SEMINARIU ETNO-HESTÓRICU N’AREÑES (PILOÑA)

Güei tuvimos el preste de collaborar n’esti seminariu entamáu pola asociación Riu Fontoria y por Maxi na población d’Areñes, nel conceyu Piloña.

Yo fui convidáu pa falar sobro l’antigua capital de los Luggones, Paleontium, y pa ello fice un pequenu percorríu desplicando la división de les tribus celtes del noroeste (Astures, Cántabros y Galaicos); de la división tribal dientru del territoriu que güei ye Asturies; tamién falé de l’etimoloxía del xentiliciu Llugón/es; de les referencies epigráfiques ya bibliográfiques de los Llugones y Paleontium; asina comu de la concordancia de llingüístes y arqueólogos de que paéz que nun hai dubia que l’actural Belonciu yera l’antigua Paleontium, capital de los Lluggoni.

Lluéu, el gran Bertu Peña, miembru de la Fundación Belenos, faló sobre la diadema de Moñes; fizo una comparanza perprestosa de lo que ta representáu na diadema de Moñes colo qu’aprúz nel calderu de Gundestrup perinteresante; apurrionos información perimportante sobre nueves pieces que puen amestase al tesoru de Moñes; tamién comentonos de pieces llavianeses y ayeranes… en fín, comu suel ser vezu nes charres con Bertu, un braeru compendiu sabiduría espresáu del mou más afayaízu y prestosu posible.

La xente paeció pasalo bien mientres les dos charres, amuesaron interés ya ficieron munches entrugues, tuvu perbién.

Munches gracies a l’asociación Riu Fontoria, a Maxi, a tola xente qu’averose a sentinos y al pueblu piloñés d’Areñes por cuntar cola Lliga Celta d’Asturies pa les actividaes culturales de vueso, siempres ye un placer pa nos collaborar en toes elles.

Un abrazu candial,

Fernán Morán, presidente de la Lliga Celta d’Asturies

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s