ARBORES SAGRAOS ASTURES: EL TEXU.

El texu ye, por escelencia, l’árbore sagráu de la mitoloxía asturiana, pos representa’l venceyu del pueblu asturianu cola tierra, cola relixón antigua, colos antepasaos. Amás, ye un árbol de gran sentíu relixosu, atopándose al llau de munches ermites y campusantos asturianos.

Texu de Salas Autor panoramio com

N’Asturies, esiste una costume bien conocida llamada “tirar los texos” qu’alcuérdanos que nun fai enforma tiempu nes aldegues, los mozos rondaben a les moces asitiándo-yos cañes de texu na puerta o nes ventanes, si depués elles tiráben-yos granes de texu enriba’l mozu, consolidábase’l novialgu ya’l mozu podía cortexala.

Emperu ye tamién l’árbore de l’escuridá, de la clarixa, de la muerte.

Con velenu de texu suicidábense los guerreros ástures enantes de ser derrotaos y cayer na esclavitú. Asina, na batalla del Monte Medulio los ástures diéronse muerte cola espada, el fueu, ya’l velenu de texu. El texu simboliza por tantu’l pasu al Otru Mundu y per esu güei gocia esti árbol de gran importancia nes celebraciones del Día los Difuntos, onde se lleva a los difuntos una caña por que los emponga na so torna al País de les Solombres.

Ermita y Texo en Santa Coloma, Pola de Allande

El venceyu ente’l texu ya’l mundu de los muertos ye reconocíu non yá n’Asturies, sinón n’otres tierres céltiques de l’occidente européu, como Bretaña o Irlanda, onde yera costume llantar texos nos campusantos en llugar de cipreses, y creíase que los raigaños de dichos árboles algamaben la boca de los muertos soterraos nes sos tumbes.

Tamién ente los antiguos galos constátase la veneración d’esta especie vexetal y asina nel nordeste de la Galia asitiábase un pueblu, el de los eburones, que’l so nome significa talamente «los adoradores del texu».

Per otru llau, nes lleendes d’Irlanda narra l’hestoria de Fer Í, «l’Home del Texu», qu’afatiáu con un harpa de cuerdes plateadas tenía el costume de sentase na caña d’un texu y tocar duces melodíes:

“Ciertu día cuando los héroes Éogan y Lugaid travesaben el ríu Maigue’n Connaught, sintieron una tienra música que venía d’un texu al pie d’un tabayón. Cimeramente pensaron que la música yera aniciada pol tabayón, empero cuandu s’averaron al llugar, cuál sería la so sorpresa qu’afayaron a Fer Í tocando la so harpa dende lu altu l’árbore.”

En el ciclo de Fionn mac Cumhail, líder de los Fianna, una banda de mercenarios irlandeses, nárrase l’estancia de dichu héroe nel Valle de los Texos (Gleann Eo), llugar cargáu de reminiscencies sobrenaturales nel que tuvu n’alcuentru con tres xigantes que resultaron ser tres pantasmas.

Semeyes:

1.- Texu de Salas; Autor/fonte: salasblog.com

2.- Texu de Sta. Coloma; Autor/fonte: turismodeasturias.com

 

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s