MITOLOXÍA ASTURIANA: LA GÜESTIA

La güestia ye un grupu d’ánimes que visiten a los moribundos pocu enantes de morrer. Normalmente tán formaos por antiguos conocios del moribundu qu’efectuaron el viaxe enantes que él. Suelen portar güesos prendios y sudarios blancos, y n’ocasiones lleven un ataud nel cual llevarán l’ánima del futuru fallecíu. La misión de la Güestia nun ye infundir temor a los vivos, sinon solo de servir de porteadores del anima del futuru difuntu. Anque nun son peligrosos si un vivu por error o despiste atópase con ellos y tócalos sufriría la muerte él tamién, polo que pa defendese nesti casu había que facer un círculu nel suelu y metese nél.

santa-compac3b1a

En San xuan de Beleño considerábase tamién como un índiz de seguridá el suxetase o arreyase a la cría machud’una vaca: un xatu.

Versos de los componentes de la Güestia:

Cuandu nós yéramos vivos
andábamos a éstos figos
y agora que somos muertos
andamos per estos güertos
¡Andar, andar,
hasta’l tueru la figar!

La procesión o grupu d’ánimes arrodia trés vegaes la casa d’un moribundu, y al finar la tercer vuelta, en enfermu muerre, y la so imaxe apaez nel ataúd que llebaven los cuatro espectros, o conviértese na imaxe del muertu la forma que había nes andes portaes poles figures fantasmales. Entós la Güestia, glaya, apáguense les lluces y desaparecen.

www.fegovi.com

La ronda davezu dura siete nueches, y óyense cánticos tristayos. La imaxe del desahuciáu figura na procesión, de tal mou que si se ve a un vecín nella, albídrase la so muerte. Aurelio de Llano cunta’l siguiente asocedíu en Caravia.

Y cunten qu’una nueche, una muyer que vivía na Teyera, oyó’l soníu d’una campaniella; asomóse a la ventana y acolumbró a dos fileres de persones con veles enceses, que s’averaben al pueblu. Camentando que tratábase de viaticar a dalgún vecín, garró una vela y acercóse a un miembru del grupu que-y la encendió, y dempués siguió darrera d’ellos hasta la casa d’un enfermu.

Una vegada que finó la ceremonia, la muyer tornó pa so ca y la comitiva siguió en direición al conventu de Santiago. A la nueche siguiente, la bona muyer oyó otra vegada la campaniella, foi a garrar la vela que guardara nel estoxu del arca, y alcontróse con un güesu. Salió a la cai, empobinó pal que la nueche anterior-y encendiere la vela y díxo-y:

– “Pantasma de la Güestia, toma esti güesu y dame la mio vela!”
– “Malditu seya’l que t’ensiñó” – dixo’l de la comitiva; y dió-y la vela a la muyer. Y ye que la vela alliviaba les penes d’aquella alma; por eso se quedare con ella.

(Aurelio de Llano, ‘Del folclore asturiano’, IDEA, 1977).

Fonte:

Wikipedia.

Illustraciones:

1ª.- La Güestia, autor desconocíu.

2ª.- La Güestia, autor: Luís.

Anuncios

SERES MITOLÓXICOS ASTURIANOS: LA XANA.

La Xana ye ún de los personaxes más conocíos nes mitoloxíes asturiana y llionesa. Ye una figura femenina qu’habita nes fontes y cursos d’agua puro y cristalino como los regatos; tamién vive nos llagos, nos pozos ya inclusives na mar. Nun ye polo xeneral una figura proteutora, sacante la Xana de les Cien Doncelles, sinon más bien inconsciente de la so ansia de venganza, ye perpeligrosa. Davezo, sal nes nueches de San Xuan en busca de mozos que l’acompanguen nes fondures de los llagos o regatos per tola eternidá.El nome de Xana paez provenir del nome llatín que los romanos dieron a la diosa de la natura Diana y que la evolución fonética astur fexo que produxera la forma xana (medieval sedría jana, con una pronunciación asemeyada al portugués actual).

Amás la figura de la xana ta intimamente rellacionada coles ninfes acuátiques romanes. Tamién parez guardar rellación col términu Lamna griegu, que fai referencia a una mítica muyer que quedó ensin fiyos y naguaba polos de les demás muyeres.

