TRIBUS ASTURES: LOS GIGURROS

Los gigurros o gigurri según Plinio (Nat. El to, 4, 28) o egurnion según Ptolomeo (Ptol. ll, 6, 37) yeren un pueblu de los Ástures Cismontanos, asitiáu probablemente na contorna de Valdeorras (Orense), que caltuvo’l so nome.

Se documentan tantu epigráficamente como n’autores antiguos. CIL II, 2610 fala d’un Reburro Fabro / Gigvrro Calvbrigen(si), y amás tán los testimonios de dellos autores: Plinio (Nat. Hist. 3, 28) que cita ente los populi noroccidentales a los Gigurri; Ptolomeo (Geogr. 2, 6) qu’asitia ente les ciudaes ástures del interior el Forum Gigurrorum; l’Itinerariu Antonino (428, 7), que menta’l llugar de mercáu Forum Gigurrorum, y finalmente la Xeografía de Rávena (4, 45) que fala d’un Foru Gigurnion. Nel decretu de augusto topáu en Bembibre falar d’unos Aiiobrigiaecinos ex xente Gigvrrorvm.

Un datu llingüísticu sorprendente, que se repite en tola área occidental de la cornisa cantábrica, ye l’apaición d’una serie de etnónimos, tresmitíos tantu poles fontes clásiques como pola epigrafía, que terminen en –urro- o –arro- (Seurros, Iburros, Egovarros, Susarros, Gigurros, etc.) Provoca cierta perplexidá atopar equí, nel llugar que tendríen d’ocupar sufixos conocíos, un sufixu –urro, desconocíu en celta común, ya inesplicable tantu fonética como morfológicamente, dende’l puntu de vista indoeuropéu. Quiciabes por esto, la etimoloxía d’estos nomes, dieron llugar a les más diverses teoríes.

Suxier E. Bascuas anque ensín muncha convicción ya ente otres posibilidaes, qu’estamos ante una forma *gigur “ganso”, relacionada cola forma proto-celta *giguranos ‘ganso salvaje’ (antiguo irlandés Gigren, Giugrann ‘ganso’ y galés Gwyrain `pato salvaje’), colo qu’esti pueblu de los astures sedríen cenciellamente ‘los gansos’. Adoptar el nome d’animales totémicos, y más concretamente de páxaros, non ye raru na etnonimia peninsular (ex: Turdulos y Lougeos), ensin embargo falta documentación d’esta pallabra nel celta continental, de manera que l’adscripción de la forma completa *giguranos a fecha celta primitiva pué ser precipitada.

ETIMOLOXÍA

Otros señalaron el calter fluvial del sufixu –urros, a partir de la etimoloxía de los tamién ástures Iburros, que’l so nome intenten desplicar dende un hidrónimu *Ibia, estendíu en *Ibura, col significáu de ‘los riberanos del ríu Ibura’. Asina los Gigurros sedríen ‘los riberanos del ríu *Cigia’, estendíu en *Cigura, hidrónimu yá conseñáu ente los ástures (ríu Cea en Llión < Cigia) y vecinos (ríu Cega en Segovia). Juan L .García Alonso establez como étimu la forma *Cic-y-a y facer derivar del raigañu *Kik- ‘brotar, remexar’ conseñada nel vieyu irlandés cich ‘mama’, galés cig ‘caldar’, córnicu chic y bretón quic, amás d’en el topónimu británo de Cicucium y otros munchos de la área céltica compilados por Holder.

La mutación del raigañu *Cigia > *Gigia respondería al fenómenu de sonorización secundaria d’oclusiva sorda inicial contempláu por De Bernardo pal Hispanu-celta occidental, y nun presenta oxeciones. Teniendo’n cunta que los desenvolvimientos nasales suelen actuar con función locativa (Tamag-ones ‘los del Tamega’ Sel-inos ‘los del Salia) la forma orixinal podría reconstruyise como Cigur(i)nos o Gigur(i)nos, coincidente per otra parte col Foru Gigurnion” que trescribe l’anónimu de Ravenna (4,45). Sicasí, la sufixación –urro, siguiría ensin atopar esplicación satisfactoria. Pa ello, habría que partir d’una disimilación de la forma –urros < -*ur(i)nos, non constatada.

