EL GANAU DE TUERU CÉLTICU YA LA SO CUERRESPONDENCIA COL D’OTRES NACIONES CELTES: EL PONY CELTA ASTURCÓN.

Tradicionalmente encetóse esta idega dende un enfotu humanísticu, esto ye, dende’l puntu de vista de l’Hestoria ya l’antropoloxía cultural. Nel presente artículu, sicasí, pretende encetase la cuestión dende un puntu de vista científicu, y complementariu de l’antropoloxía biolóxica emplegáu, ente otros, pol profesor de xenética humana de la Universidá de Oxford, el Dr. Bryan Sykes.

Mark Evans with Professor Bryan Sykes.

Sykes y el so equipu, recoyeron amueses d’ADN a 10.000 voluntarios en Gales, Irlanda y Escocia y escoyeron un grupu de marcadores xenéticos característicos d’estes poblaciones que considerense celtes ensegún criterios hestóricos, culturales y llingüísticos. Estos marcadores xenéticos compararonse colos d’otres poblaciones europees, al envís de xenerar un mapa del orígen ya evolución histórica de les poblaciones celtes. Una de les conclusiones d’esti estudiu foi que los celtes de les Isles Britániques veníen d’una población orixinaria del norte de la Península Ibérica que crució’l Golfu Vizcaya p’asitiase nes isles fai unos 6.000 años.

Sicasí, los marcadores xenéticos usaos pol Dr. Sykes son comunes a toles subpoblaciones de la cornisa Cantábrica, polo qu’a partir del citáu estudiu nun ye posible determinar si’l grupu humanu que colonizó les isles Britániques pertenecía a la etnia de los Ástures, Galaicos, Cántabros o Vasconos. Nesti estudiu pretende complementase dichu estudiu en base a hipótesis de partida de que’l pueblu celta qu’emigró a les isles Britániques llevó consigo les sos races de ganáu doméstico.

194483_5_

Les distintes races de ganáu doméstico (tamién llamáu autóctonu) son la resultancia d’un procesu de seleición artificial lleváu a cabu dende’l neolíticu polos distintos grupos humanos en función de les sos necesidaes ya les condiciones de la redolada ñatural nel que vivieron. Casi tolos pueblos d’Europa occidental escoyeron les sos propies races de ganáu característiques. Les socesives xeneraciones de ganaderos escoyeron pa ser cruciaos aquellos exemplares que presentaben les meyores cualidaes fenotípicas, tales como una mayor producción de lleche y carne, resistencia’l cutu o la seca, o a cencielles un aspeutu físicu curiosu que revalorizaba al animal de cara a un posible intercambiu comercial. D’esti xeitu, los encruces selectivos modificaron progresivamente’l xenotipu de les distintes variedaes d’animales domésticos. El parentescu xenéticu ente dos races de ganáu implica necesariamente un encruz artificial y por tantu, un contactu físicu qu’escoyeron diches races, lo que de la mesma implica una coincidencia nel marcu xeográfico y temporal. Los cruces ensin planiar d’animales domésticos con exemplares de variedaes selvaxes pueden asoceder, pero suelen evitase viviegamente pol ganaderu pa caltener la idoneidad de la variedá doméstica. Les variedaes selvaxes son, ensin esceición, más rústiques ya improductives que les doméstiques (de lo contrario pasaríen a ser adomaes).

Por tanto, ante la cuestión de si los Ástures yeren celtes, cabe entrugar si les races de ganáu domésticu taben emparentaes xenéticamente coles de los pueblos celtes de les isles Britániques. Y puestu que les característiques xenotípiques de les races de ganáu caltienense a la llongura’l tiempu, podemos entrugar ta que puntu les actuales races de ganáu autóctones d’Asturies tán emparentaes xenéticamente coles actuales races de ganáu autóctono d’Irlanda, Gales, Bretaña, Inglaterra o Escocia.

Les actuales races autóctones de ganáu asturianes son: el poni Asturcón; el gochu Astur-celta; la vaca Asturiana de los Valles; la cabra Bermeya; l’oveya Xalda; y la pita Pinta.
Vamos analizar ca casu por separtau en varios artículos qu’espublizaremos periódicamente  pa estrayer depués una conclusión.

El pony celta Asturcón:

L’historiador romanu Plinio el Viejo escribía:

“Les tribus galaiques y asturies del norte de Hispania críen una raza de caballos a los que llamen celdones (nel so idioma); esta raza pequena a la que (nós los romanos) llamamos asturcones, nun trotien sinón que tienen un pasu fácil especial que vien de resultes de mover los dos pates de cada llau alternativamente”.

