XENÉTICA ASTURIANA: LOS MARCADORES XENÉTICOS.

Un estudiu realizáu sobro polimorfismos de HLA y ADN nuna amuesa de 117 asturianos/es nun da diferencies significaes a nivel alélicu con poblaciones peninsulares nin tampocu europees, inda cuandu atopáronse ciertes diverxencies pal alelu HUMTHO1, ente asturianos y otres poblaciones peninsulares (Marcu y col. 1992).

Más valor significativu tienen los estudios de marcaores xenéticos estudiaos del HLA a nivel d’haplotipos. Ente los haplotipos presentes na población asturiana, el dominante ye l’AH7.1(HLA-A3/B7/DR15), que ye bien frecuente asina mesmu en Galicia, nel sur de Gran Bretaña y n’Irlanda; l’AH44.2, propiu de les rexones atlántiques; l’AH18.1 habitual nel mediterráneu y l’AH8.1, frecuente en rexones centroeuropees y Escandinavia. Otros halotipos, como’l formáu por HLA-A11/B27/DR1, típicu de la población vasca ye, asina mesmu, relativamente frecuente n’Asturies. Otros marcadores del ADN non tan polimorficos como l’anterior indiquen una distribución similar, inda cuando non tan marcada como nel casu del HLA. Un estudiu realizáu con 5 STR amuesa una distribución n’Asturies similar a la publicada por Carracedo y cols. na población gallega (A. López, 2004).

La coicidencia del haplotipo dominante AH/.1(HLA-A3/B7/DR15) n’Asturies y les sos altes frecuencies, asina mesmu, en Galicia, Irlanda y sur de Gran Bretaña, paez indicar un grau de comunicación ya intercambiu xenéticu en dicha área coincidente con un soporte cultural celta, entá cuando esta unidá cultural non necesariamente porta una unidá racial y sería precisu esquizar antes lo qu’asocede con otros munchos marcadores. Les resultancies espuestes nesti sistema HLA y del ADN paecen confirmar lo dicho enantes sobro’l sustratu heteroxéneo asturianu.

Fonte:

“Los Asturianos. Raíces culturales y sociales de una identidad: Bases bioantropológicas de Asturias: polimorfismos sanguíneos en la población de Asturias; Pedro Gómez Gómez, Uviéu 2005.

Torna l’asturianu:

Fernán Morán.

Illustraciones y semeyes:

1ª.- Doble hélice d’ADN. Fonte: Google.

2ª.- “Tree of Life”. Autor: Payton Mackenzie.

 

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s