ECONOMÍA DE LOS ÁSTURES TRESMONTANOS NA EDÁ DEL FIERRU.

Introdución:

De toos ye conocíu que les fontes clásiques falen de los astures, cántabros y galaicos dando una visión mui pocu rialista de la sociedá ya economía de lo qu’ellos nomaben: los pueblos del norte. Ensegún les fontes clásiques, sobro too lo escritu por Estrabón na obra de so titulao Geographica, nel párrafu III, 7, 3, podemos entresacar estes llínies cuando intenta describinos:

[…] Tolos montañeses son austeros, de vezu beben augüa […] Xinten principalmente chivos...[…] Los montañeses, durante dos tercios del añu, xinten bellotes d’encina, dexándoles secar, esmagáyenles y faen con ello un pan que consérvase tiempu […] Conocen la cerveza. El vinu bebénlu n’escases vegaes […] Usen manteca en cunta d’aceite […].

En síntesis, ensegún les fontes clásiques, los ástures somos bárbaros de costumes simples y pocu “civilizaes”. Nada más lloñe de la rialidá, nos prósimos párrafos intentaré amuesavos unes pincelaes de comu yeren les actividaes económiques d’agricultura, ganadería, caza, marisqueu, metalurxia y comerciu de los ástures tresmontanos.

Agricultura y recoleición:

Dientro del contestu ideolóxicu yá descritu, atribuyese a los bárbaros como los ástures una eficiencia económica amenorgada, lo que lleva a minusvalorar la so capacidá agrícola, resaltando cómo inda la recueya de frutos monteses yera un mediu esencial p’aprovise d’alimentos. En concreutu, resáltase la dependencia de les abiyotes, que yeren panificables, y podríamos añedir a estos frutos les ablanes, les nueces y les castañes.

escada-de-asturias

En realidá, detrás d’esti aparente retrasu suelen despintase factores como’l clima o l’escasa calidá del suelu en relación colos cultivos entós conocíos, causes habituales de l’inesistencia d’una agricultura eficiente. A pesar d’ello, l’agricultura esistió, siquier de cerealies como’l trigu (escanda) y la cebada, asina comu de diverses lleguminoses (arbeyos). Arriendes d’ello, nun ye d’estrañar que toa una serie de preseos agrícoles atestigüen les práctiques agrícoles como les focetes de Caravia, la rexa d’aráu de Llendecastiello en L.luarca, o’l podón de la fastera ya de Llión.

Ganadería y caza:

Los problemes qu’esistíen sobro la rentabilidá agrícola nun van poder transponese al mundiu ganaeru. La ganadería yera una de les claves de la prosperidá de los ástures, ya pesar de qu’Estrabón cite a les cabres y los caballos, sabemos la so bayura’n vaques, oveyes y gochos, complementando ya inclusive superando’n númberu daquellos animales. Con una cabana tan variao, el rendimientu de los recursos ganaeros yera abondosu y diversificáu, y nun se llindaba a cencielles al aprovechamientu de carne y productos secundarios como lleche, quesos, pieles, llana o cueros.

[#Beginning of Shooting Data Section] Nikon D1X 2004/10/29 10:07:10.1 RAW (12 bits) Tama–o de la imagen: Grande (3008 x 1960) Color Objetivo: 28-85 mm f/3.5-4.5 Longitud Focal: 66 mm Modo de exposici—n: Prioridad a la apertura Modo de medici—n: Multipatr—n 1/60 seg. - f/5.6 Compensaci—n de exposici—n: 0 EV Sensibilidad: ISO 125 Balance de blanco: Luz del sol directa Modo de AF: AF-C Comp. de tono: Normal Modo de sincronizaci—n del flash: Cortina anterior Modo de autom‡tica de flash: Manual Modo del color: Modo I (sRGB) Ajuste de tono: 0¡ Nitidez: Normal Reducci—n de ruido: Coment de imagen: [#End of Shooting Data Section]

Tamién los caballos pudieron xuncise a carretes pero’l so papel esencial, al marxe de que fora consumíu en banquetes o ceremonies sacrificiales, foi sirvir de montura a soldaos, pastores y otros xinetes. Les diademes asturianes con xinetes son una bona preba d’ello y sonlo tamién les diverses cinches de caballu, como frenos metálicos y pieces de grupera, al estilu de les apaecíes na cova de Pueblu Baxu de Lledíes.

berradona11

La caza sicasí dexa escasos testimonios materiales, a nun ser los mesmos güesos de les pieces (xabalinos, venaos, corciu, coneyu, aves, bardión y llobu), pero la confección de mangos d’estil de venáu y otros preseos asemeyaos prueben la so práctica y aprovechamientu secundariu.

Pesca y marisqueu:

Siendo’l ámbitu ástur trasmontano, esto ye, l’encaxáu ente’l Mar Celta y el cordal Cantábricu, un sector con una importante franxa costera, ye lóxicu que los castros mariniegos, y en menor midía otros más interiores, fixeren de la pesca y la recoyida moluscos marinos un complementu de la dieta alimenticia de so. La pesca exercióse esencialmente sobro especies de cantil y sablera, pero nun pué refugase tamién que ficiérase dende pequenes embarcaciones de maera y cueru, como les que menta Estrabón.

lapas

Desconocemos bona parte de les artes emplegaes y, anque ye de suponer l’esistencia de redes enterriaes por aciu peses de piedra, escarecemos d’elles ta la fecha nos castros ástures. Nun asocede igual cola pesca por aciu caña, de la que se mos caltuvieron numberosos anzuelos, de pala plana o torcía sobre sí mesma, en Caravia y Campa Torres. Quiciabes tamién usabense arponcillos, yá qu’apaeció unu nel castru de Mohías. De la preba’l marisquéu, la meyor preba d’ello ye la presencia de numberosos concheros en dellos castros ástures.

