TRIBUS CELTES D’ASTURIES: ORGENOMESCOS.

Los Orgenomescos, acordies con la documentación de los escritores antiguús ya’l campu epigráficu (epitafios xeneralmente) de les inscripciones de la zona, eríxese n’unu los grupos más destacaos de los cántabros: d’esta manera, ente que Mela los emplaza nes riberes del Nansa (Chorographia 3.15), la documentación plinaria asínayos el puertu de Veseiasueca, axurando que na mariña occidental de los mesmos taben establecíos inmediatamente dempués los ástures (Hestoria natural 4.20.111).

Al traviés de los documentos epigráficos llatinos ye posible confirmar l’espansión territorial de los orgenomescos a unu ya otru llau del rígu Sella, como documentenlo les llábanes funeraries descubiertes nes llocalidaes de Fuentes y Cofiñu cuerrepondientes dambes al conceyu de Parres.

La inscripción de Cofiñu foi topada nes faldes del Sueve (por tantu al marxe manzorgu’l Sella), ente que la de Fuentes, que caltiense n’estáu estazáu, afáyaríase a finales del sieglu pasáu, siendo Francisco diego Santos quien atópala de nuéu nel añu 1956.

Nesti sen ensin dulda el documentu más evidente de la so presencia na franxa mariniega del oriente d’Asturies sedría l’inscripción sepulcral topada en Torrevega (Llanes) y dedicada a Accuana, fía d’Accio, ciudadanu orgenomescu.

A esti respectu sabemos que’l corpus epigráfico de la área orgenomesca esparderíase’n territoriu asturianu, siempres en zones prósimes a la mariña cantábrica, dende’l conceyu de Llanes (amás del epígrafe de Torrevega, hemos d’añedir otru más topáu en Posada) hasta’l de Parres (llábana de Cofiñu, Collía y Fuentes) pasando por pol de Ribesella (inscripción funeraria de Forniellu).

Agora bien, si tomamos como puntu de referencia los enclaves en qu’afayaronse los restos epigráficos del territoriu asturianu (toos ellos funerarios, nos que puede lleese con claridá casi meridana l’epitafiu de ca ún de los difuntos), ye posible concretar l’área d’ocupación de la población cántabra de los orgenomescos nel oriente d’Asturies na dómina prerromana.

D’ellos paez esprendese qu’en realidá la corriente fluvial constituyida pol Sella nun constituyiría (nin en dómina prerromana nin romana), la frontera separtadora ente cántabros y ástures, pusto que’l grupu de los orgenomescos habitaría dambes marxes d’esta corriente fluvial ta les sierres del Sueve y del Fito (espardiéndose pola mariña ta’l conceyu Caravia).

De la mesma manera les sos llendes xeográfiques escontra l’interior, en concretu escontra’l territoriu los vadinienses, nun paez tar bien definíu siempres, sacantes que consideremos que les relaciones ente dambes poblaciones sedríen intenses dende tiempos ancestrales (ver como exemplu la làpida funeraria topada en Llenin (nel conceyu de Cangues d’Onís), perteneciente a Domicio Flavio, (ciudadanu) orgenomesco, a quien la dedica la so muyer Anna Dovidena, (ciudadana) vadiniense.

Fonte:

“Asturias, los astures y la cultura castreña”; Narciso Santos Yanguas; Ed. KRK Ediciones 2006

Torna l’asturianu:

Fernán Morán.

Semeyes:

1ª.- Mapa de les poblaciones celtes nel norte la península Ibérica. Fonte: Google. Autor/a: desconocíu/a.

2ª.- Llábana funeraria dedicao a Accuana, fía d’Accio (organomescu). Atopao’n Torrevega, conceyu Llanes, Asturies.

3ª.- Llábana funeraria de S. Corcia dedicao a la so mía Ama Celionica del clan de los Plenios, atopao ente Cofiño y la cordalera’l Sueve, Asturies. Fonte: diariu El Fielato.

4ª.- Estela funieraria del ciudadanu orgenomescu Domicio Flavio didicau a la so muyer Anna Dovidena (ciudadana vadiniense). Atopada’n Llenin, conceyu Cangues d’Onís, Asturies.

 

 

 

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s