CASTROS ASTURES: CASTRU DE TARAMUNDI.

El castru de Taramundi (xacimientu de “Os Castros”) asítiase na parte sur del cascu urbanu de la capital del conceyu. Nel añu 2000 emprencipiáronse los trabayos d’estudiu, escavación ya caltenimientu del mesmu, de cuenta que na actualidá presenta un bon estáu de caltenimientu, y convirtióse yá nun nuéu enclave que visitar na villa.

Ta’l momentu, abriéronse 1.100 metros cuadraos, atopáronse una decena d’edificios, dellos tramos de cais ya distintos segmentos curtios de fortificaciones de distintes dómines del pobláu.

11036483_873947289392372_463865430291881065_n

Atopáronse saunes castreñes.

Les saunes castreñas son un tipu d’edificiu característicu de los castros del noroeste de la Península Ibérica. Asturies tien el grupu más importante de los calteníos –hasta 6 unidaes- que se distribúin sobre los principales asentamientos protohistóricos de la cuenca del ríu Navia: Cuaña (2), Pendia (2), Os Castros de Taramundi, Chao Samartín y Monte Castrelo de Pelóu.

11226173_873947349392366_8561312294369656668_n

El so orixen remóntase a la Edá del Fierru, cuando se construyeron los más antiguos conforme a un patrón común que se manifiesta tantu na sorprendente semeyanza de les sos proporciones como na selección de los allugamientos.

A diferencia de les saunes de la área lusitana, llevantaes fora de la cortil urbana y a cuerpu de fastera, n’Asturies ocupen un espaciu preeminente dientro del pobláu ya inmediatu a les zones d’accesu.

En dómina romana yá se constata la evolución diverxente de les vieyes saunes escontra edificios funcionalmente diversos según caltengan la fidelidá al bañu de vapor tradicional o bien s’afaigan a práctiques balnearies probablemente importaes y que riquíen, pola so dependencia del suministru hidráulicu, la instalación de canalizaciones, piscines o estanques de gran capacidá como la pila granítica de Cuaña.

11986347_873947426059025_7060342188120454541_n

Estos edificios, interpretaos apocayá como santuarios, en relación con entidaes de naturaleza acuática y telúrcia, caltienen una estrecha vinculación coles grandes cases d’asamblea comunes nos castros del noroeste ibéricu, y tuvieron de tener una notable relevancia na lliturxa social de los pueblos indíxenes pos allugaríen el corazón mesmu de la institución política que constitúi la comunidá castreña.

Secuencia d’ocupación:

L’estudiu del pobláu d’Os Castros ye complexu al tener una enllargada secuencia d’ocupación formada a lo llargo d’unos mil años d’hestoria hasta la so clausura definitiva como llugar d’habitación.

Tou paez indicar que’l llugar tuvo habitáu dende’l Bronce Final, ente los sieglos IX-VII a.C. La instalación d’esti primer asentamientu significó una fonda ya llaboriosu tresformamientu de la cortil orixinal pola cual rebaxóse ya regularizó la base rocosa.

De la traza d’aquella primitiva trama edificada namái resten güei les canalizaciones que drenaban les cabanes, dellos fuexos y curtios tramos de murios adosaos al escarpe que protexía esti núcleu septentrional del pobláu. La so condición de llugar fortificáu puede deducise de trazar de la muria que cerraba l’allugamientu escontra l’oeste y el foso escaváu so una de les construcciones.

IMG_4947-Castro-en-Taramundi-320x214

Mientres la II Edá del Fierru’l pobláu desenvuélvese sobre los sedimentos que soterraron bona parte de les estructures anteriores. Al tratase de construcciones en piedra, de plantes con enclín circular o, sía que non, refugando’l remate n’ángulu, ensin parés medianeres y cubiertes probablemente vexetales, pos nun esiste niciu dalgunu d’otru tipu de teyaos.

En dómina romana produzse una importante reforma del pobláu. Constrúyense nuéos edificios, agora de planta ortogonal y compartimentados en delles estancies. Les vieyes construcciones prerromanes o bien se destrúin o bien se tresformen y afaen a la nueva organización espacial del pobláu.

Elementos alcontraos nel xacimientu:

Ente les dotes correspondientes a la ocupación prerromana la cerámica ye’l material d’usu domésticu más abondosu nel xacimientu. Yeren recipientes fabricaos ensin tornu y cocíos en fornos d’ambiente reductor, lo que-yos apurrió superficies de tonos escuros con frecuencia bruñidas, espatuladas y, dacuando, ornamentales con motivos estampillados.

1394314356396

Los materiales arqueolóxicos más importantes atopaos nel castru son un puñal d’antenes (empuñadura y contera de bronce, fueya de fierro y vaina de madera) del final de la Edá de Bronce; cerámiques iguaes a mano con decoraciones consiguíes en base a espatulaos, de la Edá del Fierro; ya cerámiques, broches, candil de fierro, llaves y llámpares de cerámica de la dómina Romana.

Fontes consultaes:
Castros de Asturias; taramundi.es; vivirasturias.com, Taramundi arqueológico, guía informativa con textos de Ángel Villa Valdés, editada en 2007 por la Mancomunidad Oscos-Eo a través de su Plan de Dinamización Turística.

Semeyes:

1.- Castru de Taramundi, autora: Tinastur.

2ª y 3ª .- Castru de Taramundi, autor/a: Los Oscos Rural.

4ª .- Castru de Taramundi, autor: trotaburgos.com

5ª .- Puñal d’antenes atopáu nel Castru Taramundi, autor: Castros de Asturias.com

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s