CASTROS ASTURES: PICU’L CASTRU Ó CASTRU DE CARAVIA.

De los castros asturianos, el primeru escaváu, estudiáu y publicáu con criterios científicos prehistóricos foi’l castru de Caravia. Emplazáu nun monte llamáu “El picu’l Castru” d’aprosimao unos cuatrocientos metros d’altitú, asitiáu na redoma d’El Prau, a dos kilómetros del mar cerca de la llende oriental de la contorna central d’Asturies.

La so cronoloxía estiéndese dende’l sieglu IV al sieglu I a.C. Nun tan documentaes evidencies d’ocupación atribuyibles a dómina romana.

Castro-el-picu-de-caravia

El fuerte prehistóricu ocupaba’l visu del monte y consistía nuna cortil ovalada con un mogote o peñascal de caliar allongáu nel centru ya una terraza’n forma de corona de seis a nueve metros d’anchor, ensegún los puntus en redol al peñascal d’unos 350 metros de perímetru. El recintu taba peslláu por un murallón de piedra. Na terraza, so la tierra vexetal de la superficie toparon unos rectángulos de pavimentu de magre batíu de trés per cuatro metros de llau, con restos de llar nuna esquina, qu’el so escavador supunxo plantes de cabanos. Según los sos cálculos el castru de Caravia podría tener 45 locales como los indicaos, dalgunu destináu al ganáu y los demás a viviendes de los sos habitantes nes que podríen allugase más de 240 persones.

Nes escavaciones toparon un fachu apolazáu , cuentes de collar, fíbulas de bronce ya de fierro, pindios de bronce y aguyes, fusaiolas de piedra y cerámica con decoración diversa, azuelas, focetes, martiellos, barrenos, cuchielles y navayes d’afaitar de fierro, armes y escoras de fierro, piedres d’afilar y molinos de mano.

picu-castru-ene09-006

Los materiales llograos nes escavaciones del castru de Caravia curianse nel muséu Arqueolóxicu d’Uviéu.

Fontes consultáes: elcaminoreal.com / castrosdeasturias.com

Semeyes:

1ª.- Picu’l Castru – Caravia. Autor/a: Pablo Lara.

2ª.- Vista dendel Picu’l Castru – Caravia. Autor/a: desconocíu/a.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s