LLEENDES ASTURIANES: LES MALDICIONES QUE TRESFORMEN A LOS HOMES N’HOMES LLOBU.

Creíase que les maldiciones de los padres o les madres teníen efectu sobre los fíos. En 1921 Aurelio de Llano recoyía una lleenda de Tormaleo (Ibias) denominada “El llobu de la calza”. Un rapáz inflinxía la prohibición de xintar carne’n cuaresma ya’l padre echába-y una maldición: “Dexe Dios te vuelvas llobu durante siete años ya te fartes de carne”.

Al momentu, el mozu sal cuerriendo, esnúdase y, valtase ente’l polvu tresformándose’n llobu, pero escaeciérase-y quitar una calza, y por esa carauterística conocíenlu cuando veíenlu pol monte. Tres los siete años de maldición tornaría valtase nel polvu ya recuperaría el so aspeutu humanu.

La mesma lleenda atopamosla’n Veigamiegru ya Combarru (dambos en Cangas del Narcea).

Nel Faeu (Balmonte) falase de la mesma maldición escontra un fíu, tresformándolo en Llobu Cervante, nome col que se conoz al llobu cerval en Asturies anque nos queda la dulda sobre si Llobu Cerval, o cervante nesti casu, referir a la fiereza del animal (serval o cervaille en piamontés y provernzal, tamién se refier al calter montuno y feróz). Nesti casu, el Llobu Cervante cayó nuna trampa, a los siete años, nun monte de Picu Grande, volviendo ser persona.

alberto alvarez peña

Tamién en Fugueiraxú (Cangas) falar del Llobu Cerval qu’abeyaba peles tierres del Pandu. D’aspeutu feróz, más escuru ya grandi que’l restu de la menada.

En Vil.lare Vilbas (Somiedu), un home camudáu en llobu recibió un disparu que-y arrincó una uña d’una pata al intentar atacar el ganáu d’un vecín. Cuandu recuperó la so forma humana, a los siete años, faltába-y un déu.

Atopamos asemeyáes referencies a estes lleendes nuna obra anónima noruega escrita alredor del 1250 nomada “Kongs Skuggsjo” (“L’espeyu de los reis”). N’ella cúntasenos que, cuando San Patriciu pedricaba’l cristianismu n’Irlanda, los paganos entamaron refundiase sobre él ya matalu. Enteráu’l santu de los sos proyectos arrenegó-yos: “Comu que planeyabais refundiavos sobre mi como llobos, asina vais ser mientres siete años”, castigu que pasó tamién a los sos descendientes, teniéndose polos irlandeses más puros a dellos que mientres siete años de la so vida fueron llobos.

11987060_10153608636079948_2805295105040536917_n

N’otra lleenda de Pola L.lena:

Una moza tien un fíu de soltera ensin deseyalu al qu’a los siete años arreniega por revoltosu: “Dios quiera que te conviertas en llobo pa que vaigas al monte otros tantos años como tienes”. Tresformáu en llobu analayó pelos montes próximos al Picu Cogullu, llibrándose de cayer nes monteríes y pozos llobales. A los siete años, recuperada la so forma orixinal, presentóse en casa de la so madre y, pa demostra-y que la maldición terminara, amosó-y siete pelos de llobu qu’entá-y quedaben nel pechu, unu per cada añu que vivió tresformáu en bestia.

En Rubléu Teinás (Cangas del Narcea) falase de los L.Lobos Meigos, xente dañible que se tresformaba a voluntá p’atacar el ganáu de los vecinos. En Naviegu (Cangas del Narcea) un home tresformabase’n llobu refundiándose a un pozu d’agua les nueches de lluna llena. Una vegada atacó a la so propia muyer que difendióse como pudu ya escapó dexando parte de la so toquilla nes fauces del animal. A la mañana silguiente, cuandu-y lo cuntó al so home, ésti sonrió amosando parte de los filos ente los dientes. La muyer reconoció asina’l llobu qu’hebíala atacáu ya l’home confesó que tou debíase a una maldición materna.

11990392_874588612661573_3763800120659014287_n

N’Avedillo (Zamora) cúntase la mesma hestoria. l’home ye descubiertu gracies a qu’inda caltien filos del vistíu ente los sos dientes, per esu, reconoz que, cuando yera pequenu echáren-y “la fada”, una maldición , lo que lu provocaba tales tresformamientos en llobu.

En Quintanilla del Monte (Llión), una muyer, diendo al campu a llevar la comida al so home, notaba que-y tiraben de la saya escontra tras, ensin llegar a ver a naide. Al llegar ya espone-y’l casu al so home vió qu’ésti tenía na boca cachos de la saya. Cayó entós na cuenta de que se casara con un Meigo, o lo que sería similar, un Bruxu.

Los guerreros-llobu tamién apaecen ente otros celtes ya los xermanos, dacuando revistiéndose ritualmente cola piel del animal, creyéndose qu’esto favorecía que s’esteriorizase el ser que llevaben dientru. Según Mircea Eliade, nel tresformamientu en fiera nun se trataba namái d’adoptar la bravura, astucia o fuercia físico de la bestia sinón d’una iniciación máxicu-relixosa que modificaba radicalmente la so forma de ser humana por un accesu de roxura agresivo que-y faía invencible ante l’enemigu y -y desligaba de el costumes humanes produciéndose una auténtica solidaridá mística col llobu. Nel 152 antes de nuesa yera, Apiano fala d’un guerreru celtíberu cubiertu con piel de llobu que lu identifica comu’n gran guerreru. Ye’l casu de los “herserker”, guerreros escandinavos, que provocabense esi raxón guerreru cubriéndose con pieles de llobu y d’osu o per mediu de sustances alucinóxenes.

Le Loup-Garou. Ilustración aparecida en el Magasin pittoresque en 1857 a partir de un grabado de Maurice Sand

N’Augvernia (Francia) el “loupgarou” (home llobu) tamién recupera la so forma humana al ser mancáu. Na Baxa Bretaña son llamaos “tud vliez”; na Alta Bretaña, “blisclavert” ya’n Normadía “garolf”.

Toos ellos guarden una estrecha relación con hestories d’hechiceríes ya maldiciones, según una vinculación cola augüa o valtar nel polvu pa emprencipiar la metamorfosis, qu’acostuma asoceder na vixilia de Vienres Santu, primero de mayu, San Xuan, el Díi de Difuntos o les nueches que van dende la celebración de la Navidá a la Candelaria.

Fonte:

“Mitos y leyendas de Asturias”; Alberto Alvarez Peña; Ed. Picu Urriellu 2004

Illustraciones:

1ª .- Home Llobu, dibuxu d’Alberto Alvarez Peña.

2ª .- Grabáu fechu’n 1512 por Lucas Cranach.

3ª .- Illustración ensín títulu nin autor/a conocíu, asoleyada de vampierave.

4ª .- Litografía fecha por Maurice Sand en 1857, titúlase: “Le Loupe Garou.”

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s