TRIBUS ASTURES: LANCIENSES.

Los lancienses foron una subtribu d’ástures cismontanos asitiada a veres del ríu Astura (Esla) que’l so centru principal yera la ciudá de Lancia, “la mayor aldega de los ástures” según pallabres de Dion Casio.

El pasáu hestóricu de los Lancienses.

Tradicionalmente l’allugamientu de la ciudá de Lancia acomuñase al castru de Villasabariego mui cerca de Mansilla de las Mulas (Llión). Considérense tamién centros lancienses importantes los silguientes llugares:

Maliaca xuntu al Esla y la frontera colos vacceos. Camala paralela a Lancia sobre’l ríu Cea.
Foi una tribu con gran importancia nel intre de les guerres ástur-cántabres como nos rellata, ente otros, Floro:

“Mientres esta mesma dómina los ástures, formando una enorme columna, baxaren de los sos nevaos montes; el so ataque nun se llanzaría a lo llixero, siquier pa los bárbaros, sinón que, dempués d’establecer el so campamentu a veres del ríu Astura y estremáu les sos fuerces en tres grupo distintes, disponer a atacar a un mesmu tiempu los trés campamentos romanos.  La llucha contra enemigos tan valerosos, que la so llegada fuera tan rápida y bien alcordada, desenvolveríase de forma dudosa y sangrienta nel casu de que los brigaecinos nun-yos traicionaren y unviaren a Carisio un avisu; supunxo pa nós una victoria’l cumplir los sos proyectos, ensin poder evitar, poro, una llucha sangrienta. El restu del exércitu, en retirada, foi acoyíu na ciudá de Lancia, bien fortificada, onde la disposición del llugar fixo la llucha tan encarnizada que, dempués de tomar de la ciudá, los soldaos reclamaben antorches p’amburala y el so xeneral a dures penes pudo salvala, asegurándo-yos que la ciudá recibiría meyor la victoria romana si taba intacta que si yera amburada”.

Amás cítase con epítetos como los siguientes: Maxima Asturiace Urbs (Dion Casio) y Validisima Civitas (Floro). Estos epítetos paecen refrendase colos afayos arqueolóxicos de dómina prerromana, que, según güei sabemos, algamaría una estensión averada de 30 hectárees pa esti primer poblamientu estable.

Fonte: Asociación de Astures y Romanos de Astorga.
Semeya: ruinas de Lancia – León

11846657_870945786324818_2792127695978773188_n

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s