MITOLOXÍA ASTUR: EL CUÉLEBRE.

El cuélebre ye un personaxe de la mitoloxía asturiana con forma de dragón – culiebra con ales.

peña

Ye una culiebra xigantesca que curia ayalgues o a les xanes. Como son inmortales en pasando los sieglos les escames vuelvense-yos tremendamente grueses ya incaltriables, y salen-yos nales d’esperteyu, asemeyándose mas a un dragón qu’a una culiebra. Nun suel movese munchu del sitiu que curia, cuandu lo fai ye pa comer ganao o a los homes. Nes hestories de cuélebres más conocies suel matase a esti dándo-y de comer una piedra ferviendo, o con una fogaza de boroña enllena d’alfileres.

Otru mitu rellacionáu col cuélebre ye’l de la “piedra’l cuélebre”, dizse que seyes culiebres axúntense al cuélebre y les babes de toos ellos al endurecese formen dicha piedra; esta piedra cura ciertes enfermedaes.

sillería del coro

Tamién se diz que los cuélebres son xanes embruxaes y qu’al matalos tórnense de nuevo xanes.

Esto yé lo que nos diz  sobro’l cuélebre Constantino Cabal,  (p. 325 RIDEA, recoyíu’n Cuadonga)

“El cuélebre; la serpiente con esnales d’esperteyu, escames impenetrables y cola descomanada, que s’agazapa na biesca, na fonte y na espelunca, y enllena los espacios del so silbu y taramica ganaos y persones…. La que curia les xanes y protexe les ayalgues; la que namái se rinde a la fatiga na nueche de San Xuan, cuandu los paladines de ventura quiebren los encantexos y alcuentren d’una vez, y en grau sumu, la fortuna, l’amor y la belleza

El cuélebre envieya colos sieglos, y entós les escames xorrécen-y, y los ríos refúguenlu, y niégase la tierra a soportalu. Nun-y queda más remediu que somorguiase nel so mar, que se denoma “Mar tapada” porque esparrámase baxo’l suelu. Nel fondu d’esti mar hai un viveru enorme de diamantes…. Y los homes, garren los diamantes con un troxu de carne y una cuerda; los diamantes péguense a la carne cuando toca nel abismu y xuben cuando ella xube, si ye quien a salvase de los cuélebres.”

La figura del Cuélebre ta espardía per tola xeografía asturiana, cásique siempres rellacionao con cueves y fontes; en Mestas de Con (Cangues d’Onís) esisten tres cueves muy próximes conocíes como Cueves del Cuélebre; tamién cerca de Cuerres (Cangues d’Onís) esiste’l Pozu del Cuélebre. Nun son pocos los llugares que lleven el nome como complementu de fonte, o de ramada; asina, en Sobrefoz, esiste la Ramada del cuélebre, pues dizse que (pol aspeutu del llugar) perellí baxó’l Cuélebre dexando’l rastru propiu d’un ramu que s’arrastra pa tresportar daqué -como narria-. Más cueves col nome, o que se diga que nelles vive’l Cuélebre alcontrámosles en Saliencia (Somiedu), Uviéu, o Brañaseca (Cuideiru).

sergio ballester

Más nomes de llugar: prau del Cuélebre en Xienal (Quirós), y braña de Valdecuélebre (Somiedu), cerca de Barrio (Teberga) hai Cuevafrás:

Cuélebre de Cuevafrás
baxa al ríu y beberás.

Fonte: Wikipedia.

Ilustraciones ya semeyes:

1ª illustración: Lámina d’un cuélebre. Autor: Alberto Alvarez Peña.

1ª Semeya: cuélebre talláu n’una silla’l coro de la catedral d’Uviéu. Autor: Sergio Ballesteros.

2ª Semeya: cuélebre esculpíu nel esterior de la catedral d’Uviéu. Autor: Sergio Ballesteros.

 

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s