En cualquier casu, nun tien que s’escaecer la rellación de les xanes coles fontes y güeyos de ríos y regatos; asina como la divinización d’estos llugares colos nomes de Deua diosa, de lo que tamién pudiere defendese un aniciu del nome de la xana dende un reconstruyíu *Deuana, esto ye, divina o ser de la Deva.Dependiendo d’au vivan recibirán un nomatu estremáu. Dividiéndose en xanes, ondines y sirenes.

Xana (Lamia, de John William Waterhouse, 1909)

Xanes: son aquelles que viven nes fontes y nos regatos d’agües pures y cristalines. A la xana alcontrámosla principalmente na estaya central d’Asturies, y munches son les hestories nes qu’intervién la xana rellacionada con encantexos, ayalgues, o mesmamente el tiempu. Hai xanes bones, y xanes males (laxana roba-neños), ya inclusu alcontramos xanes que xueguen a los bolos. D’ente toes destaca la xana qu’intervieno n’aida de Mauregatu na hestoria del Tributu de les Cien Doncelles.

Las Xanas y las Sirenas - (ninfas de Waterhouse)

Ondines: son aquelles que moraben los llagos y llamargales. Les ondines alcontrámosles nos requexos occidentales d’Asturies. Quiciabes la más afamada seya la ondina que, namorada del invasor romanu, lloró hasta criar un llagu; y sal nes nueches de San Xuan buscando mozos a los que tracamundiar.

sirena

Serenes: son aquelles propies de la mar.

En delles comarques de Llión conócense col nome de nianinas. La presencia de janas nel sureste de Llión ye claramente por mor de la castellanización de la rexón, yá qu’esta figura namás se presénta nes relixosidaes populares asturiana y llionesa.

La so apariencia  ye de moces, davezu más encantadores que fermoses; nun ye habitual que tean representaes con atributos, dependiendo les comarques o conceyos llevarán una rueca, un fusiu o dacuando un puñal d’oru ou plata; siempres como instrumentos de la so venganza.

Dacuandu dalgunes xanes, pero raro porque habiten soles, apaecen acompañaes por un collaciu de nome Xanu, qu’a vegaes ta representáu como Xuan Xanucu, la figura mitolóxica que fai les truenes y vuela sentáu nes nubles (el Nuberu). Ya, inda menos, preséntense fíos nomaos xaninos y xanines; malque na mitoloxía llionesa estes dos figures nun apaecen, sí lo faen na asturiana.

Bibliografía:

1.- Álvarez Peña, Alberto: Asturias mágica. Ed. Conceyu Bable. 1992.

2.- Enciclopedia de la Asturias Popular – Depósitu Llegal: AS-330-94. Editáu por La Voz de Asturias.

3.- Antropoloxía llingüística: cultura, llingua y etnicidá. Academia de la Llingua. ISBN 84-8168-006-0. Depósitu llegal: AS 1.153/94

Semeyes e illustraciones:

1.- Xana Lamia. Autor: John William Waterhouse 1909.

2.- Ninfas. Autor: John William Waterhouse.

3.- Serena. Autor/a: desconocíu/a.

DÍI DE DIFUNTOS O NUECHI D’ANIMES

Na víespora del 1 de Payares asítiase la Nueche de Tolos Santos: Tres la puesta de Sol, les fronteres que dixebren el mundu de los vivos del de los muertos se difuminan, y vémonos invadíos poles almes de los antepasaos ya polos espíritos infernales de la nueche.

Na vixilia de Tolos Santos celebrase’l Magüestu de Difuntos, que ye la recoyida y rustíu de les castañes nel campu, al pie d’una foguera. Tolos miembros de la familia siéntense alrodiu de la llume y n’acabando, les castañes que sobren tiranles al suelu diciendo: ¡Esto ye pa que xinten los difuntos! .

filandon3

Tres la cena, l.lega la nomada ronda de les ánimes bendites, que consiste en dedica-yos un padrenuesu. Nesti sen, los asturianos de l’ámbitu rural son bien respetuosos coles almes de los antepasaos, y asina, nel aniversariu de la muerte d’una persona, celébrase una fartura nel so honor, nel cual déxase un sitiu vacíu, acutáu pal difuntu.

