ASTURES: MITU Y RIALIDAES DE COMU YÉRAMOS

“Toos el montañeses faen una vida cenciella, bebiendo augua, durmiendu nel suelu y llevando’l pelu llargu como les muyeres… Tomen les xintes de sos sentaos, faciendo alredor de la paré bancos de piedres. La comida sirvese’n xiru. Mientres hai bébora y folixa baillen en corru acompangaos polos xiblatos  o tamién faciendo saltos y genuflexiones… Toos lleven xeneralmente capes prietes y durmen sobre payes envolubraos nelles. Les muyeres lleven sayos y vistíos con adornu floral. Usen recipientes de maera, como los celtes…, espeñen a los condergaos a muerte ya los parricíes apedrenlos fora la ciudá o de la llende… Ponen a los enfermos al pie de los caminos, como fixeron los exipcios nel pasáu, con cunta de consultar a los viaxeros qu’hebieren pasau una mal paecencia asemeyao. El so sal ye acoloratao, empero machucada vuélvese blanca. Tala ye la vida de los montañeses, esto ye, como dixi de los pueblos qu’ocupen el llau septentrional d’Iberia: los Galaicos y Ástures y Cántabros ta los Vasconos y el Pirinéu. Yá que ye idéntica la vida de toos ellos… El calter incultu y selvaxe d’aquellos pueblos desplícase non yá pola vida guerrera de so, sinón tamién pola so situación apartada… Tamién el territoriu de dalgunos cola so probeza y los sos montes, tuvu d’aumentar tal falta de cultura. Naide va dicir que viven con aséu los que llavense con orina, que caltiense empodrecío’n tinaxes y coles qu’enxabonen los dientes ellos y les sos muyeres, como se diz tamién de los Cántabros y los sos vecinos. Esto y dormir nel suelu ye mesmu tantu de los Íberos como de los Celtes.”

Estrabón. Xeografía, 3, 3, 7 y 8.

La visión que dábase dende’l mundu clásicu de los pueblos indíxenes invadíos solía ser parcial y tendenciosa. A midía que les costumes camuden y allóñense de les romanes, calificaben a una sociedá de bárbara y pocu civilizada. Esta idega déxase tresllucir nos trataos de los escritores clásicos, daquien sorrayen l’inferioridá cultural d’aquellos modelos de vida’n comparanza col de Roma.

2010-10-28_img_2010-10-21_01-34-00__5123748

Rescampla qu’eses versiones, un tantu colonialistes, despintaben un mundu muncho más ricu y complexu que’l reflexáu nes visiones de los vencedores.

am-felicisimo

Como amuesa podríamos poner l’exemplu del propiu cuidu personal, que per una parte repárase nos innumberables oxetos d’adornu y complementos qu’apreciense nel vistíu (fíbulas, diademes, plaques de petrina, gabites, collares, brazaletes) y, por otra, nos preseos que dexen facenos una idega de les mesmes atenciones que los ástures prodigaben al so propiu cuerpu. Nesti sentíu, hebría qu’interpretar l’habitual apaición de pinces de depilar en San Chuís d’Ayande y la Campa Torres, el peñe decoráu d’esti castru o les navayes d’afaitar del mesmu y de Caravia.

Fonte:

“ASTVRES, – la cultura mobiliar de los astures-“;Jose Luís Maya (Universidad de Euskal Herría) y Francisco Cuesta (Arqueólogu del Parque Campa Torres de Xixón);Edita Asociación Astures – Gran Enciclopedia Asturiana 1995.

Torna a l’asturianu:

Fernán Morán.

Semeyes:

1ª.- Torqueses d’oru del nomau Tesoru de Cangues d’Onís (s. III a.C.), atopáu en Cangues d’Onís – Asturies. Fonte: Diariu LNE.

2ª.- Brazalete espiraliforme del Tesoru d’Arrabalde (s. II-I a. C.), atopau n’Arrabalde, Zamora – País Llionés. Autor: A. M. Felicísimo.

 

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s