NUECHE D’ANIMES 2016

Dende la Lliga Celta d’Asturies deseyámosvos a toos y toes una prestosa Nueche d’Animes ya un Felíz Añu Nuéu.

Aprovecha-y güey pa fonrar a los vuesos ancestros.

Salú.

Fernán Morán, Presidente de la Lliga Celta d’Asturies.

ENGLISH:

From the Celtic League of Asturias we wish to all our Celtic friends a happy New Year.

Honoring the memory of our ancestors tonight.

Cheers!

Fernán Morán, President of the Celtic League of Asturies.

lasantacompaa

 

CONFERENCIA: ¿QUÉ PODEMOS FACER PA DA-Y FUTURU AL ASTURIANU?

Bones a toos y toes, güei tuvimos el placer de sentir a Inaciu Galán, escritor, periodista y Presidente de l’asociación Iniciativa pol Asturianu, que fízonos una esposición mui prestosa y afayaíza de la situación del asturianu na nación asturiana.

14875014_1471030006257370_1777529633_n

Inaciu falonos de los llogros amalgaos n’estos más de 40 años de llucha por amalgar l’oficialidá asina como de day a l’asturianu la reconocencia que meréz.

p1050282

Asina mesmu, más bien ya nun tonu d’alderique, falose de les posibles propuestes de llínies d’actuación futures a mediu plazu que sedríen les más idonees pa la llingua de nueso.

p1050283

Per últimu emperu nun menos importante, dende la Lliga Celta d’Asturies queremos agradece-y a tolos/es asistentes a la conferencia de güei la vueso asistencia, a Inaciu Galán la so collaboración desinteresao, ya la biblioteca pública Xovellanos de Xixón la cesión de les sos instalaciones pa la cellebración d’esti eventu.

14800949_10154594619014948_1809048827_n

Un saludu candial a toos y toes, ta la prósima!

Fernán Morán, Presidente de la Lliga Celta d’Asturies.

Semeyes ya illustraciones.

1ª: Desarrollu de la conferencia. Autor de la semeya: Xurde Lluís González Lains.

2ª.- Parti’l públicu asistente a la conferencia. Autor: Fernán Morán.

3ª.- Inaciu Galán, Presidente d’Iniciativa pol Asturianu y Fernán Morán, Presidente de la Lliga Celta d’Asturies dempués de la conferencia. Autor: desconocíu.

4ª.- Cartelu oficial del eventu, diseñau por Vítor González pa la Lliga Celta d’Asturies.

LA CASERÍA, QUINTA O QUINTANA ASTURIANA.

La casería ye la mena de poblamientu rural más carauterística d’Asturies.

La casería ta formada pola casa y les sos dependencies anexes; pol tarrén ya inclusive polos derechos d’aprovechamientu de los montes comunales. La casa asítiase nun espaciu abarganáu denomáu solar, arrodiáu pola antoxana. Nésta asítiense les dependencies anexes: l’horru, el payar, la cuadra y otros espacios dedicaos al almacenamientu. Alredor de la barganal de l’antoxana dispónse’l güertu y los árboles frutales.

quitana_800x332

Nel tarrén dispónense los espacios pal usu ganaderu y el restu de los usos agrícoles. Les partes más llanes dedíquense al cultivu de ceberes. Estos espacios, denominaos eríes, cortines o lloses, abargánense pa evitar la entrada del ganao.

Per otru llau, les partes más inclinaes o más húmedes no fondero del valle, dedicábense a praos, pal aprovechamientu ganaderu.

La casería forma una unidá de producción, de residencia, de consumu, d’esplotación y, nel pasáu, de recaldación.

Según les zones d’Asturies, la casería conozse tamién como quinta o quintana.

arredondo

La casería surde na Edá Media de resultes de la colonización del suelu. La tierra, en manes de la nobleza y del cleru, y darréu de la burguesía, dábase a families de llabradores en parceles de pequeñes dimensiones, en cuenta d’una contraprestación. La clase dirixente esplotaba la tierra y los sos frutos, mentanto los llabradores trabayábenla, llogrando malapenes lo suficiente pa la so sosistencia.

