PARTICIPACIÓN DE LA LLIGA CELTA D’ASTURIES NEL FESTIVAL INTERCÉLTICU D’AVILÉS Y COMARCA 2019.

L’asociación cultural Esbardu, creadora y directora del Festival Intercélticu d’Avilés y Comarca púsose’n contactu cola Lliga Celta d’Asturies dellos meses atrás proponiéndonos una collaboración para la realización de delles actividaes a lo llargo de los nueve díes que dura’l festival.

Les actividaes que diseñó, entamó, coordinó, executó y participó la Lliga Celta d’Asturies nesta collaboración col Festival Intercélticu d’Avilés y Comarca fueron, por orde cronolóxicu:

Domingo 21 de xunetu:

A les 18:00h, tuvimos el preste d’entamar y participar na mesa reonda que trató’l celtismu nel Noroeste de la península Ibérica, y que cuntó cola participación de Xan Teixeiro, de la nación celta de Galiza, conocíu especialista en mitoloxía celta polo xeneral y gallega en particular; Gelu, de la nación celta de Cantabria; y yo, Fernán Morán, presidente de la Lliga Celta d’Asturies, en representación de la nación celta d’Asturies.

 

 

 

 

Ca ún de los participantes apurrió la so visión del celtismu y fíxose incidencia na necesidá de realizar más actividaes y buscar mayor implicación de les alministraciones y gobiernos en recuperar nuesa cultura ancestral y la protección del nuesu patrimoniu cultural y natural. Hai que dicir qu’a les persones qu’allegaron al eventu tuvo de resulta-yos interesante porque al momentu d’empezar allegaron como 200 persones a siguir el desenvolvimientu d’esta mesa y lo que nella se dicía, dalgu qu’agradecemos fondéramente.

A les 19:00h del mesmu díi, ficimos una presentación de proyeutu de recuperanza de la llucha celta Baltu que la Lliga Celta d’Asturies ta desenvolviendo dende hai dellos meses. Proyectu empobináu, coordináu y executáu pola Lliga Celta d’Asturies nel que collaboren diverses organizaciones ya instituciones como’l Conseyu Internacional de Lluches Celtes, la Federación Asturiana de Llucha Olímpica y el ximnasiu Ochobre de Xixón, enagora, esperamos dir amestando más xinasios a lo llargo de tol territoriu astur.

 

 

 

 

Esta actividá consistió n’una charra introductoria na que describiose’l proyectu, qué ye’l Baltu y el so percorríu históricu y los oxetivos del proyectu. Esta charra foi impartida pol Secretariu Xeneral del Conseyu Internacional de Lluches Celtes, el gran Antonio Barreñada, y digo grande porque ye un gran home, tantu no profesional como no personal; y por Fernán Morán, presidente de la Lliga Celta d’Asturies y director del proyectu. Taba previstu tamién cuntar cola participación de Enol Fonte Corripio, miembru de la Lliga Celta d’Asturies y Coordinador Executivu d’este proxecto pero por razones ayenes a la so voluntá nun puedo llegar a tiempu al eventu.

 

 

 

 

 

Finando la charra, fiximos una exhibición de la llucha celta Baltu asi como de la llucha celta Aluches na que participaron lluchadores de Llión, l’Asturia Cismontana, y lluchadores asturianos del ximnasiu Ochobre de Xixón, l’Asturia Tresmontana.

 

 

 

 

 

L’ésitu foi apoteósico, llegamos a xuntar ente 400 y 500 persones (datos de l’organización del festival) para sentir la charra y ver l’exhibición ente les que s’atopaben persones de delles nacionalidaes: belgues, bretones, gallegos, cántabros, lleoneses, escoceses, arxentinos, al menos una irlandesa y asturianos…


Foi realmente increible l’interés y aceptación que tuvo ente tolos asistentes. Namá dicivos que si dalgún/a de vosotros/es ta interesáu n’emprincipiar a entrenar llucha celta Baltu, nun tenéis más que ponevos en contautu con nos que vos indicamos ónde dir.

Del llunes 22 al domingu 28 de xunetu:

Hacia les 13:00h participamos de l’inauguración de l’esposición fotográfica qu’entamamos y espunximos n’una sala del Palaciu de Valdecarzana collaborando col Festival Intercélticu d’Avilés y Comarca.

 

 

 

 

 

 

Dicha esposición, ta compuesta por 44 semeyes y estremada en dos secciones complementaries una d’otra. Per un lláu, los trabayos de la fotógrafa amateur Carmen Morán, que trataben el tema de la mitoloxía nes que podíen visualizase elementos mitolóxicos, serenes, cuéllebre, sierpes, cabeces, homes verdes…, en distintos edificios como horros, paneres, ilesies, cases particulares…

 

 

 

 

 

 

Y per otru llau, el trabayu del tamién fotógrafu amateur Manuel Intrago que se centró más na simboloxía solar radial de tipu célticu como Flores Galanes, tetrasqueles, rosetes… Tamién en distintos tipos de construcciones asturianes. Una esposición rialmente interesante que tará visitable de baldre ta’l domingu 28 de xunetu.

 

 

 

 

 

 

 

Intentar resumivos tou esti trabayu y toles esperiencies vivíes a lo llargo de la participación colaborativa y altruista que fiximos col Festival intercélticu d’Avilés y Comarca sedría realmente imposible… namá podemos dicivos que foi una esperiencia prestosa y positiva, y esperamos repitila con otres actividaes nel futuru.

 

 

 

 

 

 

 

Dende la Lliga Celta d’Asturies queremos estimar fondamente a la organización del Festival Intercélticu d’Asturies y Comarca, cuantimás a Xuan y la so encantadora esposa, por ser bonos anfitriones y pensar na Lliga Celta d’Asturies pa l’organización y realización d’estes actividaes dientru del programa del festival; al Conseyu Internacional de Lluches Celtes y, cuantimás a Antonio Barreñada, el so Secretariu Xeneral, el so ciñu y sofitu nesti proyectu según la vuesa disponibilidad con esti proyectu; a el lluchadores lleoneses y asturianos por un trabayu escelentemente fechu y tolo que nos enseñaron sobro’l Baltu y l’Aluche; a Xan Teixeiro y Gelu por venir dende Galiza y Cantabria respectivamente pa participar na mesa redonda sobro’l celtismu nel Noroeste… impagable…; a los fotógrafos Carmen y Manuel pola so xenerosidá y compromisu nel proyectu cola Lliga Celta d’Asturies, sois los/es meyores; a los mios/es compañeros/es de la Lliga Celta d’Asturies que tantu s’esforciaron nesti proyectu como en tantos otros, ensín vueso esfuerzu esto nun hebría sido posible… y de xacíu a toles persones que s’averaron a la carpa del Festival Intercélticu d’Avilés y Contorna y a la sala d’esposiciones del palaciu de Valdecarzana p’asistir o ver les actividaes que con tantu orguyo y pasión diseñamos, entamamos y executamos pa toos vosotoros… ensín vosotros/es na de tou esto tien sen… GRACIES!

Fernán Morán, Presidente de la Lliga Celta d’Asturies.

 

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s