A lo último, B. M. Prósper, retomando l’hipótesis de Bascuas defende que la forma hispanu-celta occidental *gigurro pudo proceder diréutamente de *gigur-yo con significáu de “los que glayen” y que por tantu formaríase directamente y en paralelu a *gigur-anu, que sería sía que non creación yá del celta insular, probablemente de calter axetival depués convertíu na designación del ánsar. Pa ello, ya intentando dar una esplicación satisfactoria a los sufixos geminados -urro, plantega la hipótesis de la esistencia d’una llei que partiendo d’un fenómenu fonéticu trivial, supondría l’asimilación de –ry- > -rr-. Esti cambéu fonéticu nun sería nin tanto xeneral, nin siquier nel Noroeste, y se circunscribiría a una área definida y a un grupu llingüísticu bien determináu.

TERRITORIU

Los gigurros ocupaben l’estremu oriental de l’actual provincia de Orense y el suroeste de la contorna d’El Bierzo na actual provincia de Llión. El nome de la güei contorna de Valdeorras ye una continuación del nome de tal pueblu (Giorres, Eurres y Iorres na Alta Edá Media, más tarde “Vall(e) de Iorres”, y hasta el sieglu XIX Valdiorres, que va alternar con Valdeorras), pero les llendes antigües son desconocíos. La so capital yera “Forum Gigurrorum”, cerca d’A Rua.

RELIXIÓN

Sabemos del cultu al dios Cosso (Conso nuna forma más primitiva) que los emparenta colos Susarros del norte y colos Callaecos lucenses.

CONSO / S[- – -]ENSI / P(VBLIVS) ARQVIVS / CLEMENS / GIGVRRVS

(Llión, El Bierzo, Ponte de Domingo Flórez)

El teónimo indíxena Conso yera desconocíu so esta forma, anque sí n’otres grafíes derivaes de Cosus. L’epítetu non puede resolvese satisfactoriamente, anque podría proponese S[ariur]ensi, S[apiur]ensi o S[upiur]ensi. El dedicante ye un indíxena romanizado, de la área de los Gigurri. Pola paleografía y la disposición de los elementos nel epígrafe fechar nel segundu terciu del sieglu I d. C.

Conso con grafía -ns- tien d’interpretase como una forma menos evolucionada que les más frecuentes Cueso, Cossue, etc., previa a l’asimilación del grupu -ns- en -ss-. L’apaición d’esta forma vien sofitar la etimoloxía de la divinidá como deriváu de *kom-dhH1 – y col significáu de «confluencia» propuesta por B. Prósper.

Tamién del cultu a un dios desconocíu y local denomináu Tiru Tilleno, que podría tar en relación cola inscripción del Marte Tileno atopada en Quintana del Marcu (Llión).

Q(uintus) Iul/[ius] Tiru / Tilleno / v(otum) s(olvit) l(ibens) m(erito) (Ourense, Barcu de Valdeorras).

MÓU DE VIDA

Vivíen, como los otros pueblos ástures, en castros. Cola llegada y conquista per parte de los romanos yA la posterior romanización, el so centru alzase’n “Forum Gigurrorum”, cerca d’A Rua, una estación sobre la vía XVIII, que xunía Bracara Augusta (Braga) con Asturica Augusta (Astorga), capital del conventu jurídicoasturicense, del que formaben parte los gigurri.

La so importancia tuvo de ser grande por cuanto los romanos crearon una Nala I Gigurrorum, lo que suponía un apurra de 500 caballeros, qu’en principiu teníen de salir de los mesmos gigurri. Sicasí un epígrafe procedente del castru de Cabanca revela un decurión de la nala, Icascaen, del pueblu Tamagani, alcontráu nel valle deVerín.

A lo llargo de la dómina romana’l territoriu de los gigurri ye un centru d’esplotación aurífera, con conocíos centros mineros, anque los dos más famosos, tán nes llendes del Valdeorras actual: Los Migollos, Patrimoniu de la Humanidá, conceyu de Carucedo, na contorna d’El Bierzo, Llión, enormes mines esplotaes a partir del sistema “ruina montium”, y el túnel de Montefurado, Quiroga, Llugo, una perforación destinada a esviar el calce del ríu Sil. Anque delles de les mines debieron de ser abandonaes a partir del sieglu III d. C., la producción, en menor escala, siguiría darréu, como lo demuestra que mientres el períodu visigóticu acúñase moneda, so Viterico, Sisebuto y Suintila, cola lleenda Georres / Giorres, como nesi momentu ye conocíu’l territoriu.

Fontes consultáes: Wikipedia y Asociación de Astures y Romanos de Astorga.

Semeya:  cabeza de bronce gigurra atopada n’As Medorras – Vilamartín; Autor: M. Moratín.

Cabeza de bronce gigurra encontrada en As Medorras

 

 

 

 

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s