Na nueche de Difuntos piénsase que les almes salen de l’Otru Mundiu y vuelven por un momentu al mundu de los vivos, a remembrar tiempos pasaos: Asina, siéntanse xuntu al llar (foguera) ya entamen a falar ente ellos. Hai que procurar que la llume’l llar nun sía mui fuerte, pos de lo contrario podría algamalos, y nun se deben dexar puestes les trébedes, pos los difuntos podríen sentase n’elles ya quemase.

Pela nueche tampocu s’hai de barrer, pos con ello espúlsase-yos de la casa, nin tampocopesllar les puertes de sópito, non vaya a ser que manquemos a dalgún espírito que pasara per ellí. Amás, los llabradores dexen a los sos difuntos la so cama por que éstos échense n’ella, ya enllenen tolos calderos y ferreríes d’agua, pa que los muertos puéan beber cuandu pasen al pie de elles.

12116015_893397574114010_6701641752132670981_n

Esta mesma nueche enciéndense pequenes llamparuques, sobre cazueles d’aceite; ya ca una d’elles enciéndese pol ánima d’un difuntu. La primer llamparuca que s’apaga indica que l’alma pola cual encendióse acaba salir del Purgatoriu. Si esti muertu nun precisaba esta lluz por tar yá nel cielu o nel infiernu, la llamparuca ardi pola alma más precisada de les demás.

Polos caleyos tamién analayen los difuntos y muncha xente asitia nes cruces de caminos calabaces güeques con una cara tayá, que representen l’alma d’un muertu. Ye peligrosu salir pela nueche nesta fecha, pos perdayures puede atopase ún cola Güestia, como-yos asocedió a un pescadores de Cuideiru, que vieron dende’l mar a esta fantasmagórica procesión caminar al pie de la mariña.

11058495_893396850780749_6160778783027603473_n12096232_893396787447422_6473394016141424282_n

Na mañana silguiente, les families van al campusantu a visitar a los sos parientes difuntos, a los cualos ufierten una caña de texu, que los va sirvir pa tornar a l’Otru Mundiu. Amás, en munches partes d’Asturies el llabradores nun van trabayar la tierra esti día, por respetu y reverencia a los difuntos.

Semeyes ya illustraciones:

1ª.- Pintura titulada “Filandón del Monesteriu d’Hermo”, fecha por Luís alvarez Catalá’n 1872.

2ª.- Exemplu de xinta pa los espíritos.

3ª y 4ª.- Exemplos de nabos afuraos.

 

DEIDAES ASTURES DE LES AGÜES

Los testos epigráficos atestigüen que la población protohistórica d’Asturies creyía na esistencia de dioses llocales o que, en ciertos llugares, moraben determinaos dioses. La toponimia rexonal enseña, de la mesma, que dicha población hebía divinizáu rígos; ya la mesma toponimia ya’l folclor, qu’asocediera lo mesmo coles fontes ya otros elementos o accidentes naturales. Agora, solamente vamos faer referencia a les augües.

Los celtes, pa espresar l’idega de Dios, emplegaben la mesma pallabra qu’otros pueblos indoeuropeos: griegu (zeos), llatín (deus), celta (deivos). Nes Isles Britániques, en Francia y na Península Ibérica, hai dellos rígos que lleven el nome celta de Dios en femenín, esto ye, que se denominen Deva, pol fechu de que munches corrientes fluviales concebíense como femenines: Narcea, L.lena, Uerna, Dobra, etc.

12115706_887133061407128_4596048707423387822_n

N’Asturies, tamién esisten hidrónimos de la mesma especie: Deva, rígu de l’oriente del país que desaugüa ente Cantabria y Asturies; Deva, regatu de Cuadonga que les sos augües van a parar al Güeña; Deva, antiguu nome d’un regatu de Xixón que pasa per San Salvador de Deva ya desaugüa nel Piles. Hidrónimos que suponen que la población protohistórica, céltica o celtizada, creyía que’l rígu yera una divinidá o que constituyía la so morada.

Ostenta la mesma denominación teonímica céltica un castru marítimu asitiáu al pie de la mariña, frente al términu de Bayes, Castrillón, ente Santa María’l Mar y L’Arena’n Sotu’l Barcu. Ye la Peña de Deva, anque nesti casu, nun ye fácil precisar si la Deva yera la diosa del mar nel que se topa la isla, o la diosa de la isla arrodiada peles augües del mar.

