TRIBUS CELTES D’ASTURIES: LUGGONES.

Pela so parte la población de los lungones o luggones apaez reseñada de forma esplícita nes fontes lliteraries por primer vegada yá nel sieglu II d.C., en concretu nes tables xeográficu-históriques de Ptolomeo, daquién-yos asigna como centru capital Paleontium, que suel identificase como Beloncio, población actual prósima a L’Infiestu (Piloña).

La cronoloxía d’esti documentu epigráfico ye temprana (sieglu I d.C.), pudiendo cuerresponder a un momentu nel que los conventus iuridici yá fueren puestos en funcionamientu de forma espreso pol Estáu romanu, si ye que nun coincide igualmente cola dómina na que les comunidaes indíxenes del norte peninsular, o siquier dalgunes d’elles, empezaren yá a entamase como civitates.

 

De la mesma manera, na localidá de Grases (Villaviciosa) disponemos d’un ara votiva, na que documentase la presencia de los luggoni arganticaeni; el segundu de los componentes de dichu nome (arganticaeni) paez rellacionase direutamente cola población actual d’Argadenes, allugada nes prosimidaes del llugar del afayu y caltenimientu del documentu’n cuestión.

Llugones y Lugo de Llanera, derivaos ensin dulda del xentiliciu  la población prerromana de los luggoni, según cola divinidá conocida en tiempos prerromanos como Lug. Igualmente en dómina antigua’l so centru alministrativu, Lucus Asturum, mentada por Ptolomeo nel sieglu II d.C., paez venir del mesmu raigañu amestándose tamién la capital del conventus lucensis, Lucus Augusti.

Sicasí, los luggones d’Asturies nun constitúin la única población d’esta denominación, cuidao que na rexón lleonesa puede constatase tamién la so presencia: dos documentos epigráficos (termini pratorum) correspondientes a tiempos de Claudio, atopaos nel valle del Duerna lleonés, sirviríen para delimitar los campos pertenecientes a la cohorte IIII de los galos del territoriu propiu de la civitas de los luggoni. Asina pos ¿constituyiríen los luggones d’Asturies una avanzadura en dirección la mariña cantábrica o la yeren los de la rexón lleonesa con al respectu d’ellos?

Los documentos epigráficos nel so conxuntu inciden nel fechu de que los luggoni taríen allugaos a entrambos llaos del Cordal Cantábricu, al igual qu’asocedía, por casu, colos ástures, de los que formaben una parte, y colos cántabros vadinienses, a quien tendríen como vecinos.

Desconocemos, sicasí, si esa situación cuerrespuende yá a l’etapa prerromana de la so esistencia o más bien obedez a delles alteraciones y cambeos producíos tres los años d’anexón de la zona y a la consiguiente reestructuración del espaciu xeográficu y les poblaciones qu’habitabenla.

En realidad todo apunta a que’l grupu de población asitiáu en territoriu de Llión pudo selo de resultes de la política de pacificación y establecimientu nel llanu llevada a cabu pola alministración romana colos pueblos montañeses nos años inmediatos a la conquista del norte peninsular (Floro, Compendiu d’hestoria romana 2.33.59), ensin escluyir l’aprovechamientu de les sos conocencies mineres como móvil qu’intervendría nel so treslláu.

Por ello ye posible pensar que, en dómina prerromana, los luggones ocuparíen cuandoquier la franxa mariniega que va dende la cuenca del Sella al centru de la nación asturiana, teniendo como vecinos a los cántabros vadinienses.

Agora bien, una vegada remataes les guerres ástur-cántabres, una parte d’estes poblaciones de les estribaciones montañeses veríase obligada, acordies con el mandatu d’Augusto, a abandonar el so tradicional llugar de residencia y establecese’n zones llanes.

A un mesmu tiempu entamaría’l marcu alministrativu correspondiente a dicha población (la civitas luggonum), que’l so territoriu, al igual qu’asocedería con al respective de la civitas Beduniensium, toparíase allegante a los prata correspondientes a la cohorte IIII de los galos, que’l so campamentu paez tar allugáu nes proximidaes de la civitas Beduniensium (en redol a La Bañeza). D’esta manera’l restu del populus, que posiblemente siguiría siendo mayoritariu, siguiría ocupando’l so primitivu territoriu al norte del Cordal Cantábricu, teniendo como núcleu alministrativu y económicu la capital mentada por Ptolomeo (Paleontium), a la que l’alministración romana convirtiera nel centru capital de la civitas.

Fonte:

“Asturias, los astures y la cultura castreña”; Narciso Santos Yanguas; Ed. KRK Ediciones 2006

Torma a l’asturianu:

Fernán Morán

Illustraciones y semeyes:

1ª: Mapa de les tribus celtes prerromanes n’Asturies. Fonte: Wikipedia.

2ª.- Semeya de la llábana de los Luggoni Arganicaeni atopada’n Grases, nel conceyu Villaviciosa. Autor: Xurde Morán.

3ª.- Estatuilla’l dios célticu Lug. Fonte: Google. Autor/a. desconocíu7a.

4ª.- Dibuxu d’un Ástur. Fonte: Educastur.

 

 

 

 

 

 

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s