EL TRAXE’L PAÍS MASCULÍN.

El calzón:

Esta prenda ta compuesta de dos pieces que, dende la cintura, de la que formen parte, ciñendo el cadril, vienen xuntase nel banduyu. Cubre por tantu dende la cintura hasta la rodía, perfeutamente cinxíu y suspendíu pola trincha’l xubón o prinda que suxetase a los costazos. Solíen ser de bayeta, pañu o llana. Dacuando usábense de tela lliso, añedir inclusive aplicaciones de pañu negru o bien escuru “remontaos”. El color solía ser prietu, ocre, mariellu, verdi o colloráu, inclusive. De cada pernil escolgaba una cadenina con una filera botones que solíen ser de cuatro clases: los llamaos de San Fernando, los coleteros, los tarabicos y los de filigrana. a estos postreros refierse la cantar:

Botones de filigrana
embutíos n’aceru,
¿cómo quies que t’escaeza
siendo tu l’amor primeru?

mozos

El chalecu o xubón:

Outra prenda que yera davezu regalu la moza. Forrábase de blancu con una guyeta:

Non te miro pal chalecu
pa quitate la guyeta,
namá te pido, mocosu,
que me deas una rempuesta.

Los mozos solteros solíen quitar la chaqueta pa dexar ver les guyetes, regalu de la moza. Los casaos sicasí:

El galán que ta nel baille
paez que ta cansáu,
que nun quita la chaqueta
anque atópese encarceláu.

El chalecu taba fechu de tres pieces, ensegún Isabel González: “dos delanteres col mesmu corte que l’actual, y l’otra l’espaldar. Solapa de picu y doble fila  botones más bien decorativos que prácticos. El espaldar engalánase con un canesú de forma triangular, col picu escontra baxo, y tres círculos en ringlera de radiu decreciente”.

llaniscos

La chaqueta o chamarra:

Esta prenda tenía les mangues cinxíes a los brazos ta la muñeca ya ensin faldillas. Nun llevaba solapes. Tien pescuezu xubíu. Los botones forranse con tela’l mesmu pañu. Usábase como abrigu, emperu tamién a xeitu d’escudu, colocandola arrollada’l brazu pa detener los golpes o estacazos que menudeaben nes tradicionales engarradielles coles que solíen finar les romeríes.

La faxa:

Apolinar Rato y Hevia, nel so vocabulariu, definela como: “banda de llana de dos o trés vares de llargu, de color encarnáu, negru o moráu, que los homes arollaben y arollen a la cintura sobro’l calzón ya’l chalecu”. El so papel primordial nun yera sostener el calzón, ensinón abrigar el banduyu.

antonio-campillo-el-tiu-casona-1842

La montera:

Ye la prenda masculina de pañu que cubre la cabeza. Ta compuesta de cuatro partes bien definíes: casquete, nala, reborde y forru. El casquete ye la pieza que cubre la cabeza. Pa confecionala córtase un pañu en tres paralelogramos más o menos anchos, según deséyese d’altor, y otres cuatru pieces de forma triangular. Los paralelogramos xuniíense polos sos anchos, formando asina’l perímetru y caláu de la cabeza. Les cuatru pieces triangulares, cosíes por ún de los sos llaos a les trés pieces qu’afaense al perímetru de la cabeza, formen la copa la prenda. El pañu suel ser gruesu y pardu. Habeíales de luxu y yeren de terciopelu prietu:

Montera de terciopelu
yá lleves acabada
per dir de nueche al molín
y venir de madrugada

Tamién de fieltru, emperu nun yera mui normal:

Montera de fieltru azúl
tráila Antón de Pericón,
la llocura nun tien cura,
¡Valgame Dios, qué razón!

Pero la más típica yera la d’una sola nala y consistía nun triangulu equilateru, que’l so llau ye la metá’l perímetru la cabeza. Si asitiabase escontra l’esquierda llamábase montera picona; si cayía sobro la cara, montera de nala cayida. La nala tenía’l mesmu color que’l casquete. el reborde asitiábase al llau opuestu de la nala, que’l so picu solía dir afatáu con una pluma. El forru anubre tol interior de la montera. Yera de bayeta o muletón. La so corte correspuende a toa una tradición sombrerera, teniendo como oxetivu primordial que la montera arme.

llano-quiros

Cuando nun usabase, la montera folgaba colingada del arradu, especie de percha constituyida por un palu gruesu claváu nel suelu, de dos vares d’altor, convenientemente dispuestos, onde asitiabase la prenda.

El so usu llegó hasta’l sieglu XIX revistiendo ciertos priviliegios, como’l d’entrar nel templu con ella puesta y permanecer cubiertu mientres tola ceremonia. Esti ritu cumplía sobremanera nos funerales, y tamién yera propiu del gaiteru que tocaba la misa. Usar tamién -según O. Bellmunt y F. Canella- les vilbes dalguna vegada, poniéndose la del home, como signu de l’autoridá heredera. Yera de mal gustu llevar la de picu argutu nel picu vueltu:

Voime, que lleva’l mio mah.u
la montera pico embaxu.
Vóime, qu’el mio mah.u lleva
picu embaxu la montera.

sama-langreo-1932

El palu pintu:

Nun podía faltar na indumentaria masculina. El Palu Pintu yera l’arma que los mozos llevaben consigo a toes partes. Nos nuedos llucíen clavos doraos.

Fonte:

“La artesanía popular asturiana”; Jose Manuel Feito; Ed. Ayalga Ediciones, Xixón 1977.

Torna l’asturianu:

Fernán Morán, Presidente de la Lliga Celta d’Asturies.

Illustraciones y semeyes.

1ª.- Mozos asturianos col traxe tradicional asturianu actual del grupu d’etnografía y floclor Reija de Llangréu. Fonte: Google. Autor/a: desconocíu/a.

2ª.- Semeya de dos llaniscos a finales del sieglu XIX, entamu’l sieglu XX. Fonte: google. Autor/a: desconocíu/a.

3.- Semeya d’Antonio Campillo (1842), el “Tíu Casona”. Fonte: google. Autor/a: desconocíu/a.

4.- Aurelio de Llano entrevistando a un quirosanu. Fonte: “Asturias. El siglo XX en imágenes. Crónicas del s. XX”; Ed. Nobel, 2007.

5ª.- Gaiteru ya tamoborileu’n Sama, Llangréu. Fonte: google. Autor/a. desconocíu/a.

Anuncios

2 comentarios en “EL TRAXE’L PAÍS MASCULÍN.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s