12074956_887132851407149_99051275803308395_n

Tamién los habitantes protohistóricos d’Asturies divinizaben les fontes. La toponimia ya’l folclor rexonal abonden en fontes nomáes de la Xana o, en fontes nes que se cree o creyía que moraba una Xana o Ninfa. Mas, magar, almítese que Xana deriva de Diana, el nome de la diosa romana, yá enantes de la llegada de los romanos les fontes asturianes yeren divines.

Nun esisten testimonios antiguos escritos alrodiu de la divinización prerromana de les fontes asturianes, empero sí de les fontes de Galicia y Portugal onde foron atopaes delles ares dedicáes a la diosa Navia o Nabia, que nun yera otra que la xana o ninfa que moraba nel elementu líquidu del accidente hidrográficu inmediatu, fonte xeneralmente.

12109299_889907171129717_8927082664101799849_n

N’Asturies, amás del rígu Navia, esiste Fonte Navia, llugar de la parroquia de monte, L.luarca; y Bodenaya, esto ye, Bode Naya que ye igual a Fonte Navia (bode “fonte” y Naya “Navia”); ya dalgún otru hidrónimu d’esta especie. Ye lóxicu suponer qu’al igual qu’en Galicia y Portugal, les fontes Navia d’Asturies ya toles fontes polo xeneral, cuntaren coles sos cuerrespuendientes deidáes.

Fonte consultada:

“Antiguos pobladores de Asturias”; Jose Manuel González; Ayalga Ediciones 1978.

Semeyes.

1ª .- Olla de San Vicente nel rigu Dobra – Asturies. Fonte: asturiasenimagenes.com

2ª .- Isla de Deva’n Castrillón – Asturies.

3ª .- A Moira (Diosa Navia), alcuéntrase’n Peña Furada – Coirós – A Coruña – Galicia. Fonte de la semeya: commons.wikimedia.org

 

CASTROS ASTURES: EL CASTELÓN D’EILAO.

El Castelón d’Eilao tien una localización característica d’otros munchos castros de la rexón. Foi instaláu a media fastera sobre un puexu que’l so accesu atayaba un fondu foso escaváu na roca pol que yera obligatoriu transitar p’aportar al núcleu habitáu. Tol so perímetru atópase arrodiáu por una gran muralla qu’algama los 4 m d’altor y ye, probablemente, una de les meyor calteníes.

12122846_888404511279983_2377439712228771411_n

Esta estructura monumental cumplió, al tiempu, les vegaes de aterrazamiento col que se procuraba la superficie llana abonda pal desenvolvimientu de cases y cabanes.

Anque nunca foi escaváu, son delles les construcciones orixinales qu’entá sobresalen sobre’l prau. Tratar d’edificios fabricaos en cayuela, de planta senciella y esquines arrondaes asitiaos sobre la escampada que corona’l xacimientu.

12106692_888404711279963_704997811960325025_n

El castru tuvo habitáu en dómina romana anque ye probable que la so fundación se remonte a la Edá del Fierro (sieglos IV-I a.C.

Fonte consultada: castrosdeasturias.com

Semeyes: castelón d’Eilao; fonte: Parque Histórico del Navia

PLANTES SAGRÁES PA LOS/ES ASTURES: L’ARFUEYU.

L´arfueyu yera una planta considerada máxica pelos antiguos druídes celtes. Teníen el vezu de cortalu´l primer día de lluna nueva y nun podíen facelo con nengún preséu de fierro. Por mor d´ello usaben una foceta d´oru. La planta enxamás podía tocar el suelu y cuando la garraben echábenla nuna sábana blanco. El raigañu d´esta planta enxamás toca la tierra y tampocu se sostién por si mesma nel aire.

12140561_886384714815296_7039515830915505766_n

L´arfueyu más apreciáu pelos antiguos celtes yera´l que medraba nos texos por ser esti´l so árbol sagráu. Esta tradición llega viva hasta los nuestros díes. Muncha xente piensa que, como too, ye una tradición que vien de los EE.UU. y nada más lloñe de la realidá.

12115963_886384791481955_3767510391296160708_n

En Perlora los más vieyos alcuérdense de dir buscar l´arfueyu y ponelu enrriba la puerta. Dalgunos tovía lo faen. El día que había que dir garralu ye´l 13 d´avientu, día de Santa Llucía. Nun ye casualidá que seya´l día de la lluz (Llucía significa lluz).

