LES GUERRES ASTUR – CÁNTABRES: EL “BELLUM ASTURICUM” (I)

CAUSES:

Fasta la dómina d’Augusto, Roma non hebia teníu grandes contautos colos pueblos ástures. Los cimeros contautos tuvieron de dase col dominiu romanu de celtiberos y vacceos qu’habitaben en Valle del Douru. La primer data de la que disponemos pa datar l’entamu de les guerres ástur-cantabras ye’l 29a.C. La causa mas importante de l’entamu d’esta guerra foi’l deséu d’Augusto de pacificar l’Imperiu ya establecer llendes ñaturales, más fáciles de difender. Amás la pacificación sirvió pa evitar que los pueblos ástures siguieren coles sos actividaes de robu y pillaxe a los sos vecinos del Douru yá pacificaos. Otru motivu foi la necesidá d’Augusto de consiguir prestixu ante l’opinión pública; a esto van contribuyir los hestoriógrafos más cercanos a l’emperaor: Virgilio, Horacio, Pedrete Livio, Estrabón… Estos amuésenlu como’l “pacificador”de l’orbe.

9fc99-iberos4

Anque los ástures yeren más belicosos que los demás pueblos hai que tener en cunta que lo que cunten alrodiu d’esto los escritores de la dómina tien de ser matizáu porque traten d’engrandecer la figura del princeps.

Otra posible causa puede ser la del deséu de los romanos d’apoderar una zona rica en minerales yá que el so erariu hebía quedáu nun estáu bien precariu tres la Guerra Civil.

PROTAGONISTES:

Los pueblos ástures prefirieron la táctica de la guerra de guerrilles (refugando’l combate a campu abierto). Esta víase favorecía pola xeografía montascosa ya montiega ya pol espardimientu de la población.

Les armes emplegaes por ástures y cantabros yeren bien inferiores a les de los romanos, pensaes pal combate cuerpu a cuerpu. Les fontes aluden a xabalines, fachos de doble filu espada curtia, puñal y falcates ibériques. Como defensa usaben un pequenu escudu de cueru o maera (caetera), amás créese qu’usaben cascu de cueru y coraces de llinu bien gruesu.

Guerreros-astures-reconquista

Los romanos usaben un exercitu basáu na unidá d’infantería (lexón), aidada pola equitatus (caballería) y’aidantes (tropes auxiliares). Esti exércitu lluchaba disciplinadamente’n batalles campales en grandis enllanaes. Usaben armes como’l pilum (llanza), la gladius (espada), ya’l puñal. Protexíen el cuerpu de so con un enorme escudu rectangular y llevaben armadura y cascu.

Participaron 6 o 7 lexones estremaes en dos exércitos: El Citerior, dirixíu por Augusto, y la Lusitania, dirixía por P. Carisio.

Con tou, ye difícil calcular el nº total d’efeutivos.

Cabe destacar, tamién, per parte romana l’armada proveniente d’Aquitania.

Fonte:

Historia de Asturias I Prehistoria-Historia Antigua. Ed. La Nueva España.

Illustraciones:

1ª Illustración: guerreros ástures. Autor/a: desconocíu/a.

2ª Illustración: guerreros ástures. Autor: A. Manzano (1991).

 

 

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s