TRIBUS ASTURES: LOS ASTURES (xenéricos).

Los Ástures xenéricos: d’últimes disponemos de dellos nicios que nos lleven pensar que na zona central (interior) del territoriu asturianu, amás de los pésicos y luggones, esistiría una población individualizada que podemos identificar con unos ástures puramente dichos, ástures en sentíu estrictu o ástures xenéricos.

En primer llugar el autores antiguos faen mención d’un grupu de población ástur ensin calificativu dalgunu cuando se refieren a los habitantes mariña cantábrica que s’estienden ente’l Sella y el Nalón (Estrabón, Geographia 3.4.20).

11041658_864989906920406_733093309063777285_n

Agora bien, amás de les referencies estrabonianes, hemos de tener presentes les noticies de Mela (Chorographia 3.1.13) quien confirmanos, mientres la primer metá del sieglu I d.n.e., l’allugamientu na mariña de los ástures.

Na mesma localización de los ástures al otru llau del cordal (ástures transmontanos) na fecha de referencia viennos confirmada por un documentu epigráfico nel qu’apaez rexistráu Pintayo, fíu de Pedilicio como ástur trasmontanus.

museo-arqueolc3b3gico_asturias-romana_2_pintaius

Esti monumentu de calter funerariu tien de fechase a mediaos del sieglu I d.n.e., d’onde se deduz qu’el reclutamiento llevose a efectu na zona trasmontana, lo que paez coincidir perféutamente coles noticies tresmitíes por Estrabon y Mela.

Xuntu a ello nun debemos escaecer la llábana del conceyu de Piloña enantes mentada, na que s’alude, oldeando’l so nivel d’organización, a ástures y luggones, polo que resulta lóxicu suponer que, al igual que los luggoni qu’apaecen mentaos en dichu testu epigráfico del sieglu I d.n.e. son los que siguen asitiaos na rexón transmontana, los ástures del primera componente de dicha espresión atopar a un mesmu nivel alministrativu; esto ye, que dambes poblaciones constituyiríen 2 de los 22 populi qu’habitaríen el conventus Asturum según Plinio y que los sos nomes nun recueye la documentación lliteraria na so totalidá (Plinio el Vieyu, Hestoria natural 3.3.28).

Sicasí, estos autores que nos documenten la rialidá hestórica posterior de la cornisa cantábrica (Plinio el Vieyu na segunda metá del sieglu I y Ptolomeo yá nel sieglu II); esto ye, el momentu en que Roma, una vegada acabaes les guerres ástur-cántabres, punxera les bases de la so organización alministrativu-territorial, preséntennos una realidá histórica que se correspuende con una etapa de plenu dominiu romanu sobre la rexón.

11836660_864571583628905_593717836171452391_n

En consecuencia’l suelu habitáu por estos ástures xenéricos sería l’entendíu ente la marxe esquierda del Nalón y la derecha del Pigüeña-Narcea, resultando difícil el so allugamientu en territorios descomanadamente próximos a la mariña.
Fonte: “Asturies, los ástures y la cultura castreña”; Narciso Santos Yanguas; Ed. KRK Ediciones 2006

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s