Ye vezu n´Asturies y en más países cuando llega dalguién a casa da-y dos besos pa recibilu na mesma entrada. D´ehí vien la tradición qu´entemez l´arfueyu y los besos navidiegos.

12079469_886384764815291_6492762038422959385_n

Cuando llegaba´l díi de la foguera de San Xuan tiraben la rama d´arfueyu ya secu al fuéu pa purificar la cá ya les tierres de llabor. Si-yos entrugues por qué lo faen nun te lo saben dicir. La rempuesta más común ye que lo vieron facer a los pás y a los güelos.

TRIBUS ASTURES: LOS BRIGAECINOS.

El territoriu Ástur taba formáu por una serie de tribus. Los Brigaecinos yeren una parcialidá de los ástures augustanos o cismontanos, que la so capital yera Brigecio, Brigaecia o Brigaecium, la so ciudá más importante, qu’apaez mentada mientres el bellum asturicum.(Güei Fuentes del Ropel, cerca de Benavente o Villabrázaro).

Ocupaben la parte más meridional del territoriu Ástur, topándose al oeste del ríu Esla (llamáu Astura), ya’l norte del ríu Dueru.

Conventus_Asturum

Vivíen protexíos polos frondosos montes ya viesques, vivíen en castros, que yeren recintos de cabanes defendíes per una muria. Yeren grupos autosuficientes que nun dependíen de les relaciones con otros castros.

Ente los Brigaecinos la organización ye similar a la de los Zoelas, esto ye, una comunidá qu’en el so interior articula sobre la clase de grupos de calter familiar que son los centros ideolóxicos de desenvolvimientu y caltenimientu en forma de dependencia, capaces de garantizar un control social de la zona.

12112420_886404154813352_1010487707519200183_n

Cola derrota de Viriato ya la conquista de la ciudá de Numancia, los romanos controlen los territorios d’Arévacos, Lusitanos, Vettones ya Vacceos. Los romanos empecipiaron pos la guerra escontra los ástures ya cántabros, al traviés de les cuenques del Pisuerga y el Esla, avanzando escontra les ciudaes d’Astúrica Augusta y Segisama.

Tito Carisio, que viniera con Octavio César Augusto, sometió a los ástures ya invadió’l territoriu comprendíu ente’l Duero ya los montes de Llión y Asturies. Los ástures qu’ellí s’atopaben, entendiendo instintivamente los planes estratéxicos de Carisio, baxen de los montes na primavera ya’n tres columnes dirixiéronse escontra los campamentos romanos del Astura.

12043034_886404241480010_6983490270091742930_n

Hebiera sido una llucha dubidosa ya cruenta, empero los Brigaecinos revelaron al xeneral romanu’l plan que los ástures proponíense desencolcar y’aliáronse con Roma, traicionando’l res de los ástures, xugando un papel importante na victoria romana. Quiciabes actuaron movíos por vengación, pos sufríen incursiones de los ástures del norte.

Fonte consultada: Asociación de astures y romanos de Astorga.

 

CASTROS ASTURES: CASTRU DE PEÑA DE L’HOME.

Castru Peña del Home ye un asentamientu fortificáu típicu prerromanu asitiáu en Paradela de Muces, pedanía perteneciente al conceyu de Priaranza del Bierzo na contorna d’El Bierzo, País Llïonés, al noroeste de la península Ibérica, asitiáu a 1147 msnm d’altitú. Foi descubiertu nel 2003 pol arqueólogu José Courel.

La so construcción puede asitiase ente los sieglos VI – II a.C. La estensión del castru ye aprosimao 700 metros cuadraos.

Castro-Peña-del-Hombre-o-de-Coba-de-Moura-2

La ocupación Astur prerromana del castru foi comprobada al traviés de los afayos arqueolóxicos, atopándose estructures circulares de piedra. En dicha pedanía tamién s’atopó una espada de llingua de carpa enllastrada nuna roca que pudo ser fabricada a finales de l’Edá de Bronce.

Pueden estremase dos grandes árees: el conxuntu defensivu y l’interior del castru. El conxuntu defensivu del castru ta compuestu por un foso, muralla defensiva de 3 metros d’anchu y restos d’una torre circular de gran altor. L’interior del castru, puén constatase viviendes circulares.

