciones, más alantre, a midía que vaya aumentando, intentaremos incluyir un serviciu consulta o préstamu a otres asociaciones y, quiciabes, a particulares.

                           

   

El 13 d’ochobre entamamos la conferencia titulao “El llobu na cultura asturiana” nel Ateneu Obreru de Xixón na qu’el gran Bertu Peña, etnógrafu, escritor, dibuxante y miembru la Fundación Belenos, ufrecionos un percorríu perprestosu la presencia d’esti magníficu animal na cultura  y mitoloxía asturiana.

El 11 payares, Fernán Morán de la Lliga Celta d’Asturies, impartió una charra titulada: “Asturia y los ástures”, nel I Alcuentru Cultural entamáu pola organización Ágóra n’Areñes, conceyu Piloña. una esperiencia perprestosa ya enriquecedora con una xente maravillosa, esperamos facer más collaboraciones.

El 18 d’avientu entámase contautu cola Alba Branche of the Celtic League col envís de promover l’hermanamientu ente la Lliga Celta d’Asturies y la rama escocesa de la Celtic League y la posibilidá de facer conceyos y visites ente nueses dos ñaciones celtes. Angüañu sigue’n procesu esti proyeutu.

         

 

El 26 d’avientu farase l’Asamblea Xeneral Ordinaria de la Lliga Celta d’Asturies na que tolos/es socios/es podrán averase y na que decidirase, en bona midía, lo que faremos durante’l 2018, amás de venos y pasar un bon ratu’n xuntanza.

Redes sociales:

Nuesu blog: durante l’añu espublizamos 53 artículos, tuvimos 45.611 entraes y 31.908 visitantes de tol mundiu; lo cual préstanos abondu porque l’añu pasáu n’estes feches tuvimos alrodiu de 18.000 visitantes, ye dicir que casi doblamos, esu sinifica que tamos faciendo bien les coses.

Twitter: tenemos 253 seguidores/as, casi 100 más que l’añu pasáu.

Facebook: eiquí los datos tamién son munchu meyores, a fecha güei tenemos 1873 seguidores/as, alrodiu d’ochocientos más que n’avientu l’añu pasáu, lo cual préstanos abondu. El alcance mediu de nueses espublizaciones ye de 8.258 persones de media, lo cual nun ta mal.

Amás d’esto, creyamos varios grupos de Facebook col envís de favorecer l’intercambiu cultural ente Asturies ya otres naciones celtes ya’l nuesu hermanamientu. T’agora tan creyaos los grupos d’hermandá ente Asturies y: Alba, Eire, Cymru, Breizh y País Llionés.

Espublizaciones:

El 16 de marzu, Fernán Morán, presidente de la Lliga Celta d’Asturies espublizó nel diariu Asturies.com l’artículu: “¿Ye Asturies una ñación celta?”

El 25 mayu, Fernán Morán, presidente de la Lliga Celta d’Asturies espublizó nel diariu Asturies.com l’artículu: “25 Mayu vs 8 setiembre”.

El 17 d’ochobre espublizose’l reportaxe que mos fizo la revista internacional d’orixe canadiense Celtic Life.

Bono, comu podéis güeyar nun paramos facer coses, y seguiremos faciéndolo l’añu prósimu ya l’otru ya l’otru porque tamos comprometíos/es cola nación celta d’Asturies. Si quiés facete sociu de la Lliga Celta d’Asturies nun ties más que ser mayor d’edá, cumplimentar la fueya d’inscripción y pagar la cuota única d’entrada de 10 euros… tamos esperándote que vengas con ganes de facer coses!!!

Fernán Morán, presidente de la Lliga Celta d’Asturies.

NOTA: les persones interesaes en facese sociu/a de la Lliga Celta d’Asturies pues pidir información unviando un correu a: lligaceltadasturies@gmail.com