20110407113634-astur

El relatu de Plinio apúrrenos una primer pista d’índole llingüística, la pallabra “celdones” comparte raigañu col galés “cel”, l’escocés “sheltie”, “zaldi” en vascu y “zelter” n’alemán, toes col sinificáu de caballu. El términu “celdones”, tamién ta representáu na toponimia asturiana como ye’l casu de la parroquia xixonesa de Caldones. Pero como diximos nun ye l’oxetivu del presente artículu afondar n’argumentos de tipu llingüísticu. Siguiendo l’enfoque qu’ocupanos, l’importancia d’esta cita vien dao pol fechu de dexar constancia de l’esistencia’l poni Asturcón como raza perfeutamente definío nel s. I a.C. Como interés hai que mentar qu’inclusive’l tipu de trote característicu l’Asturcón al que refierse Plinio nel so escritu permaneció inalteráu a lo llargo de los postreros 20 sieglos. Si los Ástures llevaron caballos na so conquista de les isles, tuvieron de ser con toa probabilidá, asturcones. ¿Pero qué relación xenética esiste ente los asturcones actuales y los caballos autóctonos de los distintos países celtes?

2281348dc116343ecf5a23cae8235232

Nun estudiu de la Universidá de Córdoba (España) pa les Naciones Xuníes sobre recur-sos xenéticos animales, llevose a cabu’n analís xenéticu de 34 races distintes de caballos ente les que, amás del asturcón, taben representaes delles races autóctones de países celtes, asina comu caballos árabes y caballos de pura raza española ya inglesa. La resultancia d’esti estudiu foi que la raza de caballu más próxima al asturcón dende’l puntu de vista xenéticu ye’l caballu Dartmoor, autóctonu de Devon sudoeste d’Inglaterra. Devon ye, xuntu con Cornualles y Gales una de les rexones celtes de l’actual Inglaterra. En Devon, al igual qu’en Cornualles fálase córnicu, llingua celta estrechamente emparentada col bretón y el galés. De xuru a un asturianu, resultará-y familiar el topónimu Devon que comparte raigañu etimolóxicu con Deva, diosa celta de les agües.

ossie

Tres el Dartmoor, la raza más estrechamente emparentao col asturcón resultó ser el Shetland, caballu autóctonu de les isles Shetland, asitiaes al noroeste d’Escocia, territoriu evidentemente celta onde fálase gaélicu escocés.

shetland_pony

El silguiente caballu n’orde de parentescu col asturcón ye’l caballu  Connemara, orixinario de Galway, oeste d’Irlanda. Irlanda tamién ye una nación celta que conserva la so llingua ancestral, el gaélico irlandés.

connemara_pony2_750

Con éses los trés caballos más estrechamente emparentaos, dende’l finxu de vista xenéticu, col asturcón pertenecen a tres rexiones celtes de les isles Britániques asitiaes nos estremos de la so xeografía. Bastante ye que, dende’l puntu de vista taxonómicu, l’asturcón, ta incluyíu dientru’l tueru de los ponis celtes. Amás, el grau de heterocigosidad xenética del asturcón indica que ye la más antigua de toles variedaes citaes. L’única esplicación posible ye qu’esistiera una conexón ente los caballos celtes ástures y los de los celtes de les isles Britániques, que los sos descendentes llegaron hasta los nuesos díes.

el-asturcon-es-una-raza-de-caballo-nativo-de-asturias-620x415

Lo ciertu ye que’l fechu de que caltenganse asturcones ta los nuesos díes ye un auténticu milagru. Estímase que foi alredor de los años 70 del sieglu pasáu qu’empezó’l procesu de recuperación, paéz que quedaben namái 40 exemplares nos montes asturianos. Paez ser que pertenecer al tueru célticu nunca reportó demasiaes simpatíes nel restu de la península Ibérica. Como atristallante curiosidá, dicir qu’al entamu del sieglu XVI, y ante la decadencia de caballos de Raza Española”, una Real Orde fechada en Valladolid el 9 de xunu de 1562 promulgó la capadura de tolos asturcones con cuenta d’evitar la so reproducción. Afortunadamente, dicha llei nun cumplió’l so oxetivu.

Autor del estudiu:

César González Herrerías; Llicenciau en Bioloxía pola Universidá d’Uviéu, Master n’Estudios Sociales y Tecnoloxía y ta doctorando na estaya de Cultura Científica. Angüañu profesor de secundaria’n Xixón.

Torna a l’asturianu.

Fernán Morán.

Semeyes ya ilustraciones:

1ª.- Semeya del Dr. Brian Sykes. Fonte: Channel 4. Uk

2ª.- Mapa xenéticu d’atopancia del halogrupu R1b n’Europa.

3ª.- Guerreru Astur na Protohestoria asturiano,  montau nun asturcón. Autor: ilexible. Fonte; google.

4ª.- Semeya de pony asturcón angüañu. Fonte: Printcast.

5ª.- Semeya de pony de Dartmoor. Fonte: Horse Gossip. Autor/a. Ossie.

6º.- Semeya de pony Shetland. Fonte: The National Pony society. uk

7ª.- Semeya de pony de Connemara. Fonte: wildatlanticway.com/theconnemarapony

8.- Asturcones en semillibertá. Revista Viajar, reportaxe: “Asturias de leyenda”. Autor de la semeya: Gonzalo Azumendi.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s