DIOSES ASTURES: NIMMEDUS ASEDDIAGUS

El cultu a esta divinidá ta documentáu pol ara atopada n’Uxu (Mieres) consagrada por Gaio Sulpicio Africano, que trescribimos equí:
NIMMEDO / [A]SEDDIAGO / G[ÂIUS] SULPICIUS / AFRICANUS / V[PTUM] / S[OLVIT] / L[IBENS] / M[ERITO]
A Nimmedus Aseddiagus Gaio Sulpicio Africano que fizo’l votu llibremente pol favor recibíu.
Nimmedus rellacionase col vocablu célticu nemeton, un santuariu al aire llibre onde se cellebraben los rituales . Esi términu atestiguase na toponimia antigua (Nemetobriga, capital de los ástures Tiburos) y na etnonimia (los galaicos Nemetati citaos por Ptolomeo). Nimmedus ye la espresión llocal d’un conceutu universal na Céltica antigua, el nemeton, la biesca como ámbitu sagráu, el so misteriu abelluga la presencia nun visible de la divinidá, pasando a identificase la biesca cola propia presencia divina.
El segundo términu Aseddiagus parez derivar del raigón indoeuropéu *sed (sentase, tar sentáu), apuntando esti epítetu a una posible rellación con otru cultu pancélticu venceyáu a la biesca, el de Cernnunos, el dios cornudu que suel representase sentáu coles piernes cruzaes.

Nun tamos énte un cultu llocal y aislláu, esclusivu d’Asturia, la mesma divinidá y otres mui asemeyaes documéntense na Celtiberia embaxo la grafía de Nemedus (Nemedus Augustus, en Cueva de La Griega, Segovia); na Galia rindese cultu a Nemetona ente los Tréviros y los Nemetes; y en Britania a les Matres nemetiales.


Fontes consultáes:

Diccionario De Las Religiones Prerromanas de Hispania. José Mª Blázquez.
Los Dioses de los Astures. Francisco Marco Simón.

11895975_874636345955762_718477699907496324_n

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s