TRADICIONES ASTURIANES: L’AMAGÜESTU.

Tamos n’ochobre, tiempu de castañes ya sidre dulce, acompánganos el Vientu les Castañes y, comu ca añu, apetéznos cellebrar l’amagüestu, fiesta que suel cellebrase la Nueche d’Animes o a lo llargo la primer quincena payares. N’esta folixa pagana y arcana, axuntámonos los ásturianos y asturianes cola familia y la mocedá a xintar castañes asaes, sorber sidre dulce, cuntar hestories, bailar la Danza Prima ya’l Ríu Verdi… ye una cellebración bien prestosa y cargao de sinificau pa tolos celtes.

L’amagüestu ye una cellebración pagana, nun se tien conocencia esauta del aniciu de so emperu ye lo bastante antiguú comu pa que piérdase na Nueche los Tiempos.

Esti ritu ta venceyau a la Nueche d’Animes o Dií de Difuntos ya que presuponse que la castaña ye’l símbolu de l’alma los difuntos asina que por ca castaña que xíntase nel amagüestu un alma ye lliberao del Purgatoriu.

Yendo más atrás nel tiempu, tamién ye notoriu que tien un claru venceyu cola cultura celta, ya que, non en pocos sitios, Asturies incluyía, l’amagüestu, cellebrase l’unu payares, conocida cellebración céltica ya que’l mundiu féericu ya’l terrenal conéctense ya nel que rendimos homenax y respetu a nuesos muertos y cellebrase l’Añu Nuevu celta. De fechu, nun hai munchu tiempu atrás, quiciabes entovía n’algunes aldegues asturianes, mientres facíase l’amagüestu na Nueche d’Animes, tirábense delles castañes a l’aire ya dicíase: “¡Esto ye pa que xinten los difuntos!”

Tampocu hai qu’escaecer qu’esta cellebración faese tamién n’otres fasteres casi de toa Uropa y caltien distintos nomes ensegún seya’l sitiu de cellebración: magosto, magüestu, amagosto,  etc. Nel Noroeste de la península, ye mui común en toles  naciones celtes: País Llionés, Cantabria, Galiza, Norte’n Portugal y nosotros, comu nun podría ser d’otru xeitu.

Autor:

Fernán Morán, Presidente de la Lliga Celta d’Asturies

Semeyes:

1.- Bodegón asturianu. Autora: M. Aurora.

2ª.- Amagüestu. Fonte: Turismo de Asturias. Autor/a. desconocíu/a.

3ª.- Amagüestu cola mocedá. Fonte: LNE. Autor/a: desconocíu/a.

Vídios:

1ª.- Danza Prima. Productora de Programas del Principado. Dirixíu por Francisco Orejas y montau por Nacho Salgado. Fonte: YouTube.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google+ photo

Estás comentando usando tu cuenta de Google+. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s