TRAXE’L PAÍS FEMENÍN.

Los más característicos son el traxe llaniscu, el vaqueiru ya’l de la zona central.

El llaniscu, que ye’l más ricu, consta de refaxu, cotilla, blusa, mandil, pañuelu y medies. Suelen usase zapatos de charol.

El traxe vaqueiru ye quiciabes el meyor calteníu y menos sofisticáu. Con él vístense angüañu los novios que contraen matrimoniu nel Festival de la Vaqueirada d’Aristébano, y toos aquellos qu’esi día siéntense braeramente vaqueiros.

Finalmente, el de la zona central, que los sos componentes son, fundamentalmente, los mesmos con llixeros cambeos.

memoria-digital-dasturies

Partes del traxe’l país femenín:

El mandil: Prinda de sobra conocida. Podía ser blancu o negru. Solía ser pequenu y guarníu de terciopelu. A él alúdese nesta copla:

Con esi mandilín blancu
y esa manera d’andar
vas ñamorando, neña,
a los mozos del llugar.
Qué guapa vienes,
qué bien te ta
la saya verde
ya’l delantal.

Usóse enforma’l mandil de llana y llinu, del que yá falemos, resultante d’un texíu de llana negro y llinu, amalgando un texíu bien vistosu. Al igual que la falda, el mandil solía llevar un adornu de tela na parte inferior, llamáu ringo-rangu:

El mandil de ringo-rangu,
¿cuántu costote,Ramona?
– Al a salida d’Uviéu
peseta menos perrona.
– Al to mandil
écha-y un ringo-rangu
que retumbe l’agua nel sable,
¡qué murniu despídese la la mio morena!

La saya: yera la falda, prinda de singular relevancia. La del traxe’l país ye prieta, verdi o encarnado, guarnida con una, dos, trés o más franxes de terciopelu. La verdi termina dacuando con una guarnición o inxertu coloráu bastante anchu. Habíales delles clases: saya de mandilete, saya colorá, y la más esterior, nomada saya de mascote.

xx-antropoloxia-nasturies

El corpiño: tamién llamáu xustiyu o cotía. Vistíu ensin mangues, ta la cintura. Abrochase por delantre con un trenzau de gordón de seda, llana o algodón que termina nuna pieza de metal nomada ferrete. Ye de pañu finu, de terciopelu negru, colloráu o verdi. A los gordones refierse esti cantar:

Los gordones que tu me disti
yeren de seda, yeren de llana…

O esti otru:

Fuisti a la siega y vinisti,
nun me traxisti gordones,
en viniendo les castañes
maldita la que me comes.

El dengue: ye una especie de pelerina o esclavina ta la metá’l llombu. Los cabos son llargos, crucien al pechu y arréyense detrás de la cintura. Dacuandu consiste nun pescuezu postizu de pañu negru con adornos de terciopelu, dependiendo d’esta pieza la mayor o menor riqueza del traxe. Si una moza presentabase na fiesta ensín esta prenda, yera mal vistu. D’ehí que les rapaces curiabenla enforma, procurando que se-y destacase bien y ribeteandola con una cinta de seda negro. Si por cualesquier causa echabase a perder, causaba-y una braera desgracia a la moza:

¡Ay madre, qué desgracia!
¡coitadina de mí siempre!
que estándome calentando
saltome una chispa’l dengue!

El refaxo: falda de bayeta collorao o mariella, xeneralmente, que’l so vuelu ta afatáu por una cinta de terciopelu negru. Una ancha lorza na so metá facía afayaizu allongar la prenda ensegún diba espoxigando la moza. Una abertura a los llaos daba pasu a la faltriquera o bolsa pa guardar el dineru.

fondo-fotografico-del-museo-dasturies

El pañuelu: ye la prenda que cubre la cabeza. Güei nun se caltien más tocáu cásique ésti. Sicasí, n’otru tiempu habíalos. Tenemos una amuesa nel que tan despectivamente comenta’l cronista de Carlos I nel viaxe qu’ésti fixo pola mariña asturiana. Dempués de desembarcar en Tazones (Villaviciosa) y narrar les incidencies, describe minuciosamente un curiosu tocáu que vio en Ribesella’l día 24 de setiembre de 1517. Volviendo al pañuelu, priéndese a pode con broches o anfileres. Ye de seda natural blanca, negra o encarnada. Llamar de campanielles por terminar en flecos llargos, de biatía el d’usu diariu y el de bobine el de los díes de fiesta. Doblase’n forma de triángulu. Diz una copla:

Tengo cuatro pañuelos
toos cuatro colloraos,
otros cuatro pretendientes
y trés vienen engañaos.

Los llabraores usen pañuelu negru, qu’arreyen por dos estremos enriba  la cabeza. Tamién usaronlu d’antiguu los llabraores de dellos llugares pa dir al campu.

El calzau: ye’l normal de la dómina. Sustitúyense los zapatos por madreñes cuando llueve, según reza’l cantar:

Yo cuando llueve
calzo madreñes,
suenen los clavos
por ente les piedres

Coles madreñes usense zapatielles d’oriyo o bayeta.

Les calces: si lleven pie (de patín), úsense con zapatos; les de peal, ensin pie, suxetes al calcañar, úsense con madreñes. Lleven alredor unes llistes verticales en zig-zag que sirven d’adornu.

llanisca

Los escarpinos: úsense con llana abatanada o estameña. Tán fechos de dos pieces, una per cada llau del pie. Abotonen pel llau de fora y lleguen ta media pierna. Usense con madreñes especiales llamaes d’escarpín.

Otros adornos:

El collar: fechu de perlles o d’acebache de Villaviciosa, yera un refileru de cuentes de trés o cuatro vueltes, faciendo honor al cantar:

Cuatro güeltes de corales
trae la fía l’alcalde.
otres cuatro traigo yo
y soy fía de mió padre.

Les arracaes: usaes poles muyeres casaes, consistíen en dos aros pequenos con o ensín perendengues. Alcuerda aquella copla quirosana del sieglu XVII:

Tengo que mercate un dengue,
un refaxo y arracaes,
pa que les moces del pueblu
al vete queden plasmaes.

Fonte:

“La artesanía popular asturiana”; Jose Manuel Feito; Ed. Ayalga Ediciones, 1997.

Torna l’asturianu:

Fernán Morán, Presidente de la Lliga Celta d’Asturies.

Semeyes ya illustraciones:

1ª.- Muyeres col traxe’l país en Sotu’l Barcu. Autor: Gofi. Fonte: Memoria Dixital d’Asturies.

2ª.- Muyeres asturianes na primer mitá del sieglu XX. Autor/a: desconocíu. Fonte: antropoloxíadasturies.blog

3ª.- Muyeres danzando. Autor/a: desconocíu. Fonte. fondu fotográficu’l Museu’l Pueblu d’Asturies.

4ª.- Muyer vistía de llanisca. Autor/a. desconocíu/a. Fonte: google.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s