TRIBUS CELTES D’ASTURIES: LOS PÉSICOS.

Los primeres d’ellos, si tenemos presentes les indicaciones plintinianas al respeutu (Hestoria natural 4.20.111), amás d’afirmar la so configuración como ún de los grupos humanos más significativos de los ástures, habría qu’allugalos, acordies con la so descripción de la mariña cantábrica, al occidente d’una península del territoriu de los ástures, qu’ensin dulda correspuende col cabu Torres (Campa Torres) en Xixón.

De la mesma manera Ptolomeo allúgalos ensin más ente los galaicos lucenses y los cántabros, atribuyéndo-yos na franxa costera la desagüaura’l ríu Nalón y a’l centru urbanu de Flavium Avia = Flavionavia, que con toa probabilidá hemos d’emplazar na zona Pravia, y más en concretu’n Satianes de Pravia.  L’alusión que Pomponio Mela fai d’ellos (Chorographia 3.28) nun igua los problemes de l’identificación ptolemaica sobro la so situación xeográfica; esa estensión territorial tan amplia que-yos asigna (especialmente na mariña costera) paez correxise al traviés de l’inscripción topada en Arganza (Tinéu), que mos dexa acotar la presencia en dichu suelu de la capitalidad (civitas) de los pésicos.

A esti respectu sabemos que, nuna fase avanzada de l’Antigüedá, el primitivu centru fortificáu de Arganza identificar col asentamientu de la casona o ciudá de Passicin, siguiendo ensin dulda desencolcando les funciones propies de núcleu alministrativu de los pésicos.

Teniendo presentes diches indicaciones, esti grupu de los ástures alcuéntrase dende’l Navia (o Esva-Canero) ta Xixón pola mariña, ente que pel interior habitaríen el suelu qu’estiendese ta’l conceyu cangués, ocupando dambes marxes del ríu Narcea y los sos respeutivos afluentes.

D’esta miente ocuparíen prioritariamente el territoriu que na actualidá pertenez a los conceyos de Somiedu, Miranda, Cangas, Ayande, Tinéu y Salas, calteniendo amás la so denominación orixinaria nel intre de los sieglos visgodos y ta bien avanzada la dómina medieval.

Igualmente ye posible constatar la so presencia na documentación numismática de dómina visigoda: tantu n’una pieza d’oru, que la so emisión correspuende a Sisebuto, como nel triente acuñáu con anterioridá en tiempos del so predecesor Gundemaro, amuésasenos la ceca d’emisión Pésicos.

Pero ye que, amás de la forma Passicin con que paez documentarnos l’Anónimu de Rávena el centru políticu-alministrativu de dicha población, que respondería posi-blemente al ablativu Passicis o Paesicis de los Itinerarios antiguos, los pésicos (y/o la so capital Pesicos) apaecen mentaos so otres denominaciones.

Ye’l casu, ente otros, de Pesicoe na relación de poblaciones correspondiente al concilio celebráu en Llugo nel añu 569, na qu’inclúyense les ilesies asignaes al obispu d’Astorga.
Inclusive nuna dómina inda más avanzada (del sieglu VIII al XII por causa de la indeterminación qu’acompanga a la fecha de redaición de dichu documentu) ye posible descubrir una trescripción, posiblemente errónea, d’este mesmu términu na Hitación de Wamba, onde apaez reflexáu como Pericoe.

Nos sieglos medievales, al traviés de la documentación diplomática, tornaremos atopanos referencies a dicha población (o bien la so capital, o quiciabes al territoriu ocupau y esplotau por ella) n’una serie de testos que  fechense dende’l sieglu IX al XIII.
D’ente ellos vamos destacar, como xuno de los exemplos más significativos, el fecháu nel añu 1031, onde puede lleese: “In territoriu Asturiense, in valle que dicunt pesiccis, super Alveos decurrentes Narceija er Luigna”, colo qu’un ampliu grupu de los pésicos toparíase allugáu nel territoriu de Cangas, yá que tanto’l ríu Narcea como’l Luiña (Naviegu) constitúin corrientes fluviales que tienen la so nacencia y percorríu nel mentáu conceyu.

Amás, nun tenemos d’escaecer qu’esti espaciu xeográficu coincide en gran midida cola área del asturianu occidental, distintu del asturianu central y de la “fala” del occidente asturianu.

Fonte:

“Asturias, los astures y la cultura castreña”; Narciso Santos Yanguas; Ed. KRK Ediciones 2006

Torna l’asturianu:

Fernán Morán

Semeyes ya illustraciones.

1ª.- Mapa de les poblaciones prerromanes d’Asturies.  Fonte: Wikiwand.

2ª.- Moneda d’oru de Sisebuto, muertu nel 621d.C.  Fonte: Numismático digital.

3ª.- Guerreru Astur.  Fonte: Educastur

 

 

 

 

 

 

 

 

 

 

Anuncios

Un comentario en “TRIBUS CELTES D’ASTURIES: LOS PÉSICOS.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s