COMUNICAU – DENUNCIA DE LA LLIGA CELTA D’ASTURIES.

El castru de Podes ye’l segundu mayor castru costeru ástur depués de la Campa Torres (Xixón). Catalogáu por J.M. González nos años 60 del sieglu XX ye descritu por numberosos especialistes, daquienes resalten l’importancia de les sos dimensiones, les sos defenses, y de los  materiales que la erosión va amosando nes sos fasteres.

_mg_5221                   

Dende hai más d’una década diversos coleutivos, asociaciones y un partíu políticu tienen denunciao la situación d’emerxencia d’esti xacimientu ensín que, tal momentu, l’Almenestración del Gobiernu d’Asturies faiga daqué al respeutu pa solucionar esta situación, la d’erosión progresiva del castru por aiciu de l’aición del mar, que devengará na pérdida irrecuperable d’elementos arqueolóxicos qu’entovía tan ensín estudiar, valorar y catalogar.

p1050151

Pola información de la que dispón la Lliga Celta d’Asturies, nel añu pasau, presentáronse proyeutos privaos autofinanciaos p’actuar d’emerxencia, nun sector determinau del castru mui afeutau pola erosión y argaxos al mar, pa facer una recoyída d’elementos arqueolóxicos y proceder al so estudiu pa evitar la so desapaición ensín que pudieran estudiase enantes.

L’Almenestración denegó la propuesta d’esti proyeutu, y paéz que la Conseyería de Cultura del Principau d’Asturies nun ve la situación d’emerxencia que ta sufriendo esti xacimientu arqueolóxicu, qu’añu tres añu ta erosionándose y argayando al mar ensín que naide faiga nada pa evitalo. Lo pior de too estu, ye que con ciertes midíes cencielles ya non mui costoses podría evitase qu’Asturies perdiera una parte importante del so padremuñu hestóricu-cultural comu sedría cubrir con tierra vexetal los cortes ónde caen los niveles arqueolóxicos na parte con más riesgo de ser argayada’l mar.

_mg_5252

 

N’esi sen, dende la Lliga Celta d’Asturies, solicitamos a la Conseyería de Cultura d’Asturies que tome midíes con respeutu al caltenimientu del castru Podes de manera que garantícese la so proteición cola mayor urxencia posible.

Fernán Morán, Presidente de la Lliga Celta d’Asturies.

Semeyes:

1ª.- Castru Podes. Autor: M. Intriago.

2ª.- Materiales arqueolóxicos del xacimientu del Castru Podes argayando al mar. Autor: Fernán Morán.

3ª.- Semeya de la visita guiao al castru Podes qu’entamó la Lliga Celta d’Asturies nel 2015. Autor: M. Intriago.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s