La metalurxia:

Otru elementu que tuvu gran importancia pal desenvolvimientu económicu de los ástures foi la so privilexada posesión de materies minerales (cobre, estañu, fierru, oru y chombu), nun momentu en que inauguraronse primeramente circuitos de llarga distancia, con cuenta de comercializar productos metalúrxicos.

fibula-en-omega_0

En concretu, la zona central d’Asturies equidistaba de los xacimientos auríferos y estanníferos occidentales y de los cupríferos del centru-orientales de la nación ástur. Si a ello amestamos-y que Galicia yera rica n’estañu y deficitaria’n cobre, y qu’estos postreros minerales yeren abundantísimos n’Andalucía, baxu control púnicu, entiéndese l’importancia del territoriu ástur como fonte alternativa de suministru. A estes ventayes añádese l’esistencia d’una enraigonao tradición minera, que remontábase a entamos de l’Edá del Bronce, y la posibilidá d’esportación per vía marítima.

peine-_0

Ca vegada se fai más ostensible l’importancia de la metalurxa, cuantimás del bronce, n’abondos castros del territoriu ástur, visible nos afayos de crisoles de fundición, moldes, toberas, restos de vasixes-fornu, llárimes y escories qu’abonden peruquier y que sirvieron pa la fabricación de preseos (aguyes, anzuelos, puntes de llanza, etc) y oxetos d’adornu (aníos, collares, plaques, fíbulas, etc).

tesoro-de-cangas-de-onis

El fierru, que les sos vetes son frecuentisimes na xeografía asturiana, encauzose prefechamente a la fabricación d’instrumentos d’usu agrícola o militar; y l’orfebrería, que nun vamos tratar equí a xeitu, aprovechaba l’oru aluvial estrayíu con batea de los cauces de los rígus occidentales, sirviendo pa fabricar en metal noble pieces asemeyaes a les que producíense tamién en bronce.

El comerciu:

El mar foi un elementu de comunicación y prosperidá de la sociedá ástur, siquier dende’l Bronce Final.

Al comerciu indíxena ente los Finisterres atlánticos siguió, mientres la Edá del Fierro (VI-I a.C.) el comerciu púnicu primeru y el romanu dempués. Mientres una primer fase que podríamos asitiar ente los sieglos VI-III a.C., apaecen dellos oxetos superfluos pa una economía de primera necesidá: cerámica púnica y griega, cuentes de collar en pasta vítreo, etc., que tienen de cuerresponder a importaciones que sirvieren como pagu o contrapartida a productos indíxenes (metales sobremanera, pieles, etc). Más tardi, mientres los sieglos III-I a.C. son otros los indicaores d’esi comerciu, qu’agora paecen unvianos a los romanos como comerciantes: ánfores vinaries, cerámiques campanienses,  y nuevamente bisutería’n pasta vítreo.

Toos estos oxetos dexáronnos trazar les traces esenciales del periodu prerromanu, parte los cualos va perdurar na fase siguiente, anque sía necesariu pormenorizar delles de les más importantes tresformaciones xeneraes na sociedá ástur pola ocupación romana.

Conclusiones:

Visto too esto, ye abegosu pensar nos ástures comu’n pueblu bárbaru ensín “civilizar”. Creyo que ta nidiu que los ástures yeren eficientes en términos agrarios, ganaeros y pesqueros, lo que-yos proporcionaba cuntar con un pueblu sanu, bien alimentau y fuerte; amás el nun tener que dedicase tola población a la xera d’amalgar alimentu, permitió desencolcar técniques mineres, metalurxiques, cerámiques, etc que-yos permitiron abondar la so bayura nun solu cultural ensinón tamién material.

Too esto ensín afondar na estructura social, que yera abondu complexa y xerárquica, les sos lleis, la so división territorial, la so llingua y la so relixión… en definitiva, los ástures yéramos y somos un gran pueblu, na más lloñe de la visión que proporcionaben los clásicos, munches vegaes d’oyíes, de lo que yera nuesu pueblu ya les sos costumes.

Fonte:

Introdución y conclusiones: Fernán Morán, Presidente de la Lliga Celta d’Asturies.

Testu: “La cultura mobiliar de los Astures”; José Luís Moya (Universidad de Barcelona) y Francisco Cuesta (arqueólogu’l castru Campa Torres de Xixón – Asturies); Astvures, Gran Enciclopedia Asturiana, Xixón – 1995.

Torna a l’asturianu:

Fernán Morán.

Illustraciones y semeyes:

1ª.- Escanda asturiana Autor/a. desconocíu. Fonte: Saboreando Asturias.

2ª.- Venau n’Asturies. Autor: Héctor Ruíz. Fonte: blog Zona Osera.

3ª.- Llámpares asturianes. Fonte: Google.

4ª.- Fíbula en omega. Atopao’n Caravia. Angüañu nel Museu Arqueolóxicu d’Asturies.

5ª.- Peine atopau nel castru Cellagú – Uviéu. Angüañu nel Museu Arqueolóxicu d’Asturies.

6ª.- Torqueses del Tesoru Cangues d’Onís. Fonte: google. Autor/a: desconocíu.

 

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s