CASTROS ASTURIANOS: CASTRU CHAO SAMARTÍN.

El castru de Chao Samartín, asitiáu en Grandas de Salime (Asturies) ye una cortil fortificada fundáu a fines de la Edá del Bronce (sieglu IX-VIII a. C.) que caltuvose habitáu ta fines del sieglu II d.C., cuando foi destruyíu per un movimientu sísmicu qu’afaró’l pobláu. Amás de tratase d’un xacimientu visitable, cuenta con un muséu inmediatu a les ruines ya un notable repertoriu bibliográficu.

Chao_Samartín_1

L’orixe del pobláu fortificáu remontase a finales de l’Edá de Bronce (fai unos 3.000 años); d’esa dómina son les primeres defenses, un fosu ya una empalizada qu’arrodiaben una cortil sagrada con una entrada presidía por unes grandes roques ya onde s’asitiaba un edificiu bastante grande pa la dómina (unos 60 m²).

Chao_samartin_square

Yá na Edá del Fierro la zona habitada del castru entama a esparder de forma considerable ya dóblense les defenses. Nel sieglu IV antes de Cristu les defenses compónense d’un muriu y dellos fosos nos que nel so interior taben les cabanes de planta circular y rectangular con esquines arrondaes, cuntaben con una sala y cubrición vexetal. Tamién construyose nesta dómina’l primer sauna y atestiguáronse talleres metalúrxicos rellacionaos col tresformamientu del oru, la plata y el bronce. L’única entrada’l pobláu yera pel sur gracies a un portón que salvaba’l fosu. Los habitantes yeren llabraores, preparaben los alimentos en pieces cerámiques y teníen ferramientes de fierro, cobre, plata y oru, ensegún amuesen los restos atopaos nel llugar.

Chaosamatin11767517_s

Cola llegada del imperiu romanu, emprincipia un tiempu de paz y prosperidá llegando a arrenunciar a les defenses y aprovechando el tener mui cerca delles mines d’oru. Esta prosperidá vese frenada per un abandonu repentín del pobláu por cuenta d’un terremotu, escontra’l sieglu II.

castro-chaosamartin5

Sobro les ruines del pobláu romanu emplazose, en tiempos de la Monarquía Asturiana (sieglos IX-X), una necrópolis qu’enllargó l’usu funerariu del Chao Samartín ta’l fin de l’Edá Media.

El castru entama a escavase’n 1990 ya inda falta gran parte’l pobláu per estudiar.

Fontes:

VILLA VALDÉS, A. (2005): El castro de Chao Samartín. Guía para su interpretación y visita. Ed. Sociedad Arqueológica Profesional. Asturias.

VILLA VALDÉS, A. (2007): “Mil años de poblados fortificados en Asturias (siglos IX a.C.-II d.C.)”, en J.A. Fernández-Tresguerres (Coord.): Astures y romanos: nuevas perspectivas. Oviedo, 27-60.

VILLA VALDÉS, A.& CABO PÉREZ, L. (2003): “Depósito funerario y recinto fortificado de la Edad del Bronce en el castro del Chao Samartín: argumentos para su datación”, en Trabajos de Prehistoria 60, nº 2. Madrid, 143-151.

VILLA VALDÉS, A. (Ed.) (2009): Museo Castro de Chao Samartín. Catálogo. Consejería de Cultura y Turismo del Principado de Asturias y Asociación de Amigos del Parque Histórico del Navia. Oviedo.

Semeyes:

1ª.- Xacimientu’l castru Chao Samartín. Autor/a: desconocíu/a. Fonte: Wikipedia.

2ª.- Plaza común del castru Chao Samartín. Autor/a: desconocíu. Fonte: Wikipedia.

3º.- Vista’l castru Chao Samartín. Autor/a: desconocíu/a. Fonte: blog atenea.nike.

4ª.-Muria defensiva’l castru Chao Samartín. Autor/a: desconocíu/a. Fonte: waste.ideal.es

 

 

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s