Les zones con escavaciones arqueolóxiques nun lleguen al 1% del total de la so estensión y con gran cantidá de maleza.

Interior_del_Castro_de_Paradela_de_Muces

Anterior a la pequena escavación nel interior, el castru foi estudiáu de manera bien aprosimativa por Julio Vidal Encinas y Pablo Rodríguez González estableciendo provisionalmente, una filiación romana, asociáu cola rede hidráulica cercana de suministru a la gran mina de Las Médulas.

El castru foi datáu por un equipu d’arqueólogos de la Xunta de Castiella y Llión en febreru de 2012, encabezada por Jesús Courel. N’esa visita dataron el castru ya la canal romana que pasa por dicha xurisdicción.

Fonte: Wikipedia.

 

ÁRBORES SAGRADOS DE LOS ASTURES: L’ABLANU.

L’Ablanu relaciónase cola sabiduría, coles sierpes, coles tormentes.

Ye mui utilizáu pa confecionar varines máxiques, les cuales empléguense pa combatir a les sierpes velenoses.

OLYMPUS DIGITAL CAMERA

Los conxuros vaqueiros fálennos a menudu de la maldición d’una sierpe de la cual sálvanos l’Ablanu benditu.

635f

Coles cañes d’esti árbol fácense tamién les varilles qu’utilicen los zahoríes, pa guetar pozos d’augüa, y tamién los magos, bruxos y fechiceros, pa remover la marmita máxica ya facer pócimes; la vara fulminante que-y dá’l so poseedor, el Nuberu, mandu sobre les ñubes, tamién ta fecha de maera d’ablanu.

L’ablanu comu l’ablana tamién tién usos abondos dientru de la cultura asturiano cola maera d’ablanu faense céstes, zarros pal ganáu, etc. Coles ablanes faense postres mui variaos o xíntanse tal cual.

haciendo-cestos-artesanales-madera-avellano-asturias-3

TRIBUS ASTURES: LOS CILÚRNIGOS.

Los cilúrnigos yeren astures pertenecientes al clan de los luggones y estos de la mesma, yeren ún de los ventidós pueblos que cita l’escritor llatinu Plinio el Viejo ya que componíen los ástures. Los cilúrnigos vivíen nel actual territoriu de Xixón (Asturies) ya’n concreutu na Campa Torres o’l castru Oppidum Noega.

El so nome, según José Luis Maya González, paez derivar del raigañu célticu “cilurnum”, que traducíu a l’asturianu significaría “calderu” ya que simbólicamente encaxa bien cola dedicación a los trabayos metalúrxicos ya’n concreutu a la fabricación de calderos con remaches, que se sabe facíen nel xacimientu de la Campa Torres.

CASTRO DE NOEGA

El términu tamién puede aludir al remolín d’un ríu o a una zona d’agües aturbolinaes. Esti nome tamién tien proyección nel norte d’Inglaterra, na llínea de fortificaciones romanes conocida como la Muria d’Adriano, onde ún de los sos campamentos, l’actual Chesters, yera conocíu como Cilurnum ya significativamente constituyía nel sieglu II d.C. la sede de la Nala II Asturum, una unidá de caballería d’unos 500 caballeros que tenía de proceder orixinariamente del territoriu ástur.

Na Torre del Reló, muséu que s’atopa en Xixón, más concrétamente nel barriu de Cimadevilla, caltiense una llábana funeraria na qu’apaéz dichu xentiliciu.

350px-Lapida_Cilurnigos

La trescripción de la llábana ye la silguiente:

MEDUGENUS . CESAR ONIS . SIBI . ET . F . RUT ILIO . ANNORVM . XV . EX. GENTTE . CILUR NIGORVM.

Podría traducise por:

Medugeno, fíu de Cesarón, (dedica esta llábana funeraria) pa él ya’l so fíu Rutilio (que finó cuando tenía) quince años d’edá ya pertenecientes a la gens de los Cilúrnigos.

Fonte consultada: Wikipedia.

Semeyes:

1ª .- Illustración de la reconstrucción del Castru Nóega. Fonte: Educastur.

2ª .- Semeya de la llábana funeraria atopá’n Civadevilla – Xixón. Fonte: Wikipedia.