Nel sieglu XVI les caseríes constituyíen l’únicu mediu de vida de los llabradores y una pervalible fonte de riqueza de los grandes dominios territoriales. La casería consolidóse como estructura económica y social en sieglos posteriores, permaneciendo la so estructura hasta finales del sieglu XIX. Los sos calteres esenciales permanecieron hasta mediaos del sieglu XX.

rales_de_llanes

Mentanto munchos sieglos, la casería foi una unidá d’esplotación, que fixo de la tierra la manera de vida de la familia llabradora asturiana.

Según la compilación del derechu consuetudinariu asturianu, la casería defínese como:

Una unidá económica y d’esplotación familiar formada por elementos disociaos, tanto no que fai a la so naturaleza —casa, antoxana, edificios anexos y construcciones complementaries, horros o paneres, güertos, tierres, praos, montes, árboles, animales, maquinaria y preseos de llabranza, y derechos d’esplotación nos bienes comunales—, como al so sistema de propiedá privada, n’arriendu o n’aparcería—, a la so llocalización dispersa y al so destín o aprovechamientu —cultivu, collecha, pacional—, que formen un conxuntu agropecuariu capaz de dar sustentu a una familia llabradora, ensin perxuiciu de qu’ésta pueda tener otres fontes complementaries d’ingresos.

Compilacion de Derechu Consuetudinariu Asturianu (§ 67. Conceutu y denominaciones)
Boletín de la Xunta Xeneral del Principau d’Asturies del 9 de marzu de 2007″.

quintana-gozon

Como figura xurídica, la comisión parlamentaria redautora de la compilación constató la so vixencia al traviés de resolvimientos xudiciales nos partíos xudiciales d’Avilés, Cangas, Grau, Llaviana, L.lena, Uviéu, Piloña y Siero; al traviés de protocolos notariales, nos distritos notariales d’Avilés, Cangas y L.luarca; y con una «verificación ictu oculi» nos conceyos de Cangas, La Ribera, Siero y Tinéu.

Nos nomenclátores d’Asturies, la casería ye una de les categoríes históriques más habituales de les entidaes singulares de población, xuntu cola aldega, la villa y el llugar.

illas

Les normes publicaes pa la ellaboración del nomenclátor de 1930 (Orde ya Instrucción del 8 de marzu de 1930) definen la casería como:

el grupu de dos o más edificios que, tando próximos ente sigo, nun lleguen a formar cais nin plazes, de los que, dalgún polo menos, dedícase principalmente a vivienda

Fonte: 

Wikipedia.

Semeyes:

1ª .- Quintana asturiana. Autor/a: desconocíu/a. Fonte: google.

2ª.- Quintana del s. XVIII a les faldes del Cuera nel conceyu Llanes – Asturies. Autor/a: desconocíu/a. Fonte. Hotel Rural Arredondo.

3ª. Semeya de la quintana de Rales de Llanes – Asturies. Autor: Altazor 83. Fonte: Wikipedia.

4ª.- Quintana del conceyu de Gozón – Asturies. Autor/a: desconocíu/a. Fonte: google.

5ª.- Quintana d’Illas – Asturies. Autor/a: desconocíu/a. Fonte: Mapas de España.

EL CONVENTUM ASTURUM (Parte II)

La fecha fundacional de los conventos de la Citerior foi siempres, por fortuna, daqué más qu’un meru problema cronolóxicu y los estudios o páxines a ella dedicaes tuvieron en considerancia razones históriques , amás de les amestaes a la comprensión de los distritos.

727px-iberia_156bc-svg

Trés fueron, a última hora, les feches que propunxeronse:

a) Dómina d’Augusto.
b) Dómina de Claudio.
c) Dómina de Vespasiano.

Va escasos años Sancho afirmaba , nes páxines preliminares al so estudiu sobre’l conventu cesaraugustanu, qu’éstos, fueron creaos mientres el segundu viaxe d’Augusto a Hispania (16-13 a.C.) ensin mayores argumentos que los que nel so día espunxera M. Marchetti. L’apaición d’un epígrafe nun llugar inciertu de Galicia nel añu 1983, fecháu nel I d.C. ya nel que consta l’esistencia d’un conventu, paez da-y la razón, polo que fuelga tou tipu de discutinios que siempres xiraron en redol a los datos proporcionaos por Plinio nel so Naturalis Hestoria.

Tratase d’un epígrafe de naturaleza xurídica, grabáu’n bronce, nel que per vegada primera, cronológicamente, consten los Ástures como gens y, sía cual fora’l significáu etnolóxicu qu’asinemos al términu, como una unidá social qu’engloba a otres unidaes menores, nesti casu a los Lougei qu’equí-yos vemos habitando nun determináu territoriu al que los romanos denominen civitas.

C. CAESARE AVG F L AEMILIO PAVLO COS

EX GENTE ASTVRUM CONVENTVS ARAE

AVGVSTAE

CIVITAS LOVGEIORVM HOSPITIVM FECIT CVM

C ASINIO GALLO LIBEREIS POSTEREISQUE EIVS

EVMQVE LIBEROS POSTEROSQVE EIVIS SIBI LIBE

REIS POSTEREISQUVE SVIS PATRONVM COOPTARVNT

ISQVE EOS IN FIDEM CLIENTELAMQVE SVAM SVO

RVM RECEPIT

EGERVNT LEGATI

SILVANVS CLOVTI

NOPPIUS ANDAMI

“Siendo cónsules Gayo César, fíu d’Augusto, y Lucio Emilio Paulo [añu I d.C.], la “ciudá” de los Lougei, pertenecientes a los Ástures del conventu d’Ara Augusta, contraxo un pactu d’hospitalidá con Gayo Asinio Galu, colos sos fíos y los sos descendientes, y -y cooptaron como patronu a él, a los sos fíos y a los sos descendientes, pa sigo, pa los sos fíos y pa los sos descendientes, y aquel tomó-yos so el so protección, la so vecería y la de los suyos. Realizaron el pactu los legaos Silvano, fíu de Cloutio, y Nopio, fíu d’Andamo”.

tabula-lugeiorum2

L’inscripción mereció un estensu estudiu de Dopico nel qu’afirma que ye probable que na segunda reorganización alministrativa de la Península llevado a efectu por Augusto, ésti procediera na creación de l’alministración conventual, incluyendo nella la fundación de nueves ciudaes o centros, como Lucus Augusti, l’Ara Augusta, dando per sentáu que la rialidá conventual que conocemos a partir de Vespasiano esencialmente ye la mesma que la qu’enllantara Augusto ente’l 16 y el 13 a.C.

L’epígrafe en cuestión, llueñe de resolver problemes hestóricos amena otros nueos a los que, ensin dubia, los especialistes van dir dando rempuestes. Bien, ye ciertu que tenemos una fecha cierta pa un conventu del Noroeste, el I d.C., pero nun ta nidio que’l conteníu del conventus Arae Augustae sía’l mesmu qu’el que denota tol conxuntu epigráfico referíu al conventum Asturum de dómina posterior; quiero dicir, qu’habría qu’entrugase si tien un calter territorial, y sobremanera una funcionalidad política (desplicao per mediu de cultu al emperador), qu’en tiempos imperiales ye sensíblemente distintu a la realidá conventual de dómina republicana (qu’esencialmente ye la mesma que vive Agrícola n’Aquitania ente’l 74 y el 77), pos tales son les primordiales característiques, la peculiaridá, de los conventos del Noroeste tal que los conocemos en dómina posterior, amás la iurisdictio, que, como bien espón Dopico, ta presente na nuesa tabla de patronatu. Almitiendo que, efeutivamente, esistiera esa territorialidad qu’a grosso modo podemos almitir, y qu’Ara Augusta fora la sede física del conventu, lo cual denotaría yá un cambéu importante al respeutu la rialidá conventual republicana empero inda vixente n’otres partes del Imperiu, surpriende la falta absoluta noticies sobro’l conventu (o los conventos) ta la dómina flavia; nada sabemos de les circunstancies del cambéu de la capitalidad del conventu, nel supuestu de la so esistencia primeramente, asina comu que tamién ignoramos l’allugamientu d’Ara Augusta. ¿A qué ye debíu ello? Ta nidiu, sicasí, que cola apaición d’ésti epígrafe’n cuestión queda atayáu’l sentíu de los discutinios anteriores.

pueblos-del-norte

Podríamos pensar qu’Augusto, en víes de pacificación tol Noroeste peninsular tres la guerra ellí sostenida, introdúz los mecanismos políticos n’usu na dómina republicana a midida que Roma diba realizando la conquista del Mediterráneu y con idéntica finalidá, la fayadiza integración de los pueblos nel modelu cultural que Roma pretende enllantar; ya ente esos mecanismos atópase , como recuérdanos Dopico nel mentáu estudiu, el conventus. Ensín que sepamos con certidume como produzse la comentao intrudicción (non cuándo), acasu mientres un periodu de tiempu tuvo xestándose y pongo l’énfasis na xestación) ta qu’atopámoslu cristalizáu, coles singularidaes apuntaes enantes; lo cual asocedería’n dómina flavia, cuando créyase la procuratela financiera Asturiae et Callaeciae, coincidiendo cola progresiva romanización de la rexón inducida pola concesión del ius Latii a diversos núcleso urbanos (Asturica, Bergidum, Flauium, Interamnium Flauium, Flavionavia, Lancia), la efectiva tranquilidá de la zona a partir de los últimos años de Nerón; tou lo cual fai posible que tolos sos habitantes, los del Noroeste, atópense’n meyores condiciones pa participar de los beneficios de los Flavios al traviés de dicha estructura conventual, estructura política afayaiza pa estos menesteres. Nueos materiales documentales, como’l tan pervalible apocayá apaecíu, y un nueu estudiu de los yá esistentes, van aidar a estenar estes ya otres incógnites que l’investigación, pola so propia naturaleza, xenera.

Fonte:

“Asturia prerromana y altoimperial”; Francisco Javier Lomas Salmonte; Biblioteca Histórica Asturiana; Ed. Silverio Cañada 1989

Torna l’asturianu: Fernán Morán.

Semeyes ya illustraciones:

1ª.- Mapa de la división alministrativa romana d’Hispania na dómina Augustana (s. I a.C.). Fonte: socialmoriles. blogspot,es

2ª.- Semeya de la Tabula Lugeriorum de procedencia desconocía, angüañu espuesta nel Museu d’A Coruña (Galicia). Autor de la semeya: Xabier Moure.

3ª.- Mapa de la división territorial romana del Noroeste d’Hispania. Autor: Miguel Angel González. Fonte: Google.

SERES MITOLÓXICOS ASTURES: LES LLAVANDERES.

“Les vieyes de cara enh.uto y engurriáu, de melena asemeyao a un raudal d’espluma, de voz sorda como’l ruiu de la cascada, y de mirar duru y torno, qu’habiten les veres de los rígos, en cuévanos de perantigues castañales, siempres respetaos pol rayu y torbolinos de los Nuberos, o ente la espluma de les grandes cascaes”.

descarga

Cuandu’n rígu énchese y causa desgracies elles esfruten sobre les foles “ximelgando los sos llenzos y faciéndoles resonar coles sos cóncaves palas”. Sicasí, si produzse un incendiu, alleguen rápido y voluntarioses p’apagalu.

llavanderes

Asegura Laverde Ruíz qu’a la vera’l Sella hai una cova atravesao por un regueru, na que’l so cantu puen vese cuatro muyeres de piedra n’actitú de llavar, les cuales son cuatro Llavanderes petrificaes por castigu les Xanes a daquién aquélles quixeron robar les sos madexes.

Fonte:

“Supersticiones y creencias de Asturias”; Luciano Castañón; Ayalga Ediciones, 1976.

Torna a l’asturianu:

Fernán Morán.

Illustraciones y semeyes:

1ª.- Rostru d’una Llavandera. Autor/a: desconocñiu/a. Fonte: blog.educastur,es

2ª.- Llavandera llavando nel rigu. Autor/a: Alberto Alvarez Peña. Fonte: